Архив тегов | İlham Əliyev

ALDIM QAZ, SATDIM QAZ…

Мар12

                  QAZ

       vodevil

 

Əliyev: A kişi, sən öl, mən sənə nə qədər desən, qaz verərəm.

İvanişvili: Ay batano İlham, sənin qazın heç öz millətinə çatmır axı!

Əliyev: Hansı milləti deyirsən?

İvanişvili: Necə hansı milləti? Azərbaycanlıları.

Əliyev: Bağışla, fikrim ayrı yerə getdi… Batano, bizim millətə hələlik qaz vermək düzgün deyil. İşlədə bilmir millət qazı. Açır şoğəribi, bağlamır, bir də gördün partladı. Yavaş-yavaş öyrədirik. Öyrənməkləri bir əlli il çəkər…

İvanişvili: Mən qorxuram qazınız çatmaya, bizim camaat burda üşüyə. Batano, gürcü incə-mincə millətdir, qaz olmayanda üşüyür.

Əliyev: A kişi, biz ölmüşük ki, gürcü üşüyə? Allah eləməmiş, qazda problem olsa, millətin bütün yorğanını yığıb göndərərəm sizə.

İvanişvili: Bəs öz millətin yorğansız qalacaq?

Əliyev: Batano, bizim millətin gönü qalındır, üstünə əskidən-üsküdən örtüb qızışacaq….

İvanişvili: Vallah, üz vurursan, qalmışam məəttəl. Bizim qaz almağa heç pulumuz yoxdur.

Əliyev: A kişi, sən məni lap söyürsən. Mən səndən pul istəyirəm? Qaz sənə peşkəşdir. Bizim millət fəxr edir ki, onun qazını gürcü milləti yandırır. Üstündə pul da veririk. Nə qədər lazımdır? Utanma, de.

İvanişvili: Vallah, lap məəttəl qalmışam. Sənin xətrinə dəymək istəmirəm, ancaq biz gürcülər hər adamdan pul götürmürük…

Əliyev: A kişi, mən “hər adamam”?  Mən sənin kiçik qardaşınam.

İvanişvili: Qardaş yox də…

Əliyev: Olum uzaq qohumun. Lap uzq ey, suyunun suyu. Bax, al bu üstümdəkini, saymamışam.Mən pul saymıram. Sən də sayma. Dalı da gələcək. Götür.

İvanişvili: Vallah, başqası olsaydı, götürməzdim. İndu sən üz vurursan, keçə bilmirəm…

12.03. 16

Mirzə Əlil

 

PREZİDENT ÜÇÜN PARLAMENTARİZM HƏR ŞEYDƏN VACİBDİR

Ноя1

İlham Əliyevin parlamentarizmə hörməti o qədər böyükdür ki, seçkilərin nəticələrini qabaqcadan bilə-bilə özünə əziyyət verib gedir səs verməyə. Bu ona bənzəyir ki, özün qabaqcadan oyunun nəticəsini danışasan, sonra da gedib oturasan stadionda…

ADLARIMIZ AD DEYİL, ƏMƏK KİTABÇASIDIR…

Окт12

Xeyli azərbaycanlı adları var ki, onlar addan çox xasiyyətnamədir, arayışdır və hətta əmək kitabçasıdır.

Məsələn, Həsənqulu!

Bu adı eşidən kimi bilirsən ki, bu adamın işinin adı nədir, bilirsən ki, Həsənin yanında qulluq edir, Həsənin yanında qulluq edən adamın xasiyyətini də təxmin etmək olar. Bu insandan arayış da istəmək artıqdır, adından hər şey bilinir.

Heydərqulu!

Bəh-bəh! Vaxtında mənim adımı Heydərqulu qoysaydılar, indi mən kişinin oğlundan yaxşı pensiya da istəyə bilərdim…

Çox təəccüblənirəm ki, niyə indi azərbaycanlılar oğlan uşaqlarının adını İlhamqulu qiymurlar. Gözəl addlır! Həm də elə bil ki, uşaq anadan olandan prezident aparatında işləyir…

Bəh-bəh…

Əvvəllər mənim yanımda deyəndə ki, gözzzəl milətik, cin atına minirdim. İndi bu adlar yadıma düşdü, gördüm doğrudan da gözzzəl millətik…

Mirzə Əlil

12.10. 2014

YUNANISTANDA HƏR ŞEY VAR…

Июн16

Azərbaycan prezidenti İlham Əliyev Yunanıstanda bu ölkənin müxalifət lideri Aleksis Tsiprasla görüşüb. Cənab Əliyev deyib: “Bizim ölkəmizin iqlimi elədir ki, hər şey yetişir, hatta baobab ağacı da. Bircə şeydən başqa – Azərbaycanda müxalifət, nə qədər çalışırıqsa, əmələ gəlmir. Ona görə başqa ölkələrə gedən kimi oranın müxalif’ətiylə görüşüb ləzzət alıram”.

