Архив тегов | satirik şeirlər

BAŞ KOMANDANIN MAHNISI: «AYLI GECƏ, SƏRİN KÜLƏK…»

İlham Əliyev 2

Aylı gecə, sərin külək göy çəmən,
Gözlədiyim Lazım gəldi qəfildən,
Ancaq ağır zərbələri endirən,
Nə gizirdir,

nə də əsgər,

Mən, mən, mən! Mən, mən, mən!

=

Təyyarələr od yağdırır göylərdən,
Ermənilər bağırırlar:”vay, dədəm!”

Ancaq bilin, oqraşları mələdən,
Nə raketdir,

nə də bomba,
Mən, mən, mən! Mən, mən, mən!

=

Satqın Minsk formatına yenidən,

Qayıtmaram, yalvaralar yüz eldən,
Ancaq işi  hərb yoluyla həll edən,

Nə millətdir,

nə də ordu,

Mən, mən, mən! Mən, mən, mən!

=

Aylı gecə, sərin külək, göy çəmən,
Kimdir mənə gecə gözü zəng edən?

Cənab Putin?! Nə var-nə yox, necəsən?

Bil, hazıram

qulluğunda,
Mən, mən, mən! Mən, mən, mən!

Mirzə TƏBİL

11. 10. 2020, Samara

MATƏM MAHNISI

2

Musiqisi bəstəkar Kəmaləddin Heydərovun,

             Sözləri şair Baba Vəziroğlunundur.

 

Mənim deputat atam,

Millət vəkili dədəm!

Kefindədir çox adam,
Mənsə yas içindəyəm!

 

 

Kişi çoxdur ölməyə,
Ölməyə arvad da çox.

Niyə sən öldün, niyə —

Buna mənim sözüm yox!

 

 

Adi insan deyildin,

Naxçıvanlıydı adın.
Fövqəladə hal idin,

Fövqəladə adamdın.

 

 

Bir vaxt sən kommunistdin,
Yapçı oldun sonra sən.

Hara külək əsirdi,
Burun tutdun ora sən.

 

 

Sən nazir atasıydın,
Milyardçı atasıydin,
Dünyanı alasıydıq,
Bir az da yaşasaydın.

 

 

Cənnət nəyinə gərək –

Sən cənnət yaşamısan!

Biz hələlik kef edək,
Sağ ol, Azəribaycan!

 

04.08. 2020, Samara

BUNA SƏBƏB GÜLƏNDİR…

Kəndinin qazı yoxdur? –

Buna səbəb Güləndir.

Tapılmır nə də doxdur? –

Buna səbəb güləndir.

 

Bazarda bahadır ət –

Buna səbəb Güləndir.

Meyvə-tərəvəz qəhət –

Buna səbəb Güləndir.

 

Məhəlləmizdə yasdı –

Buna səbəb Güləndir.

Qonşu özünü asdı –

Buna səbəb Güləndir.

 

Müəllim az maaşlı –

Buna səbəb Güləndir.

Dərs deyir gözü yaşlı –

Buna səbəb Güləndir.

 

Bağlıdır həkimxana –

Buna səbəb Güləndir.

Xəstə gedir İrana –

Buna səbəb Güləndir.

 

İşıq, su bahalaşdı –

Buna səbəb Güləndir.

Arvad ərlə dalaşdı –

Buna səbəb Güləndir.

 

Nazir başa bəladır –

Buna səbəb Güləndir.

Polis xalqı mələdir –

Buna səbəb Güləndir.

 

Prezident ömürlük

Buna səbəb Güləndir.

Lap açığı – ölürük! –

Buna səbəb Güləndir!

 

22.08.2016 Samara

 

 

 

BAĞLA!  

Sən ey Tvitteri boğan Ərdoğdn,

Yu Tubun səsini kəsən qəhrəman!

 

Bilinsin aləmə qolunun zoru,

Bağla radionu, televizoru.

 

 Ziyanlı söhbətdən qoru milləti,

Dayanma, yıx, sürü sən İnterneti.

 

Başı açıqların başını bağla,

Sən çəkən cızığı aşanı bağla.

 

Bağla polisləri, generalları,

Qandala həsrətdir əl-ayağları.

 

Nə qədər nurçu var, damğala, bağla,

Ya ölkədən çıxar, ya da yasaqla.

 

İslam aləminin ərköyün oğlu,

Bağla Atatürkün açdığı yolu.

 

 

Qapı-pəncərəni bağla, ey paşa,

Söndür işığı da, arxayın yaşa.

 

31.03. 2014 Samara

RƏCƏB TEYYİB ERDOĞANIN OĞLUNA NƏSİHƏTİ

 

Sən ey fərasətli, ağıllı oğlum,

Bəzəkli-düzəkli, sığallı oğlum!

 

Daha baş bakana qalmadı hörmət.

Ölkə xarablaşdı, zay oldu millət.

 

Cavanı, qocası müxalifətçi,

Qərbin havasıyla paslanıb içi.

 

Küçədən qovursan, meydana girir,

Nə güllə susdurur, nə qaz kiridir.

 

Polisdə qalmayıb, oğul, qanacaq,

Bizim pulumuza göz dikib ancaq.

 

Gözümün işığı, astaca, xəlvət,

Evdəki pulları yaxşıca gizlət.

 

Telefona yüklə bir neçə milyon,

Min yerə zəng elə, çıxar min oyun.

 

Bax, ey aslan oğlum, Əliyevlərə,

Kazinoda uduz, Dubayda xərclə.

 

Kisələrə doldur, torpağa basdır,

Uca ağacların başından asdır.

 

Uzaq ölkələrin bankına yolla,

Ada al,otel al, tikdir ev, qala.

 

Nə qalsa, çeynə ud, igid  aslanım,

Təki itə-qurda qalmasın, canım!

 

 

12.03. 2014 Samara