Архив тегов | Tural Sadıqlı

QƏNİMƏT ZAHİDLƏ SEVİNC OSMANQIZI: VAHİDANƏ (HƏM DƏ ZAHİDANƏ)

Янв29

qənimət zahid

Dedim: Ey qönçədəhan, könlümü qan eyləmisən!

Dedi: Zahid, halımı sən də yaman eyləmisən!

 +

Dedim:  Xəyalımı tərk etmədin Fransada da!

Dedi: Bəh-bəh! Nə gözəl yerdə məkan eyləmisən!

 +

Dedim: ABŞ-da səni görməyə çox can atıram!

Dedi: Çoxdan gözümü yolda qalan eyləmisən!

 +

Dedim: hər gün səninlədir niyə Beydulla Manaf?

Dedi: Otello kimi bəlkə fəğan eyləmisən?

 +

Dedim: Əlbəttə, yaxır qəlbimi qısqanclıq odu!

Dedi: Yutubda da yəqin ki, bəyan eyləmisən!

 +

Dedim: səninlə niyə eyş edir Sadıqlı Tural?

Dedi: Azad sözü çoxdan qadağan eyləmisən?

 +

Dedim: bu ərzdə yeganə müxalif özüməm! 

Dedi: Siyasəti əyləncə güman eyləmisən!

 +

Dedim: Böyük yazaram həm də mən zəmanəmizə!

Dedi: sayıqlamanı bəlkə roman eyləmisən?

 +

Dedim: əgər yenə də zəng eləsəm, maygülüyəm!

Dedi: get, maygülü, hər fəsli xəzan eyləmisən!

 

Mirzə TƏBİL

29. 01. 2024 Samara

 

QABİL MƏMMƏDOV TURAL SADIQLIYA: “HANI BƏS BAFAN SƏNİN…”

Янв22

tural sadıqlı məhəmməd mirzəli

Qabil Məmmədli: Alo! Alo!

Tural Sadıqlı: Qabil, əzizim, sənsən?

Qabil: Əə, mənə ikilikdə “əzizm” deyirsən, özün itlə sevişirsən. Hanı bəs bafan sənin ?

Tural: Qabil, mən heç səni itə dəyişərəm?

Qabil: Əə, məni lox sayırsan? Xalqa deməmisən ki, itlə sevişirsən?

Tural: Qabil, mən o sözümlə xalqı azdırırdım ki, duyuq düşməsin. Qoy desinlər ki, itlə  münasibətdədir. Yəni bunu bizim sevgimizi gizlətmək üçün demişəm.

Qabil: Tural, sən bilirsən ki, mən nejə qısqanjam. Bilsəm ki, itlə aranızda doğrudan da nəsə var, gəlib o iti də, səni də cırıx-cırıx edəsiyəm.

Tural: Əzizim, özünü ələ al. Mən dünən iti güclə Məhmməd Mirzəlinin əlindən almışam, o da qısqanclıqdan iti boğmaq istəyirdi..

Qabil: Ə, Mirzəliylə də aşnalığın var?

Tural: Yox, Mirzəlinin itlə aşnalığı var. Məni itə yox, iti mənə qısqanır…

 Mirzə ƏLİL

22. 01. 2024 Samara

TURAL SADIQLI HƏR AZƏRBAYCANLININ BAŞINA 130 MİN MANAT QOYUB…

Янв20

tural sadıqlı 10

Sırtıq və ayıbçı uşaq olan Vova haqqında rus lətifələrinin biri belədir:

Sinifin qızları sözü bir yerə qoyurlar ki, Vova bir də dərsdə ayıb danşsa, durub bir yerdə sinifdən çıxsınlar.

