Üz tuturam səslənirəm nazirə:
Yaxşı qulaq ver deputat Sabirə,
Yoxsa şikayət yazaram rəhbərə,
Səbrimi basdım hələlik, qıymadım,
VİP zal açılsın, keçəcək arvadım.
+
Ordeni parlar yarımın döşündə,
Qəmzəsi var, var nazı ölmüşün də.
Qızıb cavanlıqda eşqə düşəndə
Mən ki onu gözyumulu almadım,
VİP zal açılsın, keçəcək arvadım.
+
Adi xanım bilmə onu, yerazdır,
Azəribaycanda ona tay azdır.
Yox savadı, amma başı tarazdır,
Olmasa o, mən qoyun otarardım,
VİP zal açılsın, keçəcək arvadım.
+
Düz otuz ildir vəkiləm millətə
Təyin ediblər məni bu xidmətə.
Xidmət ilə çatdı əlim sərvətə,
Çox da söylləm və batıbdır adım –
VİP zal açılsın, keçəcək arvadım.
Mirzə TƏBİL
15. 11. 2023, Samara
xeyrulla xayal 