Vardır hər qələbənin qəhrəmanları hökmən,

Ulduzlu göydə onlar parlaq bürc kimidirlər.

Onlardır ölümləri, qanı şərəfləndirən,
Doğrulur adlarıyla ən ağır itkilər də.

 +

Mənim də ordum zəfər çaldı ağır hərbdə,

Qurtardı səni, məni, xalqı ayıbdan əsgər.

Kişi kimi döyüşdü, qan, can əsirgəmədi,

Bəs hanı qəhrəmanlar, qazanılıbsa zəfər?

 +

Fövqəladə igidlik göstəribdisə əsgər,
Niyə yoxdur bəs alan “Milli qəhrəman” adı?

Bu ada layiq heç kim döyüşməyibsə əgər,

Bu “möhtəşəm” qələbə bəs necə qazanıldı?

 +

Əsgərimin haqqın kimlərdir mənimsəyən

Qızıl, neft və qaz kimi adı kim oğurladı?
Qəhrəmandan qəhrəman adı əsirgənirsə,
Zəfər də zəfər deyil, sevinci də haramdır…

26.10. 2023, Samara