300 spartalı və 350 salyanlı

Май21

Üç yüz əlli salyanlı İlham Əliyevə məktub göndərib xahiş edirlər ki hüquq müdafiəçisi Emil Məmmədovu azad eləsin.

Vallah, bu salyanlaılardan elə işlər çıxır ki, adam məəttəl qalır. A balam, İlham Əliyev məktub oxuyur? Yəni by salyanlılar fikirləşirlər ki, İlham Əliyev bu dünyanın keflərini qoyub onların məktubunu oxyacaq və oxuduqca da başını yelləyib deyəcək: “Mehriban, deyirlər salyanlılar ağ işlədirlər, qara işlədirlər, hamısı yalandır, gör nə məktub yazıblar! Zırıltı!” Mehriban xanım da deyir: “İlham, oxuyandan sonra cırıb atma, ver mən də oxuum…”

İndi mən fiikirləşirəm ki, bu 350 salyanlı məktub imzalamaq əvəzinə niyə gedib  Emil Məmmədovun yatdığı türmənin qabağına yığılmır? Ya niyə Bakıya gedib prezident idarəsinin qabağında nümayiş keçirmir?

Vallah, prezident İlham Əliyevə xahiş ərizəsi yazan insan dəlidir. Və o 350 salyanlı qoy allaha şükür eləsinlər ki, aparıb onları dəlixanaya salmırlar…

Ya da kabinetini qlobus bəzəyən çoban görkəmli icra başçısına sağ ol desinlər…

 

Mirzə ƏLİL

21.05.2014

AZƏRBAYCANSAYAĞI OPTİMİZM

Май17

Optimist və pessimist haqqında rus lətifəsi var. O lətifə Azərbaycan dilində və Azərbaycan mövzusunda təxminən bu cür olardı.

 

Pessimist: Azərbaycanda bundan artıq özbaşınalıq ola bilməz!

Optimist: Ola bilər, ola bilər!

PREZİDENTLƏ BALTAÇININ NAĞILI

Апр19

Prezident lham Əliyev, nəhayət, Bakıda qiymətli ağacları  kəsəni tutub.

Cənab prezident düz üç gecə dalbadal kolluqda gizlənib ağacları güdüb. İki gecə dalbadal səhərə yaxın zat-aliləri yuxu tutub, ayılanda görüb ki, yenə neçə ağac kəsilib. Üçüncü gecə barmağını kəsib yarasını duzla doldurub. İndi daha yuxu hardan gələr? Bur tərəfdən yara zoqquldayır, o biri tərəfdən ağcaqanadlar qan iyinə gəlib tölkülüşürlər prezidentin üstünə. Hə, səhərə yaxın prezident görər ki, bir nəfər əlində yekə balta gəldi, yaxınlaşdı ağacların birinə. Elə baltanı qaldırıb ağaca çalmaq istəyəndə prezident qalxar kolluqdan, daldan yaxınlaşıb buna bir yaxşı təpik vurar. Baltaçı dönüb baxar, görər ki, təpik vuran prezidentdir. Yıxıalr yerə, elə həmin təpik vuran ayağı qucaqlayıb deyər ki, məni çevir Mehriban xanımın başına, qələt eləmişəm. Prezident ona deyər: “Sən Amerikada bu ağcaları kəssəydin, Amerika prezident bilirsən neylərdi? Bu baltanı alardı, sapını soxardı… Ancaq bizim ölkəmiz demokratik ölkədir, humanist ölkədir, tolerant ölkədir. Ona görə də mən sənə yüngül cəza verirəm. Mən səni icra başçısı göndərirəm…”

Deyirlər ki, Ramiz Mehdiyev prezidentin yarasında üç dəfə öpüb, yara sağalıb-gedib…

 

Mirzə Əlil