Dron həmləsi var şəhərə indi,

İnternet kəsilib gecə yarıdan.

Nə vaxtdan bəridir havada dron,

Yağış, dolu kimi gözləniləndir.

 +

Zərbə hədəfləri qalırsa yenə,

Çox elə kasıb da deyilmiş şəhər,
Ölkə indi bilir var imiş nələr,
Haçan yas tutacaq itirdiyinə?

 +

Donub televizor, sönüb telefon,
Radio almaqsa plandır hələ.

İndi telefona yüklənilənlər,
Çatır harayıma gələndə dron.

 +

Yenə də Folkneri oxuyuram mən.

Az qala əlli il qabaq olan tək:

Yanır Kür qırağı, oturmuşam tək,

“Novıy mir”sə  düşmür tərli əlimdən.

 +

Rus dilinə gözəl çevirmişdilər,

“Absalom, Absalom” adlı əsəri.

Mən onun sehriylə o vaxtdan bəri,
İngilis dilinin düşdüm eşqinə…

 +

Başımın üstündın uçar şığıyıb,
Səpməyə gedirdi pambığa zəhər,
Çəkilmir burnumdan indiyə qədər,
Təyyarənin səsi, zəhərin iyi…

 +

Mühasirədəyik daim elə bil,

Səngərdə elə bil günümüz keçir,
Gah təyyarə uçur, dron gah uçur.
Uilyam Folknersə yenilən deyil…

24.10. 2025, Samara