Növbəti dərs şifahi inşadır. Hər şagird öz küçəsində görülən quruculuq, abadlıq işlərindən danışır. Növbə çatır Vovaya. Vova durub deiyr:

—  Bizim küçəmizdə isə fahişəxana tikilir…

Bunu eşidn kimi sinfin qızları üz qoyurlar qapıya sarı. Vova onları daldan haraylayır:

— Qızlar, hara tələsirsiniz. Oranın hələ indi özülünü qoyublar…

Tural Sadıqlı deyib ki, hər şəhidə 130 min verəcək. Niyə yüz əlli min yox, ancaq 130 otuz min, Sadıqlı izah etməyib. Hərçənd 130 min də çoxdur. İndiyəcən nəinki müharibəyə, hətta əsgər getməyən bakılılılar guya komissarlıqların qabağında növbəyə durublar. Söyüş qoyan da var: “Şəhid olmasam, maygülüyəm, bicbalayam!” Guya arvadlardan da getmək istəyən çoxdur. Ancaq şərt qoyublar ki, Tural Sadıqlı pulun yarısını qabaqcadan versin…

Zalım uşağı, verəcək də. Tural Sadıqlı  haçan yalan danışmışdı ki, indi onun sözünə şübhə edirsiniz…Qoy bu zalım balası sərhədi keçib gəlsin. Hara tələsirsiniz?…

Mirzə Əlil

20. 01. 2024, Samara

MÜHACİRƏT PARLAMENTİNİN İCLASI

Дек8

 (VODEVİL)

 Tural SADIQLI: Əziz həmvətənlər, icazə verin millətimizin tarixində ən tarixi verilişə başlayım. Bu veriliş adi veriliş deyil, mühacirət parlamentinin iclasıdır ki, burada mühacirət hökumətini seçəcəyik. Bəyənin, paylaşın ki, bütün dünya bu tarixi verilişə baxa bilsin.

Əziz həmvətənlər, əslində bizim parlamentimiz hazırdır, qalıb cpikerin seçilməyi. Mən bu vəziifəyə xalqımızın görkəmli xadimi Qabil Məmmədov-Türkoğlunu təklif edirəm. Ayrı təkliflər varmı?

QABİL: Əə, ayrı təklif nədir? Ayrı təklifi olanın mən anasını, bajısını…

Tural SADIQLI: Onda Qabil Türkoğlu yekdilliklə mühacirət parlamentinin sədri seçilir. Qabil bəy, buyurun, söz sizindir.

QABİL: Əə, mənim yanımda ayrı kim danışa bilər? Danışanın ağzı da cırılar, ayrı yeri də. İlqar bəy, o içdiyin pivədir? Ondan ötür maa, içməsəm, iclası apara bilmərəm.

İlqar HACIYEV: Qabil bəy, bu, rus vodkasıdır, nemis pivəsiylə qarışdımışam.

QABİL: Ver gəlsin, mənim malımdır. İçməyəndə başım xarab olur, ana-bajı söyürəm.

İlqar HACIYEV: Mən də axır vaxtlar matnan ruqatsa eliyirəm. Çünki Əliyev mənim beş milyard pulumu yeyibdi.

Tural SADIQLI: İlqar bəy, biz  reqlamentlə gedək, o beş milyardın üstüə gələcəyik, xalqımıza bütün sirləri açacağıq.

QABİL: Əə, maa bir dallıq seçin ki, mən issirahattığ eliyəndə iclasları yola verə bilsin. Mən şəxsən özüm üçün Məhəmməd Mirzəlidən yaxşı dallıq görmürəm. Yaxşı danışıq qabiliyyəti var, maa çatmağna çox qalıb, ancaq dallığa yarıyar.

Tural SADIQLI: Çox gözəl namizəddir. Elə mən də onu təklif eləmək istəyirdim. Bu da Məhəmmədin özü. Başı telefona qarışıb. Məhəmməd Azərbaycanda baş verənləri çox diqqətlə izləyir. Məhəmməd! Məhəmməd!

MİRZƏLİ: Tural, yaxşı kayflanırdım, yarımçıq qoydun.Burda parnuxaya baxırdım. Yaxşı xanımlara rast gəmişdim, anam-bajım olsunlar…

Tural SADIQLI: Səni Qabilin dallığı qoymaq istəyirik, nə deyirsən?

MİRZƏLİ: Kim kimin dalında olajax?

