YELİK

 

 vodevil

MEHRİBAN XANIM: Kişi, məh heç bilimirdim sən belə qəşəmg yelik sürürsən. Dünən televizorda gördüm, urusun bir sözü var ey, demək istəmirəm, o cür oldum.

İLHAM BƏY: “Yelik” yox, arvad, velik, yüz dəfə demişəm.

MEHRİBAN XANIM: Mənim dilim nədənsə “yelik”ə yatır, həm də elə bilirəm “yel kimi gedən” deməkdir. Qəşəng də çəkmişdilər. ANS çəkmişidi?

İLHAM BƏY: ANS hara çəkir? ANSi bağlamışam gedib!

MEHRİBAN XANIM: Sənin bağlayan əlin-qolun var olsun! Kişi, nöş bağladın, mən indi ilin adam harda olacam?

İKHAM BƏY: Kanal çoxdur, hansında istəsən, orda. AZTV-yə tapşırım, sənə həftədə bir dəfə ilin adamı desinlər.

MEHRİBAN XANIM: Kişi, tapşır. Mən özüm bilirəm ilin adamıyam, ancaq televizor deyəndə hamı bilir. Kişi, nə olar, gələn dəfə televizor sənin velik sürməyini çəkəndə, velikin birini də ver mənə, dallı-qabaqlı sürək. Koroğluyla Nigar kimi.

İLHAM bəy: Arvad, mənim atam uzaqgörənr olub, kor olmayıb!

MEHRİBAN XANIM: Kişi, mən o mənada demədim ki. Hirslənmə, gözün yenə qan qoyar, elə bilərlər şey çəkmisən. Kişi, sən velik sürəndə ürəyim düşmüşdü ey, deyirdim birdən sükan kişinin əlindən qaçar, kişi kəlləmayallaq olar.

İLHAM BƏY: Arvad, mən peşəkar idmançıyam, Olimpiya komitəsinin prezidentiyəm, sükan hara qaçır əlimdən?

MEHRİBAN XANIM: Kişi, deyirəm yəni nanəcbin biri sənin velikinə çöp soxar, xəbərin olmaz…

İLHAM BƏY: Arvad mənim velikimə çöp soxmaq istəyənlər bilrsən hardadırlar?

MEHRİBAN XANIM: Analarnın qarnında?

İLHAM BƏY: Yox, analarının qarnından çıxıblar. Ancaq çıxmaqlarına peşman olublar. Çünki hamısını basıram türməyə…

 

13.08.2016

Samara

 

Реклама

MİRZƏ ƏLİLDƏN ELEKTROŞOK AÇIQLAMA        

Ah Azərbaycan! Canım Azərbaycan! Gözüm Azərbaycan!        

Burda bəziləri danışırlar, qulağıma çatır, deyirlər guya Mirzə Əlil Azərbaycanı sevmir. Yalançının lap… Azərbaycanı mənim qədər sevən ikinci adam tapıb gətirin məmin yanıma, adımı dəyişib qoyum Mirzə Zəlil!

O gün arvada deyirəm ki, cəni boşayacam. Arvad deyir kişi, yaşından xəbərin var? Sənin arvad boşayan vaxtındır? Deyirəm arvad, Putin arvadını elə mən yaşda olanda boşamadım? Demədimi ki, bundan sonra o ancaq Rusiyanı sevəcək? Mən də bundan sonra təkcə Azərbaycanı sevmək istəyirəm. Arvad deyir kişi, polisin qulağına çatar ki, sən özünü Putinə tay tutursan, ekstremist maddəsiylə atarlar içəri…

Burasını arvad doğru deyir. Özümü Putunə tay tutmaqla bir az ağını çıxardım. Ancaq Azərbaycanı doğrudan da canımdan artıq sevirəm. Azərbaycanı malımdan da artıq sevərdim, ancaq mal yoxdur…

Azərbaycandan gələn hər şad xəbər mənim üçün bayram olur. O gün eşitdim ki, Bakıda bundan sonra polislər müxalifətçilərin mitinqini elektroşokerlə dağıdacaqlar. O qədər sevinmişəm ki! Hər dəfə televizorla görəndi ki, Bakıda mitinq iştirakçılarını su ilə qovub dağıdırlar, ürəyimdən qara qanlar gedirdi. Ancaq elə bilməyin ki, mənim mitinqçilərə yazığım gəlir. Allah eləməsin! Məni darıxdıran su idi! Gözzəl Şollar suyu! Gözzəl Qəbələ suyu! A kişilər, heyf feyil ki o inci suları belə ziyanlı adamların başına tökəsən? Vallah, deyələnlərə görə, Bakıda elə məhəllələr var ki, sakinləri həftəylə su görmürlər. Mən öz-özümə fikirləşirəm ki, elə bu mitinqə çəxanların çoxu müxalifətçi-zad deyil, məqsədləri havayı-kalan hamamlanmaqdır. Yəqin mitinqə özləriylə sabun, kisə gətirənlər də olur. .. Hamamsız yataqxanalarda yaşayan o qədər tələbə, o qədər qaçqın var ki, müxalifətçi adıyla küçəyə çıxıb özlərinui çimizdirirlər… Yoxsa axı bu adamların mitinqə çıxmağına ayrı səıbəb yoxdur: gözəl prezident, gözəl Ramiz Mehdiyev, gözəl Artur Rəsizadə, gözəl Milli Məclis… Ölkə reqional lider… Ha fikirləşirsən ki, bizim millətin nə problemi ola bilər, ağlına bir şey gəlmir. Məşədi İbad demişkən, bizim millətin bir problemi varsa, o da problemsizlikdir.

