Архивы

AKİF İSLAMZADƏ: «MƏN BU GÜNDƏN MÜĞƏNNİ YOX, MANISAM…»

Авг19

akif islamzadə 2

Məlumat gəldi vətəndən elə bir,

Çatdırım təcili gərək sizə də:

Jurnalistlərlə ağır cəng eləyir,

Bakıda guya ki, İslamzadə.

 +

“Bir nəfər tək tələbim var hamıdan:

Mənə müğənni demə bir daha sən!

Mənə orden verən verər adı da,

Mən bu gündən müğənni yox, manısam!

 +
Sinəmə taxsa ordeni, yeri var,

Yeri var həm də assa boynumdan.

Önündə boynumu əysəm nə olar? —

Gəlirsə pul, gəlirsə ad ondan!

 +

O, Koroğlu, o bizə Babəkdir,

Daha üstündür o, İsgəndərdən.

Analoqsuz, yeganədir, təkdir,
Sevindirən həm odur, həm mələdən.

 +

Ölkədə ən birinci mən manısam,
Bunu təsdiq eləyən fərmandır,

Birgə itmiş ləyaqətimlə səsim,

“Bura vətən” yox, Azərbaycandır”.

Mirzə TƏBİL

 19. 08. 2023, Samara

«AH, NƏ GÖZƏL BİZDƏKİ BU MƏHKƏMƏ…»

Авг15

20230721_135628

Ah, nə nə gözəl bizdəki bu məhkəmə,

Həm yaraşıq, fəxrdir həm ölkəmə!

 +

Qarşılaylr zal, duraraq, hakimi,
Heyran edir dustağı da görkəmi!

 +

Ah, yaraşır gör necə də mantiya!

Dərzisi kimdirsə, onun yox tayı!

 +

Gör necə də müttəhimi dindirir!

Kəlləsinə sanki qılınc endirir!

 +

Şok keçirir hakimə baxcaq vəkil,

Tərpənə bilmir daha ağzında dil.
+

Hakiməsə vaxtaşırı zəng gəlir,
“Gözlərim üstə!” – kiməsə söyləyir.

 

Gör nə səxavətlə cənab iş verir!

Prokuror on istəsə, on beş verir!

 +

Ağlayır hönkürtü ilə müttəhim,

Ah, o yetimlə nə işim var mənim!

 +

Gör necə xoşbəxtdir Azərbaycanım!

Var analoqsuz belə bir divanım!

 +

Söylə, belə məhkəmədən harda var?

Göstər onu ingilisə — mat qalar!

 

15. 08. 2023, Samara

ELMAR HÜSEYNOVUN OĞLU ASLAN HÜSEYNOVA

Авг10

20230721_135628

Gəlib vətənini gördün, Aslanım!

“Parisə bənzəyən” Bakını gördün.

İgid atasından nişan oğlanım,

Şuşaya yollandın, yolları yordun.

 +

Gördün dumanlıdır dağların başı,
Gördün çəmənləri dağ ətəyində

Axldıb gözündən bir gilə yaşı,

“Qarabağ bizimdir, dedin, — yenə də!”

 +

Orda adıyla yox, təbiətitlə,
Aslan tək oğullar ölüb, Aslanım!

İndi təəssürü bizə də söylə:

Qan izləri üstdə gəzmək asanmı?

 +

Daha nə görmüsən Bakıda, söylə

Kimlərə sən ağuş açmısan, Aslan?

Ali fitva verib atanı qətlə,

Məhkum edənə də qonaq olmusan?

 +

Son dəfə atanla ağız-ağıza,
Öpüşən lüləni bəlkə görmüsən?

Ürəyə atılan, durub üz-üzə,
“Kontrol” gülləi bəlkə görmüsən?

 +

Hayqırır atanın günahsız qanı,

Dayanmır iyirmi ildir az qala.

Vətənə turist tək gəldin, Aslanım

İnturistdir igid atadan qalan…

 

10. 08. 2023, Samara

RASİM BALAYEVDƏN PREZİDENTƏ TƏŞƏKKÜR

Авг8

Rasim Balayev 1

Mən kimən? Mən cılız bir artistəm,

Ölkədə ən böyük artist sənsən,

Sən rejissor, böyük yazarsan həm.

Oynaram, hər necə oynatsan, mən.

 +

Gah dram, faciə yazırsan gah,
Millətim qan qarışıq yaş da tökər.

Qələimindən çıxır komediya da,
Gülür ancaq buna xaricdəkilər.

 +

Koroğlusan, sən həm də Babəksən,
Nəbini ötmüsən şücaətdə,
Analoqsuz, yeganəsən təksən,
İkinci yox kişi bu millətdə.

 +

Şah Süleyman kimi sən zənginsən,

Qafqaz altındadır, Dubay da altında.

Varlanarsan daha da yəqin sən,
Çıxınca neft, qızıl yer altından.

 +

Padşahım, qoy öpüm ayağından,
Mənə ayaq tozun da nemətdir.

Diş tökən yumruğuyla, baş dağıdan!