QABİL: Əə, oçeretnən olasıyığ. Darıxma.Mən səni obijat eləmərəm.

Tural SADIQLI: Cənablar, Qurban Məmmədlini hökumətə dəvət edəkmi? Məsələn, ədliyyə naziri. Hüquqşünasdır.

QABİL: ƏƏ, itir o yana o ermənini, mən onun… Onun harası hüquqşünasıdır? Dalı, qabağı? Mənim bax buram ondan yaxşı yuristdir, istəyirsiniz çıxarım göstərim.

Tural SADIQLI: Gələn iclasda göstərərsən.

İlqar HACIYEV: Aliyev mənim beş milyardımı yeyibdir. Burda bir az ayıbdır, yoxsa mamtnan ruqatsa eliyərdim…

Tural SADIQLI: İlqar bəy, sizə söz verərəm, indi bizə Amerikadan Ərəstun Oruclu zəng edir.

Ərəstun ORUCLU: Tural bəy, mən hamınızdan üzr istəyirəm, xüsusən Qabil bəydən dönə-dönə üzr istəyirəm…

QABİL: Əə, o oğraş nə deyir? Mənim üzümü söyür? Mənim üzümü söyənin mən ağzını… Gəlsin, dağıdım onun…

Tural SADIQLI: Qabil bəy, Ərəstun bəy elə demədi, özü də Ərəstun bəy Amerikadadır, birləşmiş ştatlarda…

QABİL: Əə, İlqar, səndə pul olar, mənə bir bilet al o Amerikadır, nədir, ora, gedim orda Ərəstunun bütün ailə üzvlərini…

İlqar HACIYEV: Qabil bəy, mənim pullarımı Əliyev yeyibdir…

QABİL: Əə, məndən pul gizlədirsən, krısa, səni bu saat cırıq-cırıq elərəm…

İlqar HACIYEV: Qabil bəy, sən məni məcbur edirsən ki, mən də matnan ruqatsa eləyim…

Qabil atılır İlqar Hacıyevin üstünə, Tural Sadıqlı qalır ayaq altda, ara qarışır…

Mirzə ƏLİL

08.12. 2023, Samara

İLHAM ƏLİYEV PARİSİ MƏHƏMMƏDMİRZƏLİLƏRLƏ PARTLADIR

Ноя26

Məhəmməd Mirzəli 1

Qədim ingilislərdən kimsə deyib: «Revenge is a dish best served cold». Yəni “Qisas – soyuq halda çəkiləsi yeməkdir”.

İlham Əliyev qisasçı, çox qisasçı adamdır, ancaq ermənilərdən qisası isti-isti yox, otuz il keçəndən sonra aldı.

İndi Fransa hökumətinin, ayrı-ayrı siyasətçilərinin İlham Əliyevə, Azərbaycandakı siyasi rtejimə qarşı apardığı kampaniyanı müşahidə edənlər  təəccüblənirlər: “Niyə padşahımız fransızlardan qisas almır?”

Alacaq, tələsməyin. Dövlətlər səviyyəsində qisas vaxt, strateji palanlaşdırma tələb edən prosedurdur. Ancaq prosedur artıq başlanıb. Fransızlar hələ İlham Əliyevin xətrinə dəyməmişdən padşahımız qisas tədbirlərinin planını cızıb, startını verib.

Məhəmməd Mirzəlini tanıyırsınız? Leksikasının yarısı “uje”, “vapşe” kimi sözcüklərdən, qalan yarısı da cinsiyyət orqanlarının adlarından ibarət olan gədəni deyirəm. Kim deyə bilər ki, bu gədəni Fransaya İlham Əliyev yeritməyib? Bu gədənin lham Əliyevi, onun ailəsini söyməyi də planlaşdırılıb. Yəni İlham Əliyevin xüsusi orqanları (Mirzəli deyən orqanlar yox) özləri belə söyüşcülü seçib Fransaya yeridiblər.