ЭЛЕКТРОШОКЕР 1

Mən çoxdan təəcüblənirdim ki, niyə Bakəda polislər bu mitinqçiləri elektroşokerklə dağıtmırlar. Mən televizorıa tez-tez görürəm ki, Afrikanın çox qabaqcıl ölkələrində polis su-zad işlətmir, orda da su qıtdır. Elə elektroşokeri dirəyir mitinqçinin süvər yerinə, o da iflic olur. Özünə gələndə Afrika dilində “Dədəm, vay!” deyib götürülür xarabasına və bir də küçəyə çıxmır…

Vallah, elə arzulayıram ki, kaş cavan olaydım, gedib Bakıda girəydim polisə işə. Bir mitinq dağıdardım ki! O elektroşokeri müxalifətçinin elə yerinə tıxayardım ki, bir ay yorğan-döşəkdən durmazdı, əli qələm tutan kimi də YAPa girməyə ərizə yazardı… Heyf, yaşım keçib, indi məni polisə götürməzlər…

Ancaq bir məsələ məni narahat edir. Kəndimizə hər gün zəng vururam Orda iki gündən bir işıqlar sönür. Qorxuram ki, Bakıda polislərə elektroşoker veriləndən onra işıqlar hər gün sönə. Axı ölkədə hasil olan elektrik enerjisinin yarısı bundan sonra elektroşokerlərə gedəcək…

 

Mirzə ƏLİL

29 oktyabr 2014 Samara

MİN İL KƏLLƏ-KƏLLƏYƏ

nar

Azərbaycanda müsavat-cəbhə qarşıdurması sünni-şiə qarşıdurmasından daha qədimdir, kökü islamdan əvvəlki dövrlərə gedib çıxır. “Kitabi-Dədə Qorqud” dastanlarında cəbhəçilərlə müsavatçıların mübarizəsi geniş əks olunub. Müasir Azərbaycanda bu qarşıdurma daha da kəskinləşib. Məlumdur ki, müsavatçılar cəbhəçilərə qız verməzlər, onlardan qız almazlar. Qızı müsavatçı oğluna qaçmış cəbhəçi deyir ki, qızım ölsəydi ya da yapçıya qaçsaydı, bundan min dəfə yaxşı olardı. Müsavatçı mollalar məclislərdə cəbhəçilərə, cəbhəçi mollalar müsavatçılara lənət deyirlər. Müsavatçı valideynlər qoymazlar ki, onların uşaqları cəbhəçi balalarıyla bir partada otursunlar. Cəbhəçi kişilər heç vaxt müsavatçı dəlləklərə baş qırxdırmazlar. Məlimdur ki, müsavatçılarla cəbhəçilərin hamamları həmişə ayrı olub. Müsavatçı, ürəyi yansa da, cəbhəçi qapısına gedib su istəməz. Cəbhəçi müsavatçıya su versə, qabı sonradan ya sındırar, ya da atar zibilliyə, çünki müsavatçının su içdiyi qab yumaqla təmizə çıxmaz.
Xarici jurnalistlərin yazdığına görə, müsavatçıları cəbhəçilərdən ayırmaq çətin deyil. Müsavatçılar dolmanı yarpaqlı-yarpaqlı yeyirlər, cəbhəçilər dolmanın yarpağını soyurlar. Cəbhəçilər yeriyəndə əvvəl sol ayaqlarını atırlar, müsavatçılar isə sağ ayaqlarını. Cəbhəçilərin bığları müsavatçıların bığlarından yekədir, ancaq cəbhəçiılərin qarınları bir az kiçikdir. Cəbhəçilər and içəndə “Sən öl!” deyirlər, müsavatçılar isə “Özüm ölüm!”
Bunlar, əlbəttə, kişilərə aiddir. O ki qaldı qadınlara, onlar barədə bir söz demək çətindir, çünki müsavatçıların da, cəbhəçilərin də arvadları qıraq-bacağa çıxmazlar…

18.01. 2014-01-18

Mirzə Əil

CƏNNƏT AZƏRBAYCANDA CƏZA ÇƏKMƏYƏ YER YOXDUR

Etibarlı mənbələrdən alınan məlumatlara görə, Azərbaycan Rusiya ilə apardığı son danışqlarda Dağlıq Qarabağın və ətraf rayonların qaytarılmasıda təkid etmir. Azərbaycan bunun əvəzində Rusiyadan Sibir ya Maqadan ərazisində Ağdam ya Zəngilan boyda bir yer istəyir ki, antimilli qüvvələri ora sürgünə göndərə bilsin.

