Архивы

FƏTULLA GÜLƏN LAZIM ADIYLA AZƏRBAYCANA GƏLİB ƏLİ KƏRİMLİYLƏ GÖRÜŞÜRMÜŞ!

Авг27

Etibarlı mənbələrdən məlum olub ki, Fətulla gülən son illərdə dönə-dönə Azərbaycana gəlib və Əli Kərimliylə görüşüb. Əlbəttə, ortaya sual çıxır: Gülən Azərbaycan sərhədinin necə keçə bilib? Sualın cavabı sadə olduğu qədər də mürəkkəbdir: Gülən Azərbaycan sərhədini Lazım adıyla keçirmiş! Bəli, bu zalım oğlu sərhədçilərə deyirmiş ki, mən Lazımam və gedirəm möhtərəm prezident əlahəzrət İlham Əliyevlə görüşməyə! Sərhədçilər də onun Lazım olduğuna inanıb buraxırlarnış!

İndi başqa bir sual çıxır: bəs əsil Lazım hardadır? Bu sualın cavabı sadə, ancaq faciəvidir: əsil Lazımı Gülənin adamları ələ keçirib Pensilvaniyada elə gizli yerdə saxlayırlar ki, ABŞ hökuməti də tapa bilmir!

Belə-belə işlər, qırılmasın keşişlər…

Mirzə ƏLİL

26.06.2016

 

ŞİRVANDA FÖVQƏLADƏ HADİSƏ

Авг25

ŞİRVAN.jpg

Məlumdur ki, Azərbaycanda əsrlərlə şuluq uşaqları Xortdanla, Xuxanla, Qulyabanı ilə qorxudublar. Ancaq son günlər təhsil nazirliyinin göstərişi ilə uşaqları Gülənlə qorxudurlar. Sözə baxmayana, qulluğa getməyənə, hindən yumurta oğurlayana, qonşu bağına girənə, dərsdən qaçana, pəncərə sındırana, yerinə işəyənə valedeynləri deyirlər ki, sən öləsən, özünə qoyulmasan, Gülən gəlib səni aparar. Gülənin adını eşidən kimi uşaq  elə dəyişir ki, öz valideynləri tanımırlar. Daxili İşlər Nazirliyinin məlumatına görə azyaşlı uşaqlar arasıında cinayətkarlıq xeyli azalıb.

Ancaq Şirvan şəhərinin Çılpaqlı qəsəbəsində qəribə bir hadisə baş verib. Üç yaşlı uşağa nənəsi deyib ki, az atıl-düş, Gülən gəlib səni aparar. Uşaq da qayıdıb deyib ki, mən gecə-gündüz Güləni gözləyirəm ki, gəlib məni aparsın Amerikaya, bu Çılpaqlı mənim qara ciyərimə vurub…

Nənə “Amerika” sözünü eşidən kimi özündən gedib yıxılıb. Uşağın valideynləri əlahəzrət prezidentə təcili teleqram vurublar ki, uşaqdan imtina edirlər. Şirvan şəhər polisi cinayət işi qaldırb verib Baş prokurorluğa…

Çılpaqlı sakinləri jurnalistlərlə görüşməkdən qətiyyətlə imtina edirlər…

Mİrzə ƏLİL

25.08.2016

SİYAVUŞ NOVRUZOV: «REFERENDUMDAN SONRA RÖVŞƏN LƏNKƏRANSKİ VİTSE-PREZİDENT OLMALIYDI…»

Авг23

siyavuş«Ətli-yağlı üzündə, Yaxşı bir şillə yeri…» (V.Cəbrayılzadə)

Siyavuş Novruzov deyib ki, Azərbaycan Rövşın Lənkəranskinin şəxsində böyük dövlət xadimini itirib. Cənab Novruziv deyib ki, referendumda nəzərdə tutulan vitse-prezident vəzifəsini tutmağa Rövşən Lənkəranski razılıq veribmiş. Bu cəhətdən millət vəkili Novruzov xalqın ümidi və sevimlisi Rövşən Lənkərənskini Cəmil Həsənli ilə Əli Kərimlinin öldürdükləri ehtimalını istisna etməyib. “Onlar referendumun əleyhinədirlər. Onlar vitse-prezident vəzifəsinin əleyhinədirlər. Buna görə onlar Rövşən Ləmbərənskini aradan götürüblər”  — bunu Siyavuş Novruzov deyib.