Arkadi Raykin bir səhnəcikdə tərəvəz bazasına avadanlıq əvəzinə royal almış işçisinin qarnına dümsük vurub soruşurdu: “Royal? İ şto budet?” Yəni ki, sual çıxır: söyüşcül, başdan xarab Məhəmməd Mirzəli Fransadadır – indi nə olsun?

O olsun ki, bu Məhəmməd Mirzəli orda doğub törəyəcək, mirzəlilər Nantı, Marseli, Parisi bürüyəcək. Dünya bir də görəcək ki, İlham Əliyev nəinki Parisi, bütün  Fransanı partladır.

Fransa nədir? Fransa sivilizasiyadır, mədəniyyətdir. Çox böyük, çox zəngin. Kənd məktəbində mənim müəllimim şagirdlərin birinə hər gün bir neçə dəfə “Murdar sudan əmələ gələn deyirdi”, çünki uşaq nikahdankənar doğulmuşdu…

Mənim əsl müəllimlərim Paskal, Hüqo, Balzak, Kamyu, Sartr olublar.

Qorki Dikkens haqqında deyirdi: “Bu yazıçı insanı sevmək elmini yaxşı mənimsəmişdi”.

Bunları böyük fransız müəlliflərinin hər biri haqqında demək olar.

Fransız poeziyası, fransız musiqisi, kino, balet, Luvr – bunlar dünya mədəniyyətinin zəngin xəzinəsidir.

On beş-iyirmi Məməmmədmirzəli on beş-iyrm il ərzində on beş-iyirmi minə çevrilər, bu mədəniyyətin əsaslarında çatlar yaradarlar.

Bu yaxnlarda fransız mətbuatı Fransanın üzləşdiyi yeni bir problemdən yazırdı. Parisdə və başqa şəhərlərdə mənzillərdə çox təhlükəli yataq həşəratları əmələ gəlmişdi.

Məhəmmədmirzəlilər o həşəratdan da təhlükəlidirlər.

Çox istərdim ki, Makron, Fransanın başqa nüfuzluları İıham Əliyevə sülh təklif edələr, razılaşıb Məhəmmədmirzəliləri göndərələr uzaq bir yerə, Məsələn Ruandaya köçürələr. Qoy orda Məhəmməd Mİrzəli təsərrüfatını oynadıb söyüş söysün. Afrikalı cavanlar ona elə təsərrüffat göstərərlər ki, dilini həmişəlik qoyar qarnına ya ayrı bir yerinə..

İndi YouTube-u gəzib Məhəmməd Mirzəlini Sevinc Osmanqızının verilişndə görəndə məəttəl qaldım. Bu incə-mincə, iki uşaq anası olan qadının, əlini cinsiyytə orqanlarından çəkməyən gədə ilə ünsiyyəti. məni, Ləman Afətqızı demişkən, şoka saldı…

Heyf sənə Fransa…

Fransa təkcə fransızların yox, bütün bəşəriyyətin mənəvi irsi və sərvətidir. Onu Məhəmmədmirzəlilərdən qorumaq müqəddəs borcumuzdur.

Allah eləsin ki, Fransa İlham Əliyevin qabağında ağ bayraq qaldırsın və sülh istəsin. Onda bəlkə padşahımız yeniyeni məhəmmədmirzəlilr göndərib Fransanı viranq qoymaq fikrindən daşınar.

Amin!

26. 11. 2023, Samara

TURAL SADIQLI HİÇKOKU KEÇİB…

Ноя25

Tural Sadıqlı 3

Qərbdə yaşayıb You Tube kanalları işlədən müxalifətçilər “saspens” janrını elə mənimsəyiblər ki, ustalıqda Hiçkoku da ötüblər.

Ərəstun Oruclu vaxtaşırı  elan edir: “Məndə konfidensial məlumat var. Baş prokurorluqdan pozitiv addımlar gözləyirəm. Bir həftə vaxt verirəm. Atmasa, məlumatı yayacağam”.

