Bəşərin vicdanı, eşqi, ürəyi,

Zehni, düşüncəsi, fikri, diləyi,

Bütün yer üzünün xoş gələcəyi,

Hər zövq- səfası  partiyamızdır!

+

Əşsiz ilhamçısı şeirin, sənətin,

Dağ üstdə dağ qoyan zehnin, zəhmətin,

Bir bayraq altında bəşəriyyətin

Qardaşlıq dünyası partiyamızdır!

+

Sən parlaq hüsnüsən adi sözün də,

Sən al bir şəfəqsən ömrün üzündə.

Hər sadə, mürəkkəb cümləmizin də

Əzəl mübtədası partiyamızdır!

+

Hər təmiz ürəyin , saf məhəbbətin,

İnsana hörmətin, eşqə hörmətin,

Bu günün, sabahın, əbədiyyətin

Ən böyük mənası partiyamızdır!

+

İnqilab qüdrətli, günəş həvəsli,

Həqiqət bayraqlı, insan nəfəsli,

Neçə min nəğməli, neçə min səsli

Həyat simfoniyası partiyamızdır!