Məktubu yazıram uzaq İsveçə,

Oxusun hən kral, həm kraliça:

Nobeldir xalqımın arzusu bircə,
Ölkəmiz sərvətdə çoxundan qabaq,
Təkcə Nobelimiz çatışmır ancaq.

 +

Elimiz seçilir ellər içində,
Quşlar “vau” deyir uçub keçəndə.

Keçi pianino çalır Laçında,
Danalar tezliklə zurna çalacaq,
Təkcə Nobelimiz çatışmır ancaq.

 +

Hər şeydən razıdır xalq, kefi sazdır,

Nə qədər qazana, demir ki, azdır,
Apar millətimi dünyanı gəzdir —
Qəlbi ölkəsində yenə qalacaq,

Təkcə Nobelimiz çatışmır ancaq.

 +

Sülh şəraitidir bizdə şərait,

İtin zənciri var, pişik də sakit,

Erməniyə dedik get dolan, qayıt,
Gəlsə qarşılarıq açaraq qucaq,
Təkcə Nobelimiz çatışmır ancaq.

 +

Yoxdur analoqu bizim rəhbərin,
Uşaq da böyük də deyir “afərin”,

On-on beş “afərin” deməyənlərin,

İnşallah, tezliklə sonu çatacaq,
Təkcə Nobelimiz çatışmır ancaq.

Mirzə TƏBİL

17. 11. 2023, Samara