Bir həftə keçir. Baş prokuror neqativ addımlamağa davam edir, çünki ölkənin addımlamaq qaydası belədir. Ərəstun Oruclu baritonunu basa endirib məlumatını yayır. Məlum olur ki, məlumat hem məlumat deyilmiş, rus demişkən, “pşik” imiş. Amerikada yaşayan Ərəstun Təzə bazardakı alverçidən nəyi çox və yaxşı bilər? Əlli il bundan qabaq guya təhlükəsizlik orqanlarında işləyib… Bizim milli Ştirlits… Qalıb kino çəkmək…

Hələ Qurban Məmmədlini demirəm… “Əziz həmvətənlərini” elə intizarda saxlayır ki, infarkt alanların olduğuna şübhə eləmirəm. Nəticədə çayxanalarda üç il bundan qabaq danışılan əhvalatı şiə mollaları kimi avazla danışır və tələb edir ki, qonorarını təcili göndərsinlər…

Son vaxtlar Ərəstunun və Qurbanın cavan bir konkurenti meydana atılıb: Tural Sadıqlı. Bir həftə idi  Baş prokurordan “pozitiv addımlar” tələb edir, əks təqdirsdə “bomba” video yayacağını bildirirdi. Baş prokuror, həssas adamdırsa, yəqin ki, bu həftə içində bir neçə dəfə şalvarıbnı isladıb…

Tural bəy də Baş prokurorun əvvəlki kimi neqativ yeridiyin görüb “bomba” videosunu yaydı.

Çox məyus oldum. Bir həftə nahaq yerə “saspens” halında olmuşam. Çörək boğazımdan keçmirdi…

Videoda bir azərbaycanlı arvad pul sayır, onun türk əri isə onu telefona çəkir. Arvad pulu saya-saya danışır, hərdən burda yazılası mükün olmayan sözlər də işlədir, ad çəkir, guya saydığı pulları aparıb Tərtər prokuroruna verəcəklər…

Birinin evində pul saymağı nə vaxtdan cinayət olub? Vallah, mən ömrümdə o qədər pul görməmişəm, pul saymağım da yadıma gəlir. Pensiyamı atırlar karta, məndən qabaq kommunalçılar öz xərclərini kartdan çıxırlar, elə baxa-baxa qalıram…

Deyək ki, mənm pulum var, mən pulu sayıram və özümü telefona çəkdirirəm. Hələ vilayət prokurorunun adını da çəkirəm.

Burda cinayət varmı? Cinayət varsa, onu mən törədirəm, çünki prokurora şər atıram.

Prokurorun o pulu aldığına Turalın nə sübutu var?

Tural “əziz həmvətənlərini” dolayıb? Onları hərif sayır?

Tural Sadıqlı deyir ki, mühacirət hökuməti qurur. Belə adama hakimiyyət etibar eləmək olarmı?

Vallah, bu adamlar müxalifətçiliyi özləri gözdən, hörmətdən salırlar. Kasıblar üçün şoumenlikdən başqa heç nəyə yaramırlar.

“Əziz həmvətənlər” isə bu verilişlərə baxdıqlara vaxtı dəyərli bir məşğələyə sərf etsələr yaxşıdır. Məsələn, Hiçkokun filmlərinə baxsınlar…

Mirzə ƏLİL

  1. 11. 2-23, Samara

NAMİZƏD SƏFƏROVUN DOZASI BƏLKƏ BİR AZ ARTIQ OLUB?

Ноя14

namizəd səfərov

Azərbaycanın Belorusiyadakı səfiri Namizəd Səfərova zəng vurub deyib ki, prezident Lukaşenko onu Belorusiya dövlət televiziyasında yaxşı vəzifəyə dəvət edir. Namizəd bir az şok keçirəndən sonra özünə gəlib deyib: “Bu təklif mənim üçün şərəfdir, mən Lukaşenkonun aşiqiyəm. Ancaq mən belorus dilnini bilmirəm”. Səfirimiz deyib ki, Lukaşenko özü də belorus dilini bilmir, belorus dili ümumiyyətlə Belorusiyada qadağandır, bu dildə ancaq xaricə qaçmış vətən xainləri danışırlar. Belorusiyada bir dil var, o da rus dilidir. Namizəd Səfərov utana-utana deyib ki, rus dilini də bilmir. Səfir deyib ki, eybi yox, mən burda özüm sənə tərcüməçilik eləyəcəm.

