Qəlbimin istisi, sevinci anam,

Bu kasıb ömrümə tək inci anam.

Qoydu övlad yolunda dincliyini,

Qızının, oğlunun girinci anam.

Nə qədər uğradım fəlakətə mən,

Yetişdi dadıma birinci anam.

Məni çox qarğısa da aşkarda,

Yandı hər dərdimə gizlincə anam.

Atar aləm məni, atmaz Tanrım,

Əl üzər ancaq — əl üzüncə anam.

Canımda şerə həvəs yandırdı,

Canı atəşli, ruhu incə anam.

07-08 oktyabr 1989, Samara