Şübhəli yerlərə əlini basıb,

Həkimin soruşur: “Burda ağrı var?”

Orta barmağını basır eləsi,

Deyirsən indicə dərin cırılar…

+

Biri var gücüylə sinəni vurur,
Biri ciyərini, biri qarnını,

Soruşur, ağrıyan odur ya budur,

İndi təsvir elə, deyir, ağrını…

 +

Vardır cürbəcürü həkimlərin də,
Biri təcrübəli, təzədir biri,

Alimi də olur, naşısı həm də,

Vurub əzəni var ağrıyan yeri.

 +

Ya qəlbən ya da ki, məsafə ilə,
Mənə yaxın olan xeyli adam var.

Süvər yerlərimə vururlar elə,
Naşı həkimləri yada salırlar.

 +

Elə bil əvvəllər belə deyildi,

Var idi həssaslar, qəlbi incələr,

Qalan naşılardır, yaxşılar gedib,
Biri çəkic vurar, biri iynələr.

+

Vurur, ürəyini alır hədəfə,

Zərbə alınmasa, vurur yenidən

Gözünün içinə deyir hər dəfə:

“Ağrını təsvir et mənə indi sən”…

 

19. 11. 2023, Samara