Şəkil bağışlayar, şəkil alardıq,
Kağız şəkil vaxtı, əlli il qabaq.

Bəzən arxasında yazı olardı:

“Baxıb xatırlama, xatırlayıb bax…”

 +

Elə şəkillərdən mən də alardım,
Şəkil göndərərdim mən də yazaraq.

Qəriblikdə əvvəl xatırlayardım,
Sonra şəkillərə baxardım ancaq.

 +

Dönə-dönə köçdüm, sonra da yandım…

Nə vardısa, getdi, elə candı sağ,

Bir də xeyli şəkil… onlara indi,

Baxmaq həm ağırdır, həm xatırlamaq…

 25.04. 2025, Samara