Sonra səfir Namizədə deyir ki, onun “Azad söz” kanalında çıxışından Belorusiyada xəbər tutub Lukaşenkoya məruzə ediblər. Bu çıxışında Namizəd Səfərov Lukaşenkoya

diktator deyənləri böhtançı adlandıraraq Lukaşenkonun nümunəvi liberal və demokrat olduğundan, xalqla daim yaxın ünsiyyətindən, hətta müxalif jurnalistlərlə vaxtaşırı görüşüb onları maraqlandıran suallara ətraflı cavab verdiyindən danışıb. Yəni Lukaşenkonu o qədər tərifləyib ki, Lukaşenkonu tərifləməkdən dilləri qabar olmuş belorus jurnalistləri məəttəl qalıblar. Lukaşenko məruzəni eşidən kimi deyib: «O unikomu təcili bura dəvət edin. Ona yüksək maaş, şoferli iki maşın, iki-üç qəşəng məşuqə təyin edin. Bizim adamdır”.

İndi yəqin Namizəd ya yoldadır ya da yola hazırlaşır…

Düzü, mən “Namizəd” adı eşidəndə Məşədi İbadın faciəyə çevrilmiş toy əhvalatı yadıma düşür: “Qızın iki namzadı var…”

İndi fikirləşirəm: bəlkə Azərbaycanda iki Namizəd var? Biri hüquq müdafiəçisi, demokrat, biri isə Lukaşenkonun fanatı.

Əgər mən görən Namizəd ikinci Namizəd idisə, Tural Sadıqlı onu niyə kanalına dəvət edib?

Namizəd salyanlı deyil ki? Deyırəm bəlkə verilişdən qabaq studiyada özünü sərbəst hiss etmək üçün bir az o şoğəribdən qəbul edib və dozası artıq düşüb?

Dünəndən baş sındırıram.

Bəlkə Tural Sadıqlı da Tural Sadıqlı deyilmiş? Ya başqa Tural Sadıqlı imiş?

Mirzə Əlil

14. 11. 2023, Samara

QURBAN MƏMMƏDLİ OSMANQIZININ ÜSTÜNƏ QOÇU GÖNDƏRMƏK İSTƏDİ, «ŞAİR» ŞƏHRİYARI GÖNDƏRDİ…

Окт30

Qurban Məmmədli Mopassan

Mən bir dəfə Qurban Məmmədlinin dünya ədəbiyyatını necə bildiyindən yazmışam. Özünü Harvard məzunları ilə müqayisə edən bu adam Mopassanın kim olduğunu, nə vaxt yaşadığını bilmir, oxumadığı, hansısa Paşa Həsənlidən eşitdiyi “Koppuş” hekayəsinin guya faşist Almaniyasında baş verən hadisəni təsvir etdiyini arxayınlıqla, ağzını marçıldada-marçıldada danışır…

Bu adamın tarixdən, ədəbiyyatdan bilikləri sıfır da deyil. Biliyi sıfır olan ağzına su alıb susur. Bu adamın biliyi minusdur. Çünki oxumadığını, bilmədiyini danışmaqdan utanıb-çəkinmir, ona etibar edib qulaq asanı da dolaşdırır…

Bu adam keyfiyyətli təhsil almayıb, hüquqşünas praktikası isə Sabirabadda olub. Sabirabadda soğan, qarpız yetişdirən soydaşımızın humanitar bilikləri nə səviyyədə ola bilərsə, Qurban Məmmədlinin biliklərini də o səviyyədə təsəvvür edin. Bunu mən qərəzlə demirəm. Bakıda, indi də Londonda yaşadığı illərdə bu adam keyfiyyətli kitablar oxumayıb, operaya, flarmoniyaya getməyib, nə Şekspirdən, nə Bayrondan, nə Hendeldən, nə Şubertdən xəbəri var. Bayronun, Şellinin Kitsn vətənində yaşayan, ingilis vergiverənlərinin vəsaiti ilə dolanan bu adam poeziyanın nə olduğunu bilmir, vaxtaşırı hansı deşikdənsə cızmaqaraçıları çıxarıb ona ianə verib maariflənmək ümidində olan insanlara  şair kimi təqdim edərək o qədər də sağlam olmayan başlarını daha da korlayır.