Şərəfim, namusum —  itaətdir!

+

Yaratmışam haçansa obrazlar,
Özüm obrazinayam indisə mən.

Nə cür ad qoysa xalq mənə, yeri var,
Təki pul gəlsin əlahəzrətdən.

Mirzə TƏBİL

08. 08. 2023, Samara

 

 

I.S. BAX. TOKKATA VƏ FUQA RE MİNOR BWV 565

Авг5

20230721_135628

Yarım əsr qabaq, ya əvvəl daha,

Hərdənbir tokkata səslənən zaman,

Veriliş içində, konsertdə ya da,

Canlanan olurdu soydaşlarımdan.

 +

“Bayatı-Şirazdır sanki çalınan,

Gör bizim muğama bənzəyir necə!
Bizdən götürübdür bəlkə bu alman,
Lap bizim muğam tək şirin və incə!..”

 +

Qızırdı qanları “sübutlananda”,
Bu ölməz əsərin “bizimkiliyi”,

Radio, tokkata çıxırdı yaddan,
Fuqaya çatmırdı səbri heç kimin.

 +

Soydaşım nə vaxtdan kitablar yazır,

Dissertasiyalar yazır, yorulmur…

Yazır İnterpola  Baxdan ərizə,
Deyir tapın harda gizlənir oğru…

 +

Bənzər ilk baxışdan çiçək çiçəyə,
Ulduzu ulduzdan ayırmaq çətin.

Bənzərdir musiqi kəlməsi deyə,
Başına “bizimdir” fikri gəlməsin…

 +

Heç muğam özü də bizim deyildir,

Şiraz yaranmayıb əllərimizlə,

Babalar bayatı, bəli, deyibdir,
Yoxdur heç kimin də davası bizlə…

 +

O ki qaldı Baxa…Tokkatasında,
Dərin duyğu da var, təfəkkür də var.

Bizimki elə bil əbədi yasdır,

Bizimki — sızıltı, nalə, yar, əğyar…

 

05. 08. 2023, Samara

ZABİL PƏRVİZİN SEVİMLİ ŞAİRİ SEYİD ƏZİMƏ 2-Cİ NƏZİRƏ

Авг3

20230721_135628

 Olmasaydı gözəllik aldığım bu xanımda,

Saxlamazdım onu mən bircə gün də yanımda.

 +

Zəng vurar ya esemeslə çağırardım atasın,
Qoşulub bəlkə gələrdi iki-üç qaynım da.

 +

Çay-çörəklə keçirərdim geniş müşavirə mən,
Söyləyərdim nə yığılmışsa xəstə canımda.

 +

Uyub əğyara, deyərdim ki, nə vaxtdan qızınız,
Xolesterin də, şəkər də çoxalıb qanımda.

 +

Məni saymır görürəm ki, qudurub əğyar da,
Tutmuşam üç dəfə  öz külbeyi-ehzanımda.

 +

De, əziz qaynata, mən bəlkə cinayət törədim,
Görüb əğyar uzanıbdır mənim divanımda?

 +

Seyyid əğyarı görüb korluğa qoymuşdu özün,[i]

Bunamı mən əl atım? Başqa yox imkanım da…

 

 03. 08. 2023, Samara

 

[i] “Ey kaş,olaydı bu tamaşadə gözüm kur…(S.Ə. Şirvani)

SURƏT HÜSEYNOVUN ÖLÜMÜNƏ YAZILMIŞ MƏRSİYƏ

Авг1
Surət Hüseynov

Ağlayır, qan-yaş tökür,

Qoyun yunu yuyanlar.

Mələşir, boyun bükür,
Sürülərdə qoyunlar

 +

Çox idi pulu, malı,
O, sərvətdə tək idi,

O, qoyun generalı,
O, yun polkovnikiydi.

 +

Sevirdi Yevlax onu,
Sevirdi onu Gəncə.

Sevirdi inək, qoyun,
Sevirdi toyuq-cücə.

 +

Ona aşiq idi xalq,

O da xalqı sevirdi.

Üsyan elədi qoçaq,
Elçibəyi devirdi.

 +

Qabağına qataraq,
Qoşunu dəhmərlədi.

İki güllə ataraq,
Aldı Surət Ələti.

 +

Qaçırdı qabağından,
Qarnizonlar, alaylar.

Belə möhtəşəm insan,

Deyin mənə, harda var?!

 +

Böyürdü Milli məclis,
Qoyun kimi mələdi.

Fürsət tapıb Əbülfəz,

Bakını tərk elədi.

 +

Nə silaha əl atdı,
Nə xalqa ağız açdı,

Tez  daban əlli altı,
“Dədəm vay!” dedi qaçdı.

 +

Qoyun polkovnikindən,

Millətə gəldi fərman:

 “Heydər gəlir yenidən,

Odur indi baş çoban!

 +

Yenə mal-qarasınız,
Qoyunsunuz yenə də.

Otarar, minər sizi

Yenə Əliyev öndər.

 +

Qarnınızda diliniz,
Səcdəyə olun hazır.

