MİLLİ ŞURA HAMAMDA

nar

                                              Üzeyir byə bənzətməBakı hamamlarından biri. Cəmil Həsənli hovuzun qırağında qətfəyə bürünüb çay içir. Kisəçilər rəqs edib oxuyurlar:
— Hamamın içində,
-İçində və çölündə,
Yay, yaz, qış-bahar,
İlham Əlyevin,
Atalıq qayğısı var.
Cəmil Həsənli: Məni prezident seçin, sizə analoqu olmayan qayğı göstərəcəm.
Bu dəmdə içəri tərəfdən İsgəndər Həmidov anadangəlmə lüt çıxır.
İ. Həmidov (hamamçıya): Brat, mən başa düşmədim, bu nə sudur!
Hamamçı: İsgəndər bəy, şollar suyudur, hələ Qəbələ suyu da qatmışam.
İ. Həmidov: Brat, məni lox sayırsan? Mən bilirəm Qəbələ suyunda kimlər çimir. Sənin suyun bozbaş suyuna oxşadı. Mən on il srok yatmışam, heç türmədə belə pis hamam görməmişəm. Mən burda qalmaram (Elə lüt çıxır)
Cəmil Həsənli. A kişilər, vallah, lap yaxşı sudur.
Əli Kərimli qurşağacan qətfəyə bürünmüş halda görünür.
Ə. Kərimli: Cənablar, əgər desələr ki, mənə bu hamamda xarici pasport verəcəklər, yenə mən bura gəlmərəm. Mənə belə hamam lazım deyil, ayda bir dəfə Saatlıya gedib Arazda çimsəm, bundan yaxşıdır. (Çıxır)
İsa Qəmbər qətfəli görünür.
İ. Qəmbər: Əfəndilər! Bilirsiniz ki, İlham Əliyev mənim hamamma da, suyuma da həbs qoyub. Qonşuda çimməyə məcburam, hərçənd qonşum yapçıdır. Ancaq belə hamamdansa, yapçı hamamı yaxşıdır. Mən bir də bura gəlmərəm. (Çıxır)
Cəmil Həsənli (hamamçıya) Vallah, bilmirəm bu bəylərə nə oldu. Hamam lap yaxşı hamamdır… Bunlar getdilər, indi gərək hamam pulunu verəm… Evdən də boş çıxdım. O telefonu ver, Rüstəm bəyə bir zəng vurum… Rüstəm bəy! Biz hamamda Milli Şuranın iclasının keçiriridik, icra pulunu verə bilmirik. Hə, üç-dörd yüz baks. İki yüz göndərirsən? Axırıncı dəfə olsun? Milli şura ya hamam? Nə, пошли мы все в баню? (hamamçıya) Rüstəm bəydən pul gələcək. Özü də deyir, hamınız hamam gedin.
Hamamçı: Ay professor, bizim millətinki elə hamamdır.
Kisəçilər oynayıb oxuyurlar:
Yay, yaz, qış-bahar,
Burda Əliyevin,
Atalıq qayğısı var…

12. 01. 14 Samara

Реклама

RÜSTƏM İBRAHİMBƏYOVUN MUSİQİSİZ KOMEDİYASI

 

Azərbaycanda müxalif fikrə və müxalifət hərəkatına Rüstəm İbrahimbəyovun vurduğu ziyanı hakimiyyət özü də vura bilməzdi. R. İbrahimbəyovun gözlənilmədən müxalifətə qoşulub onun başında durmağı bütün etiraz hərəkatını hörmətdən saldı və onu məzhəkəyə çevirdi – yəni belə çıxdı ki, xalqın mövcud hakimiyyətdən heç bir narazılığı yoxdur, hakimiyyətdən şəxsi incikliyi olan adamlar, xüsusən R. İbrahimbəyov, öz məqsədləri üçün xalqda bu narazılığı yaratmağa çalışırlar.

Əslində belə impulsiv çarpışmalar R. İbrahimbəyov üçün təzə deyil. Bir neçə il əvvəl o, Moskvada keçmiş dostu Nikita Mixalkovla mülk mübarizəsi apardı, məğlubuyyətə uğradı, bundan sonra fəaliyyətinin çoxunu Azərbaycana keçirdi. İndiki komik mübarizədən və komik məğlubiyyətdən sonra da yəqin Rustam bek özünə fəaliyyət meydanı tapacaq.

Müxalifin bioqrafiyası olmalıdır, müxalifin hakimiyyətlə qarşıdurması şəxsi incikliklərə ya antipatiyalara dayaqlana bilməz, müxaliflə rejim arasındakı qarşıdurma ciddi siyasi, sosial və hətta estetik baxışlar sisteminin tam ya qismən əksliyi üzərində qurulur, Rüstəm İbrahimbəyovun isə indiki rejimlə heç bir barışmaz ziddiyyəti yoxdur, Rustam bek mərhum Heydər Əliyevin Azərbaycan xalqının başında turp (pambıq, tütün, barama….) əkdiyi vaxtlar fövqəladə vicdan sakitliyi ilə yaşayıb. Razılaşaq ki, indiki rejimdə demokratik ünsürlər sovetlər vaxtından qat-qat çoxdur. Yəni söz yenə ora dirənir ki, Rustam bek bütövlükdə rejimdən yox, rejimin şəxsən ona münasibətindən narazıdır.

