Sübü bacımın xatirəsinə

Sən savadsız bir qadındın,

Adını yaza bilməyən,

Qızıldan ürəyin vardı,

Dünya hikmətinə dəyən.

 +

Yazıb-oxumayan bacım,
Bir kitablıq xatirən var.

Hansı səhifəni açım –

Gözüm yenə yaşla dolar.

 +

Səsin gəlir qulağıma,
Elə bil ki, yaxındasan.

Səs həminki – şirin, doğma,
Həm bacısan, həm anasan.

 +

Yüz kişi çəkə bilməyən,
Yükü çəkən igid qadın!

Gözəl bacıydın sən… heyf,

Yaxşı qardaşın olmadı…

21. 03. 2025, Samara