Azərbaycan yazıçılarının, filosoflarının, jurnalistlərinin, şairlərinin məktubu İran prezidenti Həsən Ruhanini  əməlli-başlı sarsıdıb. Xüsusən məktub müəlliflərinin qanacağı, onun vaxtını almaq istəməmələri prezidenti əməlli-başlı kövrəldib.

“Bunlar nə mədəni, nə ədəb-ərkanlı insanlardır!” – deyə cənab Ruhani məktubu axıracan oxuyub. Sonra imzalara baxıb və müşavirlərinə təpinib ki, a qurumsaqlar, ayda bir ətək maaş alırsınz, ancaq bilmirəm nə işlə məşğul olursunuz.

“Niyə məm bu 31 əjdahadan heç birini tanımıram? Niyə onların kitablarını mənə verməmisiniz ki, mədəni və ağıl səviyyəmi artıram? Elə təxəllüslərinə baxanda bilinir ki, Sədi Şirazi, Emmanuel Kant, Dostoyevski, Kafka bunların yanında yalandır. Bəh-bəh! Ağalar Qut! Almaniyada yaşayır. Almanların ağlı tükənib, Azərbaycandan filosof çağırıblar, özünə də “Qut” adı veriblər. Hökmən gərək oxuyam. Tapın kitablarını. Bu gecə yatsam, heç kişi deyiləm.

“Aqşin Yenisey”!  “Aqşin Evren”! Yenisey Türkiyədə yaşayır, Evren Azərbaycanda. Evren gərək adını Yeniseyə verə, Yenisey də adını gərək bir rusla dəyişə…Qəşəng adlardır… Ərdoğan bəyənən…

“Züleyxa NaEL”!  Gözəl xanım olar, təxəllüsündən bilinir. “Na EL”!

“Alov İnanna”! Bilmək olmur kişidir, ya arvad. Yox, deyəsən, arvaddır…

“Vahi Qazi”. Sveç…Sveç… Bəs bunlar yazırlar Azərbaycan Respublikasındandırlar…

Hökmən gərək hamısını oxuyam. Bu dahi insanlar ürəkdən də kövrəkdirlər. Soydaşlarıı tutulan kimi birbaşa mənə yazıblar. İndi gör İlham Əliyevə bunıar nə qədər yazırlar!İlham Əliyevin türmələri gnc fəallarla, jurnalistlərlə, siyasətçilərlə doludur. Hərəsi üçün gör onun adına nə qədər məktub yazılır! Hələ Novruzəli Məmmədov türmədə çürüyəndə yəqin bu adamllar İlham Əliyevə məktub kisə-kisə yazıblar. Heykələ iki söz yazan gəncin hərəsinə on ildən ço iş veriləndə yəqin bunlar İlham Əliyevin qapısında gecə-gündüz piket keçiriblər. Yəqin İlham Əliyev elə belə məktublardan yorulub ki, vəzifəsini arvadıyla bölüb….

Bu adamlar azlıqları hüquqlarını ki belə müdafi edirlər, yəqin Azərbaycanda d talışların öz dillərində qəzet çıxarmaqları, teatr, televiziya, radio yaratmaqları hüquqlarını bundan da artıq müdafiə edirlər. Vay İlham Əiyevin halına, belə inadkar, cəsur yazıçıların, filosofları, şairlərin qabağıda durmaq çətindir. Gedin, qurumsaqlar, tapın bu əjdahaların kitablarını, gətirin yığın məni kabunetimə, mən bir həftəlik məzuniyyət götürürəm, bu kitabları oxumasam, mən adam deyiləm!

 Mirzə ƏlİLDƏN: Düzü, mən də Həsən Ruhani kimi bu siyahidəki insanları tanımıram. Tanıdığım Çingiz Hüseynovdur. Ancaq bu Çingiz mən tanıyandırsa, o, çoxdan Moskvalıdır. Rəşad Məcidin adını eşitmişəm, fırıldaqçı, yəni aferist və prinsipsiz bir adam olduğunu deyirlər… Başqa bir neçəısinin bir neçə yazısını İnternetdə tapdım…Bu siyahi il İran Prezidentinə necə təsir etmək və onda nə təsəvvür yaratmaq olar?