Qalib çıxdım mən yenə də,
Yenə prezidentəm.

Prezident sarayında,

Daimi rezidentəm.

 +

Asanlıqla qalib gəldim,
Mən bütün rəqiblərə.

Kaş ki, gətirəydi əlim,
Kazinoda da delə.

Eyy! Uxx!

 +

Qəqiblərim cındırdılar,
Təəssüf ki, belədir,
Bu ölkədə ciddi adam,
Mənəm, bir də ki, Heydər.

Eyy! Uxx!

 +

Yekdilliklə səs verildi,

Qalibə, müzəffərə.

Minnətdar xalq hazır idi,

Can istəsəm –can verə.

 +

Mənə elə  böyükdü ki,

Məhəbbəti millətin,
Atırdılar iki-iki,
Ya da üç-dörd bülleten.

Eyy! Uxx!

 +

Seçki günü ölülər də,
Tərk edib qəbirləri,

Səslərini verirdilər,
Və dönürdülər geri.

 +

Səs veribdir Kürdəxanı,
Mənə yüz əlli faiz.

Açıqlayıb özü bunu,

Ordakı jurnalist qız.

Eyy! Uxx!

 +

Gələn il də keçirərəm,
Seçki növbədənkənar.

Xalqımın, görürəm ki, mən,
Bu işə sevgisi var.

 +

Dünya bizə qibtə edir,
Paxıllıqdan cırılır.

Çünki bizdən başqa hər yer,
Aclıq çəkir, qırılır.

Eyy! Uxx!

 +

And içirəm mən Qurana

And içirəm Qanuna.

 “Bir gəncin manifesti”nə,

Arvadım Mehribana!

 +

Üstünüzdən olmaz əskik,

Dəmir yumruq heç zaman,

Gəlmişik, gedən deyilik,
Bunu bilsin hər insan!

 +

Eyy! Uxx!

Mirzə TƏBİL

14. 02. 2024, Samara