Yuxu ya görürəm ya basır qara:

Gecədir, qaranlıq küçə adamsız.

Nəhəng asfaltbasan qarabaqara,

Haçandan izləyir məni aramsız.

 +

 Bilmirəm hardandır məndə bu sürət,
Qaçıram, bir qarış dil çıxardaraq.

Arxada qalardı yəqin Hüseyn Bolt,

Yarışa çıxsaydıq elə bu sayaq.

 +

Ancaq asfaltbasan maşın da gəlir,
Güllə sürətiylə, yalan olmasın.!

Boynumu alovlu həniri dəlir,

Təkərin altına az qalır basa.

 +

Baxmır ayaqlarım sözə, keyləşir,

Dururam, maşına tərəf dönərək.

Sükan arxasında polis əyləşib,

Mənə tuşlanıbdır əlindı tüfəng.

 +

“Sənədini göstər!” — əmr edir ötkəm,

Üstümü sinirli gəzir əllərim.

Əfsus! Cib də yoxdur, sənəd nəinki!

Sarsılır, əsirəm, soyuyur tərim…

 +

Nəhəng asfaltbasan üstümı gəlir,

Üzüstə düşürəm çatmamış mənə…

Bir anda eləyər məni yolla bir,

Düşər ayrısının dalınca yenə…

 +

Ha de ki, dünyanın vətəndaşısan,
Yerini ayda gör, ulduzlarda bil.

Kimdir və nəçidir sənədsiz insan? —

Cəld ol, asfaltbasan üstünə gəlir…

05. 07. 2025, Samara