Hamı bilirsən ki, ölüb gedəcək,
Bir gün ölməlidir dünyaya gələn.
Hamının, hamının ölümü gerçək,
Ancaq inanmırsan öz ölümünə.
Ölür atan-anan, ölür qardaşın,
Dərdi gedənlərin bükür belini.
Ölür yanın-yörən yarı yaşında.
Yenə inanmırsan öz ölümünə…
Mən də gedəriyəm – indi, gələn il…
Qalmaram qurd ilə qiyamətə mən.
Amma səadətdir ölüm elə bil –
İnana bilmirəm səadətimə…
28.03. 2015
Реклама
