Gürcüstanda gizlənən antimilli və ekstremist müxalifətçi Vidadi İsgəndərlinin anası Həbibə arvad və qardaşı İsfəndiyar əlahəzrət və alicənab prezident İlham Əliyeva məktub yazaraq vətən xainindən imtina etdiklərinin bildirmiş və xahiş etmişlər ki, prezident Gürcüstana polis qoşunu göndərsin ki, binamus Vidadinin başına torba salıb Azərbaycana gətirsinlər.

İsfəndiyar prezidentdən xahiş edib ki, onu qardaşlığa götürsün ki, qardaşsız qalmasın. Əlahəzrət İlham Əliyev deyib ki, götürərdim, “ancaq gecdir, çünki mən balıq Hafizi qardaşlığa götürmüşəm”.  Prezident söz verib ki, İsfəndiyarı Mehriban xanım qardaşlığa götürər.

Həbibə arvad yazıb ki, yaşının çoxluğuna baxmayaraq, vətən xaini çıxmış Vidadinin yerinə Zakir Qaralov ya Ramil Usubov kimi kişilərin birindən təzə bir oğlan uşağı doğmağa hazırdır.