İSGƏNDƏR HƏMİDOV: «MƏN O BOMBANI TƏLƏSİK BASDIRDIM, SONRA YERİNİ TAPA BİLMƏDİM…»

isgəndər_həmidov

Şimali Koreyanın keçirdiyi raket sınaqlarıyla əlaqədar Morderator.az saytının müxbiri keçmiş daxili işlər naziri İsgəndər Həmidovla söhbət edib.

— İsgəndər bəy, siz nazir olanda deyirdiniz ki, atom bombanız var. Bəs onu niyə atmadınız?

— Mən atırdım, Bəy qoymadı. Dedi Yerevan qədim türk şəhəridir, orda çoxlu türk abidələri var, gərək biz o şəhəri yalın əllə alaq ki, abidələr ziyan dəyməsin.

— İndi o bomba hardadır?

— Milli və ulu öndərimiz Heydər Əliyev məni tutanda, Allah oğlunun canını sağ eləsin, bir az tələsiklik oldu. Məhəllədə bir çona qazıb bombanı basdırdım, türmədən çıxandan sonra yadıma düşmədi harda basdırmışam.

— Yəni belə şey olur?

— Niyə olmur, ə? Sən nə sırtıq jurnalistsən, nazir vaxtıma düşsəydin, şapalaqlardım səni. Götürək iti. Görürsən ki, bir yağlı sümük düşür əlinə, basdırır ki, sonra gəmirər. Sonra da yerini itirir, qalır axtara-axtara…

— İndi başa düşdüm, İsgəndər bəy. Yaxşı, birdən o bombanı tapsanız, neylərsiz? Atarsız ermənilərə?

— Mən o bombanı tapsam, əvvəlcə xanımla masləhət edərəm.

— Yəni həyat yoldaşınızla?

— Ə, birincisi mənim həyat yoldaşım dünyasını dəyişib. İkicisi, həyat yoldaşı kimdir,  ki, mən onunla bomba məsləhəti eləyim? Mən birinci xanımı deyirəm. Birinci xanım hara buyursa, kimin üstünə buyursa, ora ataram.

— Sağ olun İsgəndər bəy.

— Bura bax, sayta mənim nazir şəklimi qoyarsan. Nazir olanda yaxşı çıxırdım. General-leytenant paltarında… Bəy məni çox istəyirdi… İndi istəməsin…Sən də tutmusan ki, bomba… Ə, mən özün bomba kimi nazir idim…

Mirzə ƏLİL

 

İSGƏNDƏR HƏMİDOVUN ATOM BOMBASI VƏ ZAKİR HƏSƏNOVUN «İSGƏNDƏR»VURAN SİLAHI

Mənim keçmiş şagirdim Azərbaycan Politexnik İnstitutunda oxuyan vaxtlar daxili işlər naziri İsgəndər Həmidov tələbələr qarşısında çıxış edib demişdi ki, “məmin atom bombam var, atacağam ermənilərinb üstünə”.

Tələbələr də qorxularından deyə bilmirlər ki, ay oğr…, varsa, niyə atmırsan, bu millət qırıldı axı…

İndi də nazir Zakir Həsənov deyir ki, Azərbaycanda “İskəndər” raketlərini vuran silah var. Buna deyən yoxdur ki, ay… ay filankəs, belə silahların varsa, niyə bəs arvad-uşaq qırılır? Nazirin qarnı gün-gündən yekəlir, ordenlərinin sayı artır, millət də qırılmaqda.