Qurban Məmmədlinin yaxşı vaxtları olub. 90-cı illərin məhkəmələrindən çəkilmiş vdeolarda o, əsir götürülmüş, ancaq yenilməmiş, sarsılmamış əsgəri xatırladır. İndi isə qocalmış, qanadları salxan, hər addımında yıxılıb-duran qoca xoruza bənzəyir.

Qurban Məmmədli iddialı adamdır, ancaq özünün məhdudluğu üzündən əlacsız luzerə çevrilib. Bütün hay-küyünə, hərbə-zorbasına baxmayaraq, nə partiyası var, nə də onu dəstəkləyən çoxsaylı tərəfdarları. Bütün səylərinə baxmayaraq YouTube kanalı cəmi 124 min abunəçi yığa bilib. Bu adamların səviyyəsini yazdıqları şərhlərdən görə bilərsiniz. Müqayisə üçün: Qurban Məmmədlinin uzun düşmən siyahısında olan Tural Sadıqlının 630 min abunəçisi var, bu cavan adam, şübhəsiz qüsurlarına baxmayaraq, axtarışda, inkişafdadır. 

Qurban Məmmədlinin düşmənləri onun opponentləri deyil, Qurban Məmmədlinin düşmənləri onu ötüb keçənlərdir. Onu ötüb keçəni Qurban Məmmədli şərləməkdən də çəkinmir. Bu, luzerlərin xassəsidir.

Qurban Məmmədli hərdən mənə beş min manat pulu yeyilmiş və aldadılmış, “nişanlısı”nı əğyar ilə görmüş və qoçu çağırmaq qərarına gəlmiş Məşədi İbadı da xatırlardır. Qurban Məmmədlinin adaxlısını indi elə bil Sevinc Osmanqızı əlindən aldırıb. Sabirabad hüquqşünası gecə-gündüz ah-zar edir ki, Osmanqızı onun 54 min  abunəçisi olan kanalını bağlatdırıb… Və Qurban Məmmədli Osmanqızının üstünə qoçu göndərmək istəyir. Bakıya zəng edir:

— Alo!  Əlyo! Sərdardır?

— Sərdar yox, Sərdar Cəlaloğlu! Sən kimsən?

— Mən sənin atabir, anabir qardaşın Qurban…

— Mən səninlə danışmıram… Atabiriyə də şübhəm var.

— Sərdar, mənim sənə işim düşüb. Mənə qoçu lazımdır. Sevinc Osmanqzının üstünə qoçu göndərmək istəyirəm..

— Ağıllı ol, qoçunun xərci ağırdır, burdan gərək Amerikaya uça. Bir yaxşı şair var, Osmanqızıya tapança gülləsi kimi şeir yazar. Adı da Şəhriyar.

— Bəs Şəhriyar ölməyib?

— Ə, Şəhriyar hara ölür? Klassik ölmür ki. Sən elə əvvəlki kimi başıboş qalmısan. Yazdırım Şəhriyara şeiri, nə deyirsən?

-Yazdır, Şəhriyardırsa, qələminə arxayınam. Paşa Həsənli mənə Şəhriyardan çox danışıb…

Söhbət uzundur…  Qurban Şəhriyarın kartına pul atır, Şəhriyar da Sevinc Osmanqıızına minaatan atəşi kimi bir şeir yazır:

Baxışından zəhər, zəqqum tökülür

Gözlərindən kin-küdurət tökülür

İblissən, şeytansan ay Osmanqızı..

Vallah, yaxşı baxanda, Qurban Məmmədli mənə daha çox Sənəmi xatırladır.  Kəniz Sənəmi…

30.10. 2023, Samara