Elə bil indicə yer yarığından,

Çıxaraq durublar onlar ayağa.

Hər biri hüznlü, qaraqabaqdır,

Gözləri alışmır sanki işığa.

 +

Cavanı, qocası, şübhəsiz ki, var,
Cavanı qocadan seçilmir ancaq.

Bəlkə eləsinin yaşı qırx olar,
Baxan deyər qoyub yetmişə ayaq.

 +

Paltarın, yaylığın gedib rəngləri,

Rəngi kül kimidir özlərinin də.

Boyunda, barmaqda yox bəzəkləri,
Soyulub elə bil hamısı birdən.

 +

Süni dişli də var, boş ağızlı da,

Sinə hamarlanıb, üz qırışlanıb.

Hər biri haçansa bəlkə gözəldi,

Hanı o gözəllik, indi bəs hanı…

 +

Gözəllik cəhənnəm, hətta qadınlıq,

Çıxıb canlarımdan, əyinlətrində
Nimdaş paltarlardır, bir də ki. yaylıq,

Onları ayıran kişilərindən.

 +

Gedir dağ döşüylə gədəbəylilər,
Maskalı polisin əhatəsində,
Çıxıb nümayşə kişiylə birgə
Arvad, qazla necə hədələnsə də.

 +

Qızıldır torpağın altı, həm üstü,
Burda gözəlliklər möcüzə və sirr!

Arvadısa xəstə, kişisi xəstə,
Hər biri elə bil hərbi əsirdir.

 +

Dəyənək altında milləti əzir,

Ölkədə nə vaxtdan bəy olub gədə,
Zindan divarını uçurub əsir,

Əzmi var Gədə bəy üstünə gedə.

 +

Gedir gədəbəyli, qaldırıb üsyan,
Arvad kişidən də irəlidədir.
Bilir kimdir onu bu günə qoyan,
Bilir hansı düşmən üstünə gedir…

22.06. 2023, Samara