Daim bəşəri yoran suallar,
Sadə iki misranda olub cəm.

Baş çatladar, həm beyin sığallar,

Onlardır azar qəlbimə, onlarda da məlhəm.

Məhdudlara, cahillərə onlarda hökm var,

Onlar doğurar şübhəmi və bərkiyər onlarla əqidəm.
Toqquşsa fikir şübhə ilə bəlkə verər bar,
Tabesə fikir küt inama, qəlbi üzər qəm.

Bir gün, Fizuli, Kərbəlada sən verən sual,
Fikrin qidasıdır mənə, baş ağrısıdır həm:

“Gər kaf ilə nundan oldu aləm,

Ayə, nədən oldu kaf, nun həm?”

18. 06. 2023. Samara