Архив тегов | İlham Əliyev

BEŞ İLDƏN SONRA

Май2

İlham Əliyevin gələn beş illik haqqında proqnozu ətrafında düşüncələr.

  1. Beş ildən sonra indi beş il iş almış gənclər türmədən çıxacaqlar.
  2. Beş ildən sonra Ramiz Mehdiyevin 80 yaşı tamam olacaq.
  3. Beş ildən sonra İlham Əliyevin doğum gününə həsr olunmuş tortun uzunluğu 57 metr olacaq.
  4. Beş ildən sonra yüz minlərlə azərbaycanlı işə düzələcək. Rusiyada…
  5. Beş ildən sonra Heydərovlar,Əliyevlər, Mehdiyevlər, Paşayevlər, Məmmədovlar və başqa millət rəhbərlərinin gözləri Qəbələdən, İsmayıllıdan, Zaqataladan, Qubadan və başqa cənnət guşələrdən gözləri doymasa, bəlkə üzlərini Şuşa tərəfə tutalar.
  6. Beş ildən sonra Naxçıvanda abadlıq işlərin qurtaracaq və qalan naxçınlılar da əmək alətlərini yığışdırıb gedəcəklər İrana, Türkiyəyə fəhləliyə. Süleymana qalmayan dünya Vasif Talıbova qalacaq.
  7. Beş ildən sonra Azərbaycan elə sürətlə gedəcək ki, gözdən itəcək və dünya ictimaiyyəti bilməyəcək ki, bu Azərbaycan yerə batdı, ya göyə uçdu…

 

ANALOQU OLMAYAN AZƏRBAYCAN TÜRMƏLƏRİ

Апр30

Millət vəkili Mehriban Əlyeva Azərbaycan türmələrinin bəzilərinə magistratura, bəzilərinə isə doktorantura statusunun verilməsi təşəbbüsüylə prezident İlham Əliyevə müraciət edib. Müraciətdə deyilir ki, Azərbaycanın ən savadlı gəncləri təhsillərini türmələrdə davam etdirirlər və türmələrin bəzisi dustaqların səviyyəsinə görə çoxdan Bakı dövlət universitetini də keçib. Xanım Əliyeva həmçinin İlqar Məmmədovu akademiyanın üzvlüyünə namizəd göstərib.

LAZIM KİMDİR?

Апр24

“Vaşinqton post” qəzetində “Lazım kimdir?” adlı maraqlı bir material çap olunmuşdur. Amerikanın görkəmli azərnaycanşünasları Lazım haqqında öz fikir və mülahizələrini bildirirlər. Professor Devid Rafaelsonun fikrinə görə, Lazım xalis naxçıvanlıdır, orta yaşlı kişidir. O hətta Lazımın söz portretini də çəkir: “Boyu uca, saqqallı, gözləri lap qaradı, bir tikə ağ yoxdu gözlərində. Burnu əyridi. Burnunun yuxarı tərəfindən bir sümük dikəlib. Sümük düzdü, amma aşağısının əti xoruz pipiyi kimi düşüb sol yana”.

Professor Rafaelsonun fikrincə, Lazıma göyçək kişi demək olmaz.

Professor Henri Haverkroft bu fikirdədir ki, Lazım tovuzludur, hətta cavanlıqda başqa tovuzlular kimi saz çalmağı da varmış. Lazımın indi hansı ölkədə yaşadığı barədə azərbaycanşünas alimlər müxtəlif fikirlər deyirlər və İsveçrə, Ərəb Əmirlikləri, Britaniya kimi ölkələrin adlarını çəkirlər. Amerikalı alimlər bir məsələdə həmfikidədirlər: Azərbaycan prezidenti Lazım gəlməmiş heç bir ciddi qərar qəbul etmir. Bu da Lazımın Azərbaycanın siyasi həyatında necə mühüm yer tutduğunu göstərir.

AZƏRBAYCANIN ABŞ-a LAYİQLİ CAVABI

Апр22

Amerikanın Dövlət departamenti Azərbaycanda insan haqlarının pozulması barədə 33 səhifəlik məruzə hazırlayıb. Azərbaycanın xarici işlər nazirliyi buna cavab olaraq ABŞ-da insan haqlarının pozulduğu barədə 333 səhifəlik sənəd yayıb. Sənəddə deyilir:

Amerikada bir insanın kefi istədiyi qədər prezident olmaq hüququ pozulur;

Amarika prezidentinin ölkəsindəki neft və qaz kəmərini istədiyi səmtə yönəltməyə ixtiyarı yoxdur;

Amerika prezidentinin arvadının konqresmen olmaq, bir neçə miyard dollarlıq fonda rəhbərlik eləmək hüququ pozulur;

Prezidentin müxalifətçələri dama basmaq hüququ pozulur;

Prezident qızlarının ofşor biznesinə yiyələnmək hüquları pozulur və ümumuyytlə, Amerika prezidentinin qızları dilənçi vəziyytəində yaşayırlar;

Amerika prezidentinin öz atasına və anasına heykəllər qoydurmaq hüququ pozulur;

Amerika prezidentinin qayınatasının, baldızlarının, qayınlarının, cicilərinin, bacılarının, akademik, rektor, analoqsuz ixtiralar müəllifi olmaq hüquqları pozulur;

Siyahı uzundur. Azərbaycan siyahısının sonunda deyilir: əgər ABŞ-da prezident ailəsinin hüquqları bu cür pozulursa, görün sadə xalqın hüquqları necə pozulur!