 

AYRILIQ MAHNISI

ifa edirlər İsa Qəmbər və Əli Kərimli

 

          İsa Qəmbər

Gecılər istidən yata bilmirəm,

Zalım iqtidara bata bilmirən,

Səndən də bezmişəm, ata bilmirəm,

Ayrılıq, ayrılıq, aman ayrılıq,

Bilmirəm birləşık, ya da ayrılaq.

 

               Əli Kərimli

Gecələr yuxuma girir Saatlı,

Cəbhə piyadadlr, iqtidar atlı.

Nə ola, pasportum qaytarılaydı,

Deyəydin ay İsa, “aman ayrılıq!”

Bilmirəm birləşək ya da ayrılaq.

 

                   Birlikdə

              

Deyirlər guya biz qocaldıq daha,

Gərək cavanları çəkək qabağa.

İstefa versək də, bu ayrılığa,

Xalq dözməz, söyləyər: “aman ayrılıq!”
Hər bir dərddən olur yaman ayrlıq.

 

08.01. 2014

 

 

 

NƏŞƏLİ SÖHBƏT

İLHAM ƏLİYEV: Ramil, amerikalılar anaşanı açıqsatış elədilər. Deyirəm bəlkə biz də eləyək, xaql çəkib kayflansın?

RAMİL USUBOV: Zat-aliləri, yaxşı fikirdir. Ancaq hüquq-mühafizə orqanlarının işində çətinlik yarana bilər.

İLHAM ƏLİYEV: Deyirsən polislər peredoz eləyərlər?

Ramil USUBOV: Yox, bizim işçilər dozalarını bilirlər, öyrəşiklidilər. Mən müxalifətlə mübarizəni deyirəm. İndi ciblərindən anaşa çıxardırıq, anaşa açıq satış olsa, gərək boyunlarına ayrı şey qoyaq…

BAŞ PROKURORLUQ ERMƏNİLƏRİN ATASINA RƏHMƏT DEYİB

Baş Prokurorluq Anar Məmmədlinin həbsinə dair məlumat yayıb. Məlumatdan görünür ki, Anar Məmmədlinin Azərbaycan dövlətinə, onun gözzzəl millətinə vurduğu ziyan ermənilərin son iyirmi beş il ərzində vurduğu ziyandan çoxdur.

QALMIŞIQ YANA-YANA, GƏLİN BİZİM MEYDANA…

İsa Qəmbər Kiyevə gedir. Söz verib ki, Ukraynadan yarım milyon kozak gətirib Bakıda müxalifət mitinqi keçirsin.

36-LAR POEMASI

Bakının dərdi var, Bakı xəstədir,

İt kimi nəhləyir şəhər istidən.

Sərinə, küləyə qalmayıb inam,

Üçüncü müddətə can atır İlham.

Guya ailədə ədavət olmuş,

Mehriban xanım da namizəf olmuş…

Debatlar qızışır Milli Şurada,

Vahid namizədsə bilinmir harda,

Bəlkə də bürküdən polis qudurmuş,

Bir ağac altında yuzer oturmuş.

Gözünü ayfona zilləyib yazıq,

O da kayflanmaq istər azacıq.

Bəlkə müsavatçı, bəlkə cəbhəçi —

Ona məhəl qoymur yanından keçən.

Gedir dayanmadan, gedir adamlar,

Gedir uşaq-böyük, gedir qadınlar,

Bəkə ayaqları indi əsir də,

Ancaq dayanmırlar, tövşəsələr də,

Aksiya sayılar, dursalar əgər.

Yığılıb-tökülər dəyənəklilər..

Bakınin dərdi var, Bakı xəstədir,

Ürəyi qurdludur, başı xəstədir…

 

 

11.07.2013

BİZİM DƏ YERİMİZƏ…

Misirdə nümayişçilər prezident Mursinin istefasını tələb edirlər….

…Bir kənddə iki tənbəl varmış. Şah tənbəli. Günlərin bir günü ağsaqqallar deyirlər ki, gəlin görək bunların hansı tənbəllikdə üstündür. Salırlar bunları bir dama, qıraqdan odlayırlar. Od yavaş-yavaş dama girəndə tənbəlin bir qışqırır: “Yandım!” O biri tənbəl pıçıldayır: “Mənim də yerimə qışqır!”

Deyilənlərə görə, Azərbaycan müxalifətçilıəri misirlilərdən xahiş ediblər ki, onların da yerinə “İstefa!” qışqırsınlar…