Ölkə təsadüfi, xalq təsadüfi,

Təsadüflərin də hər cürü vardır…

Uşaq yuxusudur tarix hardasa,
Hardasa dəlilsiz bir uydurmadır.

 +

Bayrağın altında yaşar xalq olan,

Yamruq altdakının adı bəs nədir?

Yurdunda qonaq tək yaşayır insan,
Biri qastarbayter, biri kölədir.

 +

Yumruq düyünlənmir yumruq önündə,
Yayınıb uzağa qaçırıq ancaq.

Qolaylanır Yumruq uzaqdan indi,
Uşaq yuxusudur həm ölkə, həm xalq.

 +

Unudulubsa da yurdumun yolu,

Dost, önümdə açsan xəritəni sən,

Göstərə bilərəm gözüyumulu,
Ağalar və qullar ölkəsini mən…

25.11. 2023, Samara