Niyə dolu meydan boşaldı birdən,

Radikal natiqlər qeybə çəkildi?

Tankların, topların üstünə gedən,

Sadəlovhlər idi, sadələr idi.

 +

Dincəldi liderlər xumarlanaraq,
Gülləyə adinin sinəsi sipər.

Pompey əsgəri tək mətin duraraq,

Öldü sıravilər, təsadüfilər.

+

O vaxt həyatlarla oynanılırdı,

Güllə qabağına gedirdi sadə.

Alovlu sözlərə aldananların,

İndi xatirəsi istifadədə.

 +

Gedir şəhidlərin məzarı üstə,
Adamın hər cürü bir dəfə ildə.

Gedir, baş endirib, kütlə və dəstə,

Meydanda haçansa nitq deyən də.

 +

Bəzənib-düzənib müstəbid gedir,
Polisin, əsgərin əhatəsində.

Tökülən qanlardan o bəhrələndi,
Xalqın nəfəsini odur kəsən də.

 +

Gedir tanınanlar, gedir harınlar,

Gedir sıravilər, təsadüfilər.

Kütlətə əzən də, əzilən də var,

Hətta AZAl adlı gedir zəli də…

 

21. 01. 2024, Samara