Qayıdır zalımınız,

Mən də ona baş vəzir”.

 +

Yun, qoyun generalı,
Üsyan etdi beləcə.

Müsibət oldu dalı,
Ağlaşma və faciə.

 +

Bir azca səbr elədi,

Dözdü Əliyev Heydər.

Surəti zəncirlədi

Atdı zindana öndər…

 + 

Kim ona qıydı indi,

İgid Surətim öldü?!

Kim onu zəhərlədi,
Axdı içinə ödü…

 +

Əllərin quruyaydı,
Qəhrəmanıma qıyan!

O, yun generalıydı,
Yox daha o cür insan!

 +

Mələyir qoyun kimi,

Mirzə Təbil də indi.
Öldü yun polkovniki, ,-
Necə çəksin bu dərdi…

 

Mirzə TƏBİL

01. 08. 2023, Samara

 

BETHOVEN. AYİŞIĞI SONATASI

Июл28

20230721_135628

Aya enməmişdən Nil Armstronq,

Yüz yetmiş il əvvəl – var bu gümanm,

Enib, pəncərəsi önünə qonub,
Ay özü bir axşam dahi almanın.

 +

Lüdviq van Bethoven möcüzəsnin,

Bəlkə orbitinə yetişib səsi,

Yenilib musiqi cazibəsinə,

Möcüzə yerinə enib tələsik.

 +

Dörd milyard yarım il yaşında hələ,
Bethoven yaradan səs kimi bir səs,
Yarıb gəlməmişdi göyləri belə,

Bu səs yarı ruhdu, yarı da nəfəs.

 +

Otuz yaşlı alman şamı söndürüb,

İşıqlanan zaman birdən həndəvər.

Ayı pəncərənin önündə görüb,
Görüb görünməyən tərəfini də.

 +

Və dahi dinməzcə danışıb ayla,

Dəyişib otağı ay yaraşığı

Saxlayıb Bethoven not yazısıyla,
Onun şərəfinə axan işığı.

28. 07. 2023, Samara

«QURBANLIQ QOÇ GÖNDƏR, TANRI, QATİLƏ…»

Июл27

20230721_135628

Bəlkə də hər günün hər saatında,

Hər dəqiqəsində saatın ya da
Qətl törədilir, qızıl qan axır,
Bu an Tanrı hara görəsən baxır?

 +

Qaranlıq bucaqda, kol dibində ya,
Qatil qurbanını çəkir daldaya,

İldırım tək iti bıçağın ağzı

Ürəyə sancılır, kəsir boğazı.

 +

Ölür qız uşağı, oğlan uşağı,
Ölür göz işığı, ev yaraşığı.

Doğranıır qarı da, sütül gəlin də,
Qatil var hər tində  — tiyə əlində.

+
Hər şeyi görənsən, sən özün dedin,

Tanrım, hər qətli də görürsən yəqin.

Görürsən qızıl qan necə fışqırır,
Yəqin eşidirsən qışqırıqları.

 +

Qurbanlıq qoç göndər, Tanrı, qatilə,

Azsa, qurbanını bir sürü elə,

Bir ilxı at göndər, dəvə də göndər,
Qatilin əlini geriyə döndər.

 +

Görsən ki. nə versən, yumşalan deyil,
Çalacaq tiyəni indicə qatil,
Onda əllərini hökm edib qurut,

Sənin varlığına qoy görək sübut…

 

27. 07. 2023, Samara

ALİ BAŞ KOMANDANIN «QUBAD ÇASTUŞKALARI»

Июл26

İlham Əliyev 4

Həbsi mənlik deyil qəti,
Qubad İbadoğlunun.

O “Bir gəncin manfesti”,
Kitabına and olsun!

 +

Görməmişəm onu heç vaxt,

Barda ya kazinoda.

Nə aşıq atmaq, nə də kart,

Udam ya uduzam da.

Eyy! Uxx!

 +

Bildim tutulandan sonra,
Adı nə, soyadı nə.

Ünsürlərsə yaxır qara,

Böhtan atırlar mənə.

 + 

O, cinayət törədibdir,

Təxribata da gedib.

DTX-da görüb tədbir,
Güdüb onu həbs edib.

Eyy! Uxx!

+

Qubad İbadoğlu kimsə,
Saxta pul da kəsənmiş

Yalnız dollar, avro kəsib,

Manatı bəyənməmiş.

 +

Elə bundan bilinir ki,

Antimillidir qoçaq.

Gücdən salmaq olub fikri,
Manatımızı ancaq.

Eyy! Uxx!

 +

Məlum olub pul kəsəndir,

Qubadla arvadı da,

Dolu-dolu kisələrdən,
Çıxıb yuan, avro da.

 

“Bir gəncin manifesiti”nə
And olsun ki, dünyada,

Mən ən böyük humanistəm –

Dəyməmişik arvada.
Eyy! Uxx!

 +

İndi  BMT-yə də həm,

Üz tuturam yenidən.

Azadlıq tələb edirəm,,

Culian Asanja mən!

Eyy! Uxx!

26. 07. 2023, Samara