Anadangəlmədir, yazıdır bizə,

Onsuz doğulan yox, o, hər kəsdə var.

Adına xəstəlik demək də olar,
Yoxdur bu azara müalicəsə.

 +

Ölüm qorxusu tək ağırdır hərdən,

Qurtuluş axtarır bir təhər hərə,

Kənddən üz tuturuq böyük şəhərə,

Həmin ağrı qalxır həminki yerdən.

 +

Cüt olaq, çox olaq – təkik hər zaman,
Varlığa xassədir təklik əbədi.

Hər kəs yeganədir, taleyi -fərdi,
Bunun bahasını ödəyir  insan…

 +

Təklikdən qaçırıq biz ömür boyu,

Ölümdən qaçan tək. Təzələyirik
Dostu, sevgilini — yenə də təkik,

Məyusuq – tapılmır dirilk suyu….

 +

“Fəlsəfənin ilham pərisi” deyir,

Ölümə bir alman. (Özü də təkdi).

Etiraz etməzdi bizə bəlkə də,

Əlavə etsəydik əgər təkliyi…

11.08. 2025, Samara