MİLLİ ƏTALƏT VƏ ÜMİDSİZLİK RƏMZİ OLAN İNSAN — RAMİZ MEHDİYEV

Bu gün Azərbaycan perezidentinin Administrasiyasının rəhbəri Ramiz Mehdiyevin 79 yaşı tamam olur. Dünyanın heç bir başqa ölkəsində bu yaşda bu cür məsul vəzifə sahibi yoxdur.

Ümumiyyətlə, Ramiz Mehdiyevin bioqrafiyasında heyrət doğuran faktlar çoxdur. 2001-ci ildən o, Azərbