Qurtarıb oyunun vaxtı haçandır,

İndi artırılan dəqiqələrdrir.

Qüvvəsi tükənib oyunçuların,

Qaçan elə bil ki biyara gedir.

Nəticə bilinir, iş işdən keçib,

Dağılır camaat stadiondan.

Gözləri saatda məşqçilərin,

Bir fitin girinci neçə min insan…

Əlimi qoynuma qoyub durmuşam,

Nə gözucu baxan, nə də dindirən.

Vaxt keçib, oyunu başa vurmuşam,

Mən də bir hakimin fitinə bəndəm…

 28.12. 2015 Samara