Mirzə Əlil

BİZ DƏ KƏLBƏCƏRƏ UKRAYNALI PROKUROR TƏYİN EDƏRİK…

Авг22

Ukraynanın baş prokuroru Krıma yeni prokuror təyin edib. Yeni prokuror azərbaycanlıdır: Gündüz Məmmədov

Bu Lutsenko köpəyoğlu ço fikirləşib ki, kimi Krıma prokuror qoysun. Asan məsələ deyil: Krım Rusiyada, Ukrayna ora prokuror təyn edib. Sonrayadına düşüb ki, azərbaycanlıların belə işlərdə böyük təcrübəsi var. Şuşa, Zəngilan, Qubadlı, Laçın, Kəlbəcər ermənilərdə, Azərbaycan prezidenti o yerlərə başçı təyin edir, prokuror təyin edir…

Lutsenko köpəyoğlunun bu yadına düşən kimi Gündüzü çağırıbdeyib brat, bu vəzifə sənindir…

Mən bu əhvalatı oxuyanda ağladım…

22.08.2016

Mirzə ƏLİL

AY HACI VƏZİR ZAMİN, MƏN SİZƏ «DƏRD» DEMƏDİM, «ÇOR» DEMƏDİM…

Авг22

Mənimlə Feysbuk dpstluğunda olan bir nəfər Zamin Vəzir Hacı Zamin Vəzir Hacının bu yazısını bəyəndiyinə görə mətni mən də gördüm və şərh yazmaq fikrinə düşdüm.

“Nail Zeynalovun uşaq adları haqda statusunu gördüm yadıma düşdü. Bizim uşağın sinifində o qədər dini ərəb adlı uşaq toplaşıb ki, müəllimin yerinə olsam ev tapşırığını Ühüd döyüşündən verərəm. Yaxşı oxumayan uşaqların başına isə Kərbəla müsibəti gətirsən yeri var. Təsəvvür edin, bir sinifdə 3 Məhəmməd, 2 Yusif, 2 Əli, 3 Zəhra var. Qalanları da Əlislam, Məryəm, Hüseyn, Fatimə-dir (yadıma bunlar düşdü, qalanları da hamısı ərəb-semit adlarıdır) mənim oğlumun da soyadı Hacı”.

 

Mən yazdım ki, müəllif bir neçə orfoqrafiq, durğu işarəsi səhvi buraxıb. “Sinifində” yox, “sinfində”. “Olsam” sözündən sonra vergül olmalıdır.

“Yaxşı oxmayan uşaqların başına isə Kərbəla müsibəti gətirsən yeri var” – Burda da “gətirsən” sözündən sonra vergül olmalıdır.

Mən güman edirəm ki, bu adam jurnalistdir, ancaq jurnalistdən çox özünü, deyəsən, ictimai fikir lideri sayır, bu, şəklindən də görünür – köndələn oturub. Beş-altı kəlmə qaralayır, yüz-yüz əlli adam  tökülüşüb gəlir və  quyuya atılan daşı dartınıb çıxarmağa…

Mən yazdım ki, “Yusif” adı ərəb-semit, Tövrat adı olduğu qədər də azərbaycanlı adıdır, bizim folklorumuza keçib, klassik poeziyamızda ən çox işlənən rəmzi adlardan biridir. Eləcə də Məryəm.

Onu da deyim ki, xristian xalqlar nədənsə Tövrat adlarındaan narahatlıq duymurlar. Məlum olduğu kimi, Linkolnun adı Abrahamdır. Bizdə özünə “türk” adı götürmüş prezident oldu – çoxmu irəli getdik?

Həm də adımız niyə ərəb-müsəlnman adları olmasın – yazını, sivilizasiyanı bizə ərəblər gətirməyibmi?