Sənəd Səməd Vurğunun ölməz misralarıyla bitir: «Keçəl baxar güzgüyə, Adın qoyar özgəyə!»

SABİRABADLILARIN TƏRİFİ

Апр20

Sabirabad adıyla özü arasında ən çox uyğunsuzluq olan yerdir. “Sabirabad” deyiləndə kimin yadına Sabir düşür?  Bu yerin harası abaddır?

İndi bilmirəm, bir vaxtlar Sabiradad deyəndə qarpız yada düşürdü, soğan yada düşürdü, noxud yada düşürdü.

İndi böyük professor, böyük məmur və böyük cüvəllağı olmuş H.Z pedaqoji məktəbdə mənimlə paralel qrupda oxuyurdu və yoldaşlarının neçəsi sabirabdlıydı. Onlardan danışıb məzələnərdi: “Bilirsən sabirbadlılar pencəyə nə deyirlər? Qəssum! Sabirabadlılar muğama “segah” deyirlər. Xanəndəyə toyda belə sifariş verirllər: “Bir Çahargah təsnifi oxu, segahıyla!”

İndi eşidəndə ki, Sabarbadda Xalq Cəbhəsinin yığıncağıni polis dağıdıb, çox böyük fərəh hissi keçirirəm. Əlbəttə, polislərin hampazorluğuna görə yox. Məni sevindirən Sabirabadda Xalq Cəbhəsinin olmağıdır. Yəni bu hadisə o deməkdir ki, sabirabadlılar üçün qarpızdan, soğandan, noxuddan vacib şeylər var və İlham Əliyev ölkənin bütün polisini yığıb Sabirabada töksə, bunun əksini sübut edə bilməz…

 

20.04. 2013 Samara

 

LAZIMIN BAKIYA GÖZLƏNİLMƏZ SƏFƏRİ

Апр19

Aprelin 18-dən 19-a keçən gecə Lazım gözlənilmədən Bakıya səfər edib. Prezident İlham Əliyev bir neçə saat ərzində lazıml təkbətək görüş keçirib. Görüşdən sonra cənab  Əliyev Misir Mərdnovu təhsil naziri vəzifəsindən azad edib. Görüşdə Dağlıq Qarabağ məsələsinin müzakirə olunduğu barədə məlumat yoxdur.

Sübh çağı Lazım Bakını tərk edib.

UŞAQLAR ÜÇÜN NAĞIL

Апр19

Ramiz Mehdiyev boynunda təzə “Şərəf” ordeni gəlir evə. Nəvəsi qabağına yüyürüb deyir:

—         Buy, baba, nə gəşəng şeydir, ver oynadım.

—         Al oynat, ancaq itirmə. Bu, ölkənin şərəfidir.

—         Baba, itəndə itəcək də. Özün həmişə demirsən ki, təki neftimiz itməsin?

—         Orası düzdür, bala. Apar oynat…

YAŞA, YAŞA, DAHİ İNSAN!

Апр17

Bu gün Azərbaycanın görkəmli ictimai-siyasi xadimi, dahi akademik Ramiz Mehdiyevin 75 yaşı tmam olur. Prezident İlham Əliyevin cənab Mehdiyevə təbrikində deyilir: “Sən nə qədər, nə qədər qoca olsan da, dəyərsən min cavana. Çörəyi yemirsən sən yavana, bəllidir bu hər qanana, Sən şərəfsən Azərbaycana və s.”

SADƏ GÜL BAYRAMLARINIZ MÜBARƏK!

Апр16

İlham Əliyev məmurları dəbdəbəyə yol verdiklərinəı görə danlayıb. Bundan sonra məmurlar atalarına dəbdəbəli ehsan verməyəcəklər, bunun əvəzinə sadə bir gül bayramı keçirəcəklər.

OXUYUR ZEYNƏB XANLAROVA

Апр15

 Ələkbər Tağıyevin Mahnısı 

 

Aylı gecə sərin külək, Nardaran,

Bağ evimin dörd tərəfi müsəlman

Ancaq əsil kişi olan, mərd olan,

Nə hacılar,

Nə atamdır.

Sən, sən, sən,

Sən, sən, sən,

Ay prezident, sən, sən sən!