Trampa sui-qəsddən sonra

                       Putin kilsədə onun üçün dua eləyib

Güllədən qorudun Trampı, Tanrı,
Sənə əyilirəm kilsədə indi,

O mənə qardaşdan yaxın, əzizdir,
Yoxdur sirdaşım da Trampdan ayrı.

 +

Tanrı, yenə qoru onu güllədən,

Zəhərdən həm qoru, həm də bıçaqdan.

Dua eləyərəm mən də uzaqdan,

Əyilib-qalxaram min dəfə gündə.

 +

Şam da yandıraram, nə var ki çətin,

Milyonu, milyardı əsirgəmrəm.

Neçə şəhəri mən yandıraram həm,
Elə indi yanır, görürsən yəqin.

 +

Qurban da verərəm minləri birdən,
Sayını milyona çatdıraram lap.

Oğuldan, qardaşdan əzizdir Tramp,
Tanrı, ricam budur: qoru onu sən.

 +

O, gözəl fürsətdir əlimə düşüb,
Bir daha çətin ki, gələ beləsi.

Nə qədər ölməyib, gəlir nəfəsi,
Tutum, zəbt eləyim, kəsim, bölüşüm.

22. 03. 2025, Samara