İndiki müxalifət rəhbərləri isə (onlara lider demək olmaz, lider-zad deyillər) onlara olan az-çox etimadı R. İbrahimbəyova həvalə etməklə özlərini tamamilə hörmətdən saldılar və yaxşı olar ki, bundan sonra siyasətdən çəkilələr…

RÜSTƏM İBRAHİMBƏYOV SURİYADA

nar

Azərbaycan prezidentliyinə namizədliyi qeydə alınmamış Rüstəm İbrahimbəyov siyasi mübarizəni dayanıdırmayıb. Hazırda Rüstəm bəy Suriyada Bəşər Əsədə qarşı döyüşlərdə iştirak edir, çünki onun Rusiya vətəndaşlığı Suriya qanunvericiliyinə zidd deyil. Jurnalist Eynulla Fətullayevin yazdığına görə, İsa Qəmbər,Bəxtiyar Hacıyev, Emin Milli, Gözəl Bayramlı  və başqa görkəmli xadimlər  Suriya müxalifətinə qoşulublar. Əli Kərimli də xarici pasport alan kimi Suriyaya yollanacağını deyib.

ŞTURMBANFÜRER LAZIM

İlham Əliyev neçə ildi lazımı gözləyirdi ki, Qarabağı alsın, indi Rüstəm İbrahimbəyov da Lazımı gözləyir ki, Bakıya gəlsin. Bu Lazım şturmbanfürer Şturlitsə dönüb, bilmirsən hansı tərəfə işləyir.

GƏLİRSƏN? SEÇKİLƏRƏ GEDİRSƏN?

 
nar

Bir Azərbaycan futbolçusu vardı, Vəlli Qasımov, Rusiyada da oynamışdı, sonra bir müddət, deyəsən, Portuqaliyada. Onu telefonla milli yığmaya çağıranda demişdi: “Ваша сборная у меня в печенках сидит».Yəni sizin yığmanız mənim qara ciyərimə vurub…”
Mənə elə gəlir ki, hərdən-hərdən Rüstəm İbrahimbəyova Bakıdan zəng vurub deyirlər: “Rüstəm müəllim, seçkilər yaxınlaşır, gəlirsiz?” İbrahimbəyov da deyir: “Ваши выборы у меня в печенках сидят!» Yəni sizin seçkilərininz mənim qara ciyərimə vurub…

 

36-LAR POEMASI

Bakının dərdi var, Bakı xəstədir,

İt kimi nəhləyir şəhər istidən.

Sərinə, küləyə qalmayıb inam,

Üçüncü müddətə can atır İlham.

Guya ailədə ədavət olmuş,

Mehriban xanım da namizəf olmuş…

Debatlar qızışır Milli Şurada,

Vahid namizədsə bilinmir harda,

Bəlkə də bürküdən polis qudurmuş,

Bir ağac altında yuzer oturmuş.

Gözünü ayfona zilləyib yazıq,

O da kayflanmaq istər azacıq.

Bəlkə müsavatçı, bəlkə cəbhəçi —

Ona məhəl qoymur yanından keçən.

Gedir dayanmadan, gedir adamlar,

Gedir uşaq-böyük, gedir qadınlar,

Bəkə ayaqları indi əsir də,

Ancaq dayanmırlar, tövşəsələr də,

Aksiya sayılar, dursalar əgər.

Yığılıb-tökülər dəyənəklilər..

Bakınin dərdi var, Bakı xəstədir,

Ürəyi qurdludur, başı xəstədir…

 

 

11.07.2013

RÜSTƏM. mənzum dram

 

İlham: Rüstəm, prezidentin hüzurundsan!

Gərək baş əyəsən, boyun burasan!

Rüstəm: Neçə ay dolaşdım mən Avropada,

Daha dəbdə deyil baş əymək orda!

İlham: Çox da tərifləmə sən Avropanı,

Yaxşı tanıyıram özüm oranı!

Çox keflər çəkmişəım hər şəhərində,

Mənə baş əyiblər hesab verəndə.

Rüstəm: Ofisiant deyil, sənətkaram mən!

İlham: Ha-ha! Muğamatçı? Meyxana deyən?

Rüstəm: Həm də namizədəm müxalifətdən!

İlham: Yox, sən namizıdsən narkomanlara,

Antimillilərə, xuliqanlara!

Rüstəm: Milləti dünyaya tanıtmışam mən!

İlham: Öndərin adıyla tanınıb vətən!

Nökərlərə əmr edir ki, Rüstəmin qolundan tutub çıxarsınlar. Birdən qapı dalında hay-küy qalxır. Ramiz Mehdiyev başılovlu girir içəri.

 

Ramiz: Özünü namizəd verdi Mehriban!

İlham: Bizim eşqimizi məhv etdi zaman! (özündən gedib yıxılır)

PƏRDƏ

YERİ, YERİ, BİZ DƏ GƏLƏK DALINCA…

Sosial sorğulara görə, Azərbaycan xalqı  demokratik qüvvələrin vahid namizədi Rüstəm İbrahimbəyova səs verməyə hazırdır. Sorğu göstərir ki, xalq R. İbrahimbəyovun Avrodan Azərbaycana qayıtmasını istəmir, əksinə, xalq özü Avropaya, R. İbrahimbəyovun yanına getmək istəyir. 

BU OLMASIN, O OLSUN

Rüstəm İbrahimbəyov: Gedin, gedin, millətə deyin, qoy mənə səs versin!

Milli Şura: Razısan?

İbrahimbəyov: Hə, hə!

Milli Şura: (İlham Əliyevə)bunu sənə rəqib edək, razısan?

İlham Əliyev: Yox, yox…

Milli Şura: (seçicilərə) razısız?

Seçicilər: möö, möö…