Mən bu Zamin Vəzir Hacını söymədim, təhqir etmədim, öz fikrimi yazdım. Elə həmin dəqiqə bu “ictimai rəy lideri” elə köndələn oturduğu pozada mənim rəyimi sildi…

Bunlar demokratdırlar? Bu qırışmallar hakimiyyət başında olsalar, nə oyun çıxararlar?

Mən bu adama “dərd” demıdim, “çor” demədim, dedim ki, səhvini düzəlt, ərəblər az qala min beş yüz il olar sənə yazı gətiriblər, ancaq sən indiyəcən düz-əməlli yazmağı öyrənməmisən…

Sözümün canı nədir? Gedin referendumda İlham Əliyevin özümürlük prezidentliyinə ikiəlli səs verin. Elə yaxşısı odur. Bu Zamin Gizir kimi adamlar elə hakimiyyətsiz belə qudurğandırlar, hakimiyətə gəlsələr, xalqı basıb əzərlıər…

22.08. 2016

 

 

 

OLİMPİYAÇILAR ÜÇÜN «GÜLƏN-KONTROL»

Авг21

rio total

Brasiliyadan qayıdan Azərbaycan yığma komandasının üzvləri elə aeroportda “gülən-kontrol” keçirlər. Analiz idmançıların dabanlarndan götürülür və nəticə idmançının “sabaha İlhamla” ya “Gülən yolu” getdiyini üzə çıxarır.

Gülən-kontrolun nəticələri bu yaxınlarda elan olunacaq.

TOY

Авг20

MEHRİBAN XANIM: Ay kişi, darıxıram ey evdə, haçandır xaricə-zada da getmirəm, ANİS-də bağladın, heç oolmasa, özümə baxırdım.

İLHAM BƏY: Al, toy kasetləridir, bax, fikrin dağılsın.

MEHRİBAN XANIM: Leylanın toyudur? Baxmaq istəmirəm ey, ürıyim xarab olar, yazı uşağımın heç baxtı olmadı.

İLHAM BƏY: Leylanın toyu deyil, arvad, Faiq Əmirlinin toyudur, özü də pirat üsuluyla ələ keçirilib, bax, daha ayrı adama göstərmə…

TÜRKÜN MƏSƏLİ VƏ TÜRKÜN MÜDDƏTİ

Авг17

Ərdoğzn Fətullah Gülən üçün 1900 il həbs cəzası tələb edir. Bu, təsadüfi deyil. Ərdoğan bundan sonra 1900 il prezident vəzifəsində qalmaq niyyətindədir.

SALAM SARVAN YAPA-A GİRMƏYƏYDİ BƏS HARA GİRƏYDİ?

Авг16

Bu gün bilmişəm ki, Azərbaycanda Salam Sarvan adlı böyük şair varmış və bu şair Məcnun kimi çox vurnuxandan sonra özünü axırda gedib soxub Yeni Azərbaycan partiyasına. Demokratik ictimaiyyət də bu hadisədən elə sarsılıb ki, Salam Sarvan, Allah eləməmiş, özünü assaydı, elə sarsıntı olmazdı.

Mən İnternetdən bu böyük şairi və təzə yapçının şeirlərini tapıb oxudum.

Hörüyün əlimdə təsbeh əvəzi…
üstündə duamı oxudum, ayıl.

 

Belə çıxır ki, oğlan durub qızın başının üstündə, hörüyünü təsbeh kimi tutub dua oxuyur. Ancaq br az sonra məlum olur ki, məsələ başqa cürdür.

Mən səni sevmirəm, sənin qoynuna
səndən gizlənməyə girmişəm, qadın…

Bu, pozğun qadının qoynundaymış… Biabır olduq…

Sonrası lap maraqlıdır:

Mən səni atmıram, səndən qaçmağa
ömrüm uzunluqda lağım atıram.

İndiyəcən Azərbaycan poeziyasında lağım atmamışdılar, Salam Sarvan birinci lağımçıdır.

