Andlarınızdakı boşbağazlığı
Alah sizə keçər, əhd ilə ancaq
And içib bu andı sonra pozsanız,
Alahın cəzası ciddi olacaq.
Təmizlənməninsə budur yolları:
Gərək yedirdəsiz siz on miskini,
Öz ailənizi yedirdən kimi.
Paltar verəsiniz siz ya onlara
Azad edəsiniz ya bir köləni.
İmkanı olmasa bunlara kimin,
Gərək oruc tuta üç gün o insan,
Beləcə ödəyər əvəz andpozan.
Anda əməl edin; beləcə Allah,
Sizə ayələri eləyir izah.
İman gətirənlər! Rəzil bir insan,
Sizə bir xəbəri gətirsə haçan,
Yerinə yetişin, öyrənin hökmən,
Doğrumu deyir o. Bilməyərəkdən,
İncidə bilərsiz yoxsa kimisə,
Peşmanlıq əzabı dərd olar sizə.
08. 10. 2022, Samara
İçdyiniz andları
Döndərməyin yalana.
Yoxsa torpağın üstdə
Bu gün möhkəm dayanan,
Ayaqlarınız çaşar.
Və Allahın yolundan,
Beləcə çıxan insan,
Şər ilə qarşılaşar.
Satmayın heçneçəyə.
Allahla əhdinizi .
Yalnız Allahda olan,
Zəngin eləyər sizi.
07. 10. 2022, Samara
Malından kim keçsə Allah adıyla
Bir dənə bənzər ki, bitər o dəndən,
Yeddi sünbül – yüz dən hərəsində də.
Kimə istəyirsə, artırır Allah.
+
Keçsə kim malından Tanrı yolunda,
Və danlaq, töhmət də vurmasa əgər,
Allahın o kəsə mükafatı var.
O nə qorxu duyar, dərd bilər nə də.
06. 10. 2022 Samara
Xoş söz, mehribanlıq daha yaxşıdır
Nəinki sədəqə verib kasıba,
Ona tənə, qınaq eşitdirəsən.
Kim sədəqə verib qınasa əgər,
Onun sədəqəsi hədərə gedər.
O kəsə bənzər ki beləsi şöhrət
Eşqiylə malını sərf edər, ancaq,
Nə Axirət bilər, nə də ki, Allah.
Belə bir insansa qayaya bənzər:
Torpaq var üstündə qayanın, hərçənd,
Leysan yağan kimi lüt qalar qaya.
Malını Allahdan lütf qazanmağa,
Kim ki sərf edərsə, təpə üstdəki,
Bir bağa bənzəyər; leysan gedərsə,
İkiqat olacaq onun meyvəsi
Leysan yağmasa da – şeh onun bəsi.
05. 10. 2022, Samara
İman gətirənlər! Öyüddür sizə:
Sədəqə, ianə verirsinizsə
Qazandığınızın, sizinçin ya da
Bitirdiyimizin yaxşılarından
Verin; Elə bir şey verməyin ki, siz,
Əgər özünüzə təklif edilsə,
Ancaq göz yumaraq götürərsiniz.
+
Şeytan yoxsulluğu sizə vəd edir
Föhşü, simicliyi sizə öyrədir.
Allah hikmət verir kimə istəsə.
Allahın neməti var hikmədəsə.
04. 10. 2022, Samara
Malınızı yeməyin,
Boş yerə aranızda.
Onu rüşvət verməyin
Məhkəmələrə ya da,
Ki, özgə malına da
Yiyələnib, yeyəsiz,
Bu, günah olan halda.
Bunu bilirsiinz siz.
03. 10. 2022, Samara
İman gətirənlər! Sizə orucluq,
Vacib buyurulub, necə ki, sizdən,
Əvvəl gələnlərə qanun olub bu.
Bəlkə də xof olar ürəyinizdə.
+
Bu, ayın müəyyən günlərindədir.
Kimsə sizdən əgər azarlı olsa,
Ya da yol üstəsə, o vaxt qədəri,
Sonra oruc tuta gərək o insan.
+
Belə bir üzrlü səbəb olmadan
Oruc tutmayansa buna əvəz tək
Kasıb insanları yedirdə gərək.
Hansi bir xeyir iş görsə kim haçan,
Xeyrini görəcək özü o insan.
02. 10. 2022, Samara
İnsana buyurduq valideyninə
Gözəl münasibət gərək bəsləsin.
Bətnində əzabla daşıyır ana,
Sonra doğmağı da əzablı, çətin.
Süddən ayırınca otuz ay çəkir.
Yetkin qırx yaşına çatır elə ki,
Deyir: “Sövq et, Tanrı, mənim qəlbimi
Valideynimə də, mənə də sonra,
Sənin yetirdiyin nemətə görə,
Minnətdarlıq duyum axıra kimi.
Xeyir işlər görüm sənə xoş olan,
Lütfünü əskiltmə sən də nəslimə,
Sənə üz tuturam, həqir müsliməm”.
01.10. 2022, Samara
İman gətirənlər! Qoy kişilərdən
Biri digərinə gülməsin heç vaxt.
Qadın da qadına; lağa qoyulan,
Yaxşıdır bəlkə də lağa qoyandan.
+
Möminlər! Bir kişi gərək heç zaman,
Başqa bir kişiyə gülməyə gərək,
Qadın da qadına; lağa qoyulan
Yaxşıdır bəlkə də lağa qoyandan.
Kiməsə ayıb ad, ləqəb verərək,
Özünü alçaldar, bilin, müsəlman!
30. 09. 2022, Samara
xeyrulla xayal 