Kainat Bədəlova

Rütbə də, sərvət də olmasa belə,
Payızda doğulmaq fəxrdir elə!

Noyabr ayının uşaqlarıyıq,

Öyünmək olmasın – payız barıyıq.

Şirəsi xarlanan son üzümlərik,

Qabığı çatlayan nara bənzərik,

Ətri baş hərlədən qızıl heyvayıq,

Solmayan güllərik, yazıq, həm yayıq.

Bizik ləkdəkilər, bağdakılar da,
Qurumuş, sönükmüş tağdakılar da.

Gilavar da bizik, xəzri də hərçənd,
Hərdən yağırıq da ara vermədən.

Qara buludlarıq qüssə gətirən,
İliyə işləyən soyuqlarıq həm.

Qayğıyıq, zəhmətik, canda ağrıyıq,
Biz hamı kimiyik, həm də ayrıyıq…

Hər kimik, hər nəyik — payız barıyıq,
Noyabr ayının uşaqlarıyıq…

04. 11. 2025, Samara