“Qrenlandiyanı alıram dedi,
Xoşluqla ya zorla – qərarım budur!
ABŞ-a birləşir Kanada həm də,
Növbədə Panama, Meksika durur.”
+
Və qolf oynamağa getdi uçarla,
Uddu nazirini, köməkçisini.
Medal, diplom verdi özünə hələ,
Şəkil də çəkdirdi, qabardıb sinə.
+
Putinə zəng vurdu şamını yeyib,
Danışdı dostuna qolf yarışından.
Putin dönə-dönə “malades” deyib,
Birtəhər elədi onu başından.
+
Girdi arvadıyla sonra yatağa,
Qrenlandiya tək soyuqdur yataq.
“Nəyinə lazımdır Qrenlandiya?” –
Soruşdu arvadı, aralanaraq.
+
“Fələstinliləri ora köçürmək,
Fikrim var, söz verdim Netanyahuya.
Qəzzanı tezliklə boşaldaq gərək,
Orda kazinolar planlayıram.”
+
Sonra mesaj yazdı Zelenskiyə,
Soruşdu: “kostyumsuz gəzirsən yenə?
Sənə bağışlardım köhnə pencəyi,
Qorxuram olmaya ancaq əyninə.”
+
Kim Çen Ina yazdı girib Votsapa,
Yazdl ki, “sevirəm səni ürəkdən”.
Dərhal Kim Çen In da Donald Trampa,
Bir raket göndərdi, çatmadı hərçənd…
+
Arvad xoruldayır, gecə uzanır,
Trampın çəkilib ərşə yuxusu,
İrana səhərə yaxın bir neçə,
Bomba atdı – yekə, ağır xüsusi…
+
Beləcə dünyanı idarə edir,
Bütün dünyanı da hərləyir hələ.
Dünya fəlakətə doğrumu gedir? –
Yox, yox… zəif deyil dünya da elə…
+
Ötər bir neçə il, müddəti bitər,
Taxtını tərk edər narıncı adam.
Bundan əvvəl ölüm gəlməsə əgər…
Həm qanun amansız orda, ölüm həm.
+
Bizim hökmdarsa ağlı başında,
Ona gərək deyil Qrenlandiya.
O nə ölüb gedən, nə dəyişəndir,
Nə qanun tanıyır, nə abır-həya…
13. 07. 2025, Samara
xeyrulla xayal 