Kefli İsgəndər demişkən, olasan Rüstəm-zal, çıxasan bu nazirin qabağına…

13.07.17

MİLLİ ŞURA HAMAMDA

nar

                                              Üzeyir byə bənzətməBakı hamamlarından biri. Cəmil Həsənli hovuzun qırağında qətfəyə bürünüb çay içir. Kisəçilər rəqs edib oxuyurlar:
— Hamamın içində,
-İçində və çölündə,
Yay, yaz, qış-bahar,
İlham Əlyevin,
Atalıq qayğısı var.
Cəmil Həsənli: Məni prezident seçin, sizə analoqu olmayan qayğı göstərəcəm.
Bu dəmdə içəri tərəfdən İsgəndər Həmidov anadangəlmə lüt çıxır.
İ. Həmidov (hamamçıya): Brat, mən başa düşmədim, bu nə sudur!
Hamamçı: İsgəndər bəy, şollar suyudur, hələ Qəbələ suyu da qatmışam.
İ. Həmidov: Brat, məni lox sayırsan? Mən bilirəm Qəbələ suyunda kimlər çimir. Sənin suyun bozbaş suyuna oxşadı. Mən on il srok yatmışam, heç türmədə belə pis hamam görməmişəm. Mən burda qalmaram (Elə lüt çıxır)
Cəmil Həsənli. A kişilər, vallah, lap yaxşı sudur.
Əli Kərimli qurşağacan qətfəyə bürünmüş halda görünür.
Ə. Kərimli: Cənablar, əgər desələr ki, mənə bu hamamda xarici pasport verəcəklər, yenə mən bura gəlmərəm. Mənə belə hamam lazım deyil, ayda bir dəfə Saatlıya gedib Arazda çimsəm, bundan yaxşıdır. (Çıxır)
İsa Qəmbər qətfəli görünür.
İ. Qəmbər: Əfəndilər! Bilirsiniz ki, İlham Əliyev mənim hamamma da, suyuma da həbs qoyub. Qonşuda çimməyə məcburam, hərçənd qonşum yapçıdır. Ancaq belə hamamdansa, yapçı hamamı yaxşıdır. Mən bir də bura gəlmərəm. (Çıxır)
Cəmil Həsənli (hamamçıya) Vallah, bilmirəm bu bəylərə nə oldu. Hamam lap yaxşı hamamdır… Bunlar getdilər, indi gərək hamam pulunu verəm… Evdən də boş çıxdım. O telefonu ver, Rüstəm bəyə bir zəng vurum… Rüstəm bəy! Biz hamamda Milli Şuranın iclasının keçiriridik, icra pulunu verə bilmirik. Hə, üç-dörd yüz baks. İki yüz göndərirsən? Axırıncı dəfə olsun? Milli şura ya hamam? Nə, пошли мы все в баню? (hamamçıya) Rüstəm bəydən pul gələcək. Özü də deyir, hamınız hamam gedin.
Hamamçı: Ay professor, bizim millətinki elə hamamdır.
Kisəçilər oynayıb oxuyurlar:
Yay, yaz, qış-bahar,
Burda Əliyevin,
Atalıq qayğısı var…

12. 01. 14 Samara

İSGƏNDƏRNAMƏ — 2

Mənim keçmiş şagirdlərimdən biri danışırdı ki, Politexnik institutunda oxuyanda daxili işlər naziri İsgəndər Həmidov tələbələrlə görüşə gəlib və çıxışında deyib ki, onun atom bombası var, bu yaxınlarda atacaq ermənilərin üstünə…

İsgəndərin atom bombası yox idi və ola bilməzdi, ancaq vaxtaşırı dəyənəkdən başqa silah görməmiş əlli-altımış polis işçisini cəbhəyə aparır, o yazıqları orda qırdırıb qayıdırdı…

Əslində Elçibəyi Heydər Əliyev yıxmadı, Elçibəyi yanındakı Həmidov kimi adamlar yıxdılar.

Həmidov sovet dövründə OBXSS kapitanı olmuşdu, sovet milisində bu, ən pozğun bölmə idi, yəni burda işləyən adamlar sosialist əmlakını oğurlayanlarla mübarizə aparmaq əvəzinə oğrulara qoşulub o əmlakı yeyirdilər. Elçibəy dövründə kapitan İsgəndər general-leytenant rütbəsi aldı və general mundirini utanmaz-utanmaz geyib redaksiyalara girir, jurnalistləri şillələyirdi… O vaxt insanlardan nə qədər daş-qaş yığıdığı və bunun hara xərcləndiyi məlum deyil. Ancaq yenə ən ağırı o polislərin vaxtaşırı qırğına verilməsi idi, Həmidov bununla özünün müharibədə iştirakını göstərmək istəyirdi…

Belə adam ya türmədə, ya dəlixanada ola. Ancaq indi bu adam hörmətli mxalifət liderləriylə yanaşı durub nitq söyləyir…

Atalar deyib ki, dostunu mənə göstər, sənin kim olduğunu deyim. İndi İsgəndərə baxıb İsa Qəmbər haqqında nə deyək? İsa Qəmbərin dalınca getmək nə dərəcədə ağıllı hərəkət olar? Birdən İsa Qəmbər (fantaziyamızı boş buraxaq) prezident olur. Deməli, İsgəndər yenə nazir olacaq, yenə redaksiyalara girib jurnalistləri şillələyəcək, yenə dəyənəkdən başqa silah görməmiş polisləri cəbhəyə göndərəcək?

Camaat, ağlınızı başınıza yığın, oturun yerinizdə, heç kimin dalınca getməyin. Allahdan diləyin ki, İlham Əliyevi üstünüzdən əskik eləməsin…

İSGƏNDƏRNAMƏ — 1

Günlərin bir günü maslkalı iyirmi adam (iyirmidən az adama İsgəndər Həmidov can verməz) tökülüşürlər İsgəndər Həmiovun üstünə, qollarını qandallayır, gözərini bağlayır və maşına basıb aparırlar. Haçanda-haçana maşın dayanır, İsgəndəri sürüyüb salırlar bir binaya. Birdən bir kişi səsi İsgəndərə deyir:

—         Ala, İsgəndər, məni tanıdın?

—         Səni necə tanıyım ki, gözlərim bağlıdır.

—         İsgəndər, sən gərək möhtərəm prezidenti gözübağlı tanıyasan. Vətəndaş gərək iy bilə. Yaxşı, aparın atın bunu hardan gətirmisiniz, ora…