Azərbaycanda nurçulara qarşı geniş mübarizə başlanıb. Nəhayət, Lazım gəlib çıxıb Azərbaycana, ancaq prezidentə məsləhət görüb ki, erməni işğalçılarından qabaq nurçularla mübarizə lazımdır, çünki ermənilər nurçulara baxanda adam balasıdırlar, quzudurlar.

Mübarizə şiddətli olduğu kimi həm də çətindir, çünki nurçu alnına yazmayıb ki, o, nurçudur, qoluna da əski parası bağlamayıb. Buna görə nurçunu şiədən, sünnüdən, namuslu-qeyrətli məmurlardan, şərəfli zabitlərdən, ölkə dayağı olan varlılardan və varlıların gül balalarından seçmək çətindir. Düzdür, deyirlər ki, nurçular körpə uşaqları oğurlayıb qanlarını içirlər, ancaq onları hadisə yerində tutmaq çətindir, çünki çox fəndgirdirlər. Bəzilərinin dediyinə görə, nurçuların quyruğu olur, ancaq bu quyruq da göz qabağında deyil, gərək insanı saxlayasan, cibinə tiryək atasan, soyundurasan. Bir sözlə, Azərbaycan dövləti çox mürəkkəb bir vəzifəni həyata keçirir və bu işdə yaxşı ki, jurnalistlər köməyə gəlirlər. Məlumdur ki, jurnalistlər çox nadir iy bilən olurlar. Nurçulardan isə xüsusi bir iy gəlir. Buna görə də poluis nurçu axtarışına çıxanda özüylə jurnalist götürür. Əvvəllər it götürürlərmiş, ancaq itlər çaş-baş qalıb nurçu yerinə şiə, vahhabi, cünnü, sələfi, oliqarx, gömrükçü  saxlayırmış. Jurnalistlər isə təsadüfi hallarda səhv edirlər. Ən yaxşı iy bilən jurlalist isə Eynulla Fətullayevdir. Nurçunun iyini bir neçə kilometrdən duyur və ipini qırıb götürülür. Polislər də onun dalınca. Eynulla bəy bir dəfə də çaşmayıb və tutduğu vətəndaşların hamısı nurçu çıxıb. İndi bütün Azərbaycan xalqının gözü Eynulla Fətullayevdədir. Eynulla bəyin himayəsinə xeyli jurnalasit verilib ki, onlarla təlim keçsin. Deyirlər ki, Azərbaycandakı bütün nurçular tutulandan sonra Eynulla Fətullayev Türkiyəyə gedəcək. Ərdoğan Bakıya gələndə İlham Əliyevə deyib: “Bu oğlanı ver bana bir-iki aylığa, İlham qardaş, yoxsa nurçular məni yıxıb sürüyəcək və bəlkə başıma pislik də gətirəcəklər”.

Uğurlar, Eynulla bəy! Ağart xalqımızın üzünü! Tanrı sənin burnunu bizə çox görməsin!