Deyilənə görə, deputat xanım,

Vəsiyyət edibmiş haçandan bəri,

Xalqına dxili orqanlarını,

Bu da ki, sevgidən irəli gəlir.

 +

Bu nəcib orqanlar kimə çatacaq?

Mərmi dağıdana cəbhədə bəlkə?

Necə bölünəcək? Püşk atılacaq?

On deyi, yüz deyil yaralı əsgər…

 +

Üstəlik yüzlərlə hərbçimiz var,

Dalağı, böyrəyi sıradan çıxan.

Tərtərdə kəfəni cırıb çıxıblar,
Yaraları verir indiyəcən qan.

 +

Çoxdur şəhid, dustaq anaları da,
Məzarıq yolunda üzülüb onlar.

Ağır xəstədirlər, yaralıdırlar,
Orqana onların ehtiyacı var.

 +

Bu ölkədə sağlam kim və nə var ki? –

Xəstədir orqanlar, özü də ciddi.

Parlament xoralı, məhkəmə də ki,

Əsl qırmızı qurd eşənəyidir.

 +

Xanım, söyləyirəm sağlığınıza:

Vəkil deyildiniz siz axı əsl.

Siz xəstə orqanda qurd, yaraydınız,
Bütün Milli Məclis, təkcə Siz deyil.

 +

On beş ildə haçan xeyrinə xalqın,
Siz əl qaldırdınız, düymə basdınız?

Müdafiəsinə qalxaraq haqqın,
Müstəbid yeriyən yolu kəsdiniz?

 +

Ala bilərdiniz protez, orqan.

Vəkil maaaşından, xanım, hər ayın,

Sizin yolunuzda yarımcan olan,
Cavan oğlanların bilinmir sayı…

         P.S.

Divanə bir həkim, Rəşid Mahmudov,
Açıqlama verib atüstü dünən,

Vəkil orqanları, deyib, zay olub.
Hərçənd anlamadım nə üçün, nədən…

29.09. 2023, Samara