Sonra ayrılıq baş verib, qız daha hörüyü ələ vermir. Salamın gözləməkdən gözü (yəqin bir gözü) çuxura düşüb:

Gözləməkdən gözüm çuxura düşüb,
gör heç soruşursan, nə çöküntüdü?

Qardaş,  hardan soruşsun? Axıı görüşmürsünüz, qız nə bilsin ki, göz çuxurdadır yoxsa ayrı yerdə?

Səni necə atım, necə, bilmirəm —
bir zərsən düşmürsən heç üzü üstə.

 

Zər kubdur, həmişə bir cür düşür, yəni tini üstə düşmür. O ki qaldı o xanıma, yəqin onun üzü üstə düşməyi üçün gərək hörüyünü əlindən buraxmaysan…

Boğulub üzürəm, batıb gedirəm…
Başımı əsa tək tutub gedirəm…

 

İndi Azərbaycanda bir ağıllı adam çıxsın, desin ki, başı əsa kimi necə tutub getmək olar. Getmək olmaz, a kişilər. Baş əsa deyil, Salam Sarvan xalqa vedrə bağlayıb!

İndi bu adam hansı partiyaya girməliydi? REALa? NİDAya? Müsavata?

Oturun yerinizdə! Gedin özünüzə şair axtarın. Heç axtarmaq lazım deyil, şairlər gözünüzə girirlər, görmürsünüz. Biri elə o təsbehdən belə yazıb:

Urma girüh zülfünə, eylə həzər, ey sənəm,

Oxşamasın şəklidə sabheyi-səddanəyə…

16.08.16 SAMARA

BƏXTİYAR VAHABZADƏNİN “HƏYAT SƏN NƏ ŞİRİNSƏN!” ŞERİNƏ NƏZİRƏ

Авг16

Bəli, ömür nədənsə bərabər paylanmayıb,

Xoş o kəsin halına – pay alıb, aldanmayıb.

Kim bilir üç yüz ili qarğa nə yolla alıb,

Zavallı şahinəsə vur-tut onca il qalıb.

Yəqin növbə zamanı basırıq da salıblar,

Çoxları əl altından, tanışlıqla alıblar.

Həyat, sən həm acısan, həyat, sən həm şirinsən,

Hərdənbir turşməzəsən, hərdən də kəmşirinsən.

Əgər desə bir qarı: “Ölmürəm ki qurtaram!”

Əzrailin gözünə kül üfürür, vəssalam.

Üzə demək olmasın, həyan, yaman şirinsən,

Maaş üstdən mükafat alan zaman şirinsən.

Bəli, bir gün Əzrail Loğmanla da görüşdü,

O nəcib alim kişi görün nə günə düşdü!

İstəyən utanırsa ən çoxu qurşağadək,

Verməyənlər qızarır təpədən dırnağadək.

Loğman istədi onu birtəhər tutsun dilə,

Bir gül dərib çəməndən uzatdı Əzrailə.

Söylədi: “Düşünməyin rüşvət verirəm sizə,

Kiçik bir hədiyyədir bu, xoş gəlişinizə”.

Əzrail dedi: “Alsam bu gülü səndən əgər,

Bil ki təmiz adıma min böhtan deyəcəklər.

Düşmənlər ayağımın altını qazacaqlar,

Düz allahın üstünə anonim yazacaqlar”.

…Loğman köçdü dünyadan ürəyində dərd, qubar,

Nəvələri o güllə “çilədi” oynadılar…

Demirəm ki, hər zaman belə şirinsən, həyat,

Bəzən acı zəhərə dönməyin də var, heyhat!

Bir gündə on beş toya çağrılanda yamansan,

Arvadın danlağıyla qovrulanda yamansan.

Bircə şüşə çaxırın pulu düzəlməyəndə,

Dadsız-tamsız olursan, bağışla məni, sın də.

Ancaq şirin də olsan, acı zəhər də olsan,

Hələ səndən doymayıb bu dünyada bir insan.

Necə əzizsən mənə! Yığılıb gələ aləm,

Öz payımı heç kəsə bil ki, verən deyiləm!

        20 yanvar 1978, Ərəbqardaşbəyli