Выйти из дому при ветре…
Evdən külək əsən vaxtı çıxasan,
Çıxasan havanın, günün pisində.
Buludda, meşədə şölələnir dan,
Ciddi hadisələr ərəfəsində.
Soyuq və sərbəstlik. Qorxusuz, mətin.
Küləkdir. Soyuqdur. Sərbəst, azadsan.
Tökülür göylərdən sübh neməti,
Çəkdiyimi çəkdim – bəsimdir daha!
Çıxasan həmişə əsəndə külək,
Yurda baş əyəsən həqir duraraq.
Hazırlıq görəsən ölümə gərək,
Həyata hazırlıq gördüyün sayaq.
Ruscadan tərcümə
16-17.02. 2019
Samara
Жаль мне тех, кто умирает дома…
Evdə ölənlərə yazığım gəlir,
Döyüş meydanında ölən bəxtəvər.
Ağrıdan əyilən başını dəlir,
Qanını soyudan sərin küləklər.
Gələr tibb bacısı iniltisinə,
Yaralı igidə gətirər su da,
Əsgər içə bilmir, istəyirsə də,
Dağılıb tökülür yerə su qabdan.
Gözünü zilləyib baxır, danışmır,
Bir bahar saplağı girir ağzına.
Ətrafda nə divar, nə də ki, dam-daş,
Buludlar dolaşır göyün üzünü.
Ondan xəbəri yox doğmalarının,
Bilmirlər can verir çölün düzündə,
Ölümcüldür onun aldığı yara…
Cəbhə məktubları çox uzun gedir.
Ruscadan tərcümə
16.02. 2019
Samara
DAVİD SAMOYLOV
(1920-1990)
Вот и все. Смежили очи гении…
Vəssəlam. Dahi yumdu gözlərini.
Və tutulduqca, qaraldıqca səma,
İndi öz səslərimiz sanki dinir,
Yayılır ruhu çəkilmiş otağa.
Nə danışsaq — yapışıqsız və boyat,
Dumanlı, can sıxandı söhbətlər.
Bizə gör indi necə hörmət var!
Yoxdur onlar. Nə istəyirsən, elə.
Ruscadan tərcümə
15.02. 2019
Samara
Я не то что схожу с ума, но устал за лето…
Yox, ağlım başımdadır, yorub yay məni ancaq,
Komodda köynəyini gün gedir tapanacan..
Qış gələ tez, aləmi qar bürüyə ağappaq,
Şəhəri, insanları, yaşıllığı qabaqca.
Paltarlı yatar, özgə kitabıbını açdığım,
Yerindən oxuyaram cari ilin qalanı,
Yolu qaydalı yerdə keçənəcən. Azadlıq –
Bu əgər tanımırsan atasını tiranın.
Ağzızı suyu şirin Şirazın halvasından.
Qoçun buynuzu kimi burulubsa da beynin,
Mavi gözündən ancaq axmaz bircə damla da.
1975
Ruscadan tərcümə
27.01.018
Samara
Белеет парус одинокий….
Tənha yelkən ağarır,
Dəniz dumanlarında.
Yad eldə nə axtarır,
Nə atıb doğma yurdda.
Dalğa oyunu bitmir,
Dirək də əyilmədə.
Sevinc dalınca getmir,
Sevincdən qaçır nə də.
Qızıl şüalar üstdə.
Nurlu mavilik altda.
Qiyamçı, tufan istər –
Tufanda dinclik hardan…
1832
Ruscadan tərcümə
06.01.2018
Samara
Bir də ağacların əfəl topası.
Puşkin.
А я росла в узорной тишине…
Xalı tək sakitdi boy atdığım yer,
Əsrin gəncliyində keçdi uşaqlıq.
Deyildim heç kəslə o vaxt qılıqlı,
Bilirdim nə deyir amma küləklər.
Pıtrağı sevirdim, gicitkəni də,
Daha çox gümüşü söyudü hərçənd.
O da minnətdardı mənə elə bil
Yuxu səpələrdi budaqlarından,
Yuxumu itirib oyaq qalanda,
Ondan çox yaşadım – bu, qəribədir.
Orda kötük durur, başqa söyüdlər,
Özgə səsləriylə nəsə danışır.
Təkcə səma doğma, həminki göylər,
Susuram…Elə bil ölüb qardaşım.
18 yanvar 1940
Leninqrad
Ruscadan tərcümə
04.12.2017
Samara
ANNA AXMATOVA
Мне ни к чему одические рати…
Döyüş dastanları nəyimə gərək,
Sevmirəm hüsznlü hoqqaları da.
Yersiz ola gərək şeirdə hər şey,
Adamlardan fərqli, bilməyə qayda.
Hardan biləsiniz hansı zibildən,
Utanmaq bilmədən şeirlər çıxır,
Zəncirotu kimi hasar dibindən,
Ya pıtraq, çayır.
Acıqlı qışqırıq, qətran qoxusu,
Sirli kif örtüyü ya da divarda –
Artıq şeir dinir, incə və coşqun,
Məndə də, sizdə də sevinc yaradır.
21.01.1940
Ruscadan tərcümə
03.12.2017
Samara
ANNA AXMATOVA
Кого когда-то называли люди…
Haçansa rişxəndlə “çar” çağırılan,
Ancaq tanrı olub öldürülənin,
İşgəncə aləti kimi anılan,
Xaç qızır oduyla sinəmin indi.
İsa şahidləri ölüm daddılar
Əsgərlər, qeybətçi dul qarılar da.
Öldü Ponti Pilat, getdi kim, nə var.
Orda haçansa ki, tağ ucalırdı,
Qayalar qaralır, coşurdu dəniz,
Şəraba qatılıb içildi onlar.
Uduldular çiçək qoxulu tozla.
Qızılı pas basar, polad çürüyər,
Mərmərsə ovular – ölür yaranan.
Dünyada hər şeydən davamlı – kədər,
Və şahanə Sözdür əbədi olan.
1945
Ruscadan tərcümə
02.12.2017
Samara
MİXAİL LERMONTOV
На севере диком стоит одиноко…[i]
Çılpaq zirvəsində vəhşi şimalın,
Tənha bir şam dayanıb.
Mürgülü yellənir, qar alıb tamam,
Sanki cübbə geyinib.
Uzaq səhra girir hey yuxusina,
Günün doğduğu diyar.
Yanar qaya üstdə qəmli və tənha,
Gözəl xurma ucalar.
1841
Ruscadan tərcümə
01.12.2017
Samara
[i] Götenin şerinin sərbəst tərcüməsidir
QURANA BƏNZƏTMƏLƏR
VII
Qalx ayağa, ağürək:[i]
Səhər açılanacan,
Küncündə mağaranın,
Müqəddəs çıraq yanır.
Dua elə ürəkdən,
Peyğəmbər, at başından,
Kədərli fikirləri,
Məkrli yuxuları.
Həqiranə ibadət,
Elə səhərə qədər.
Səmavi kitabı sən,
Oxu səhərə qədər!
1824
Ruscadan tərcümə
29.11.2017
Samara
[i] Orijinal qafiyəsizdir
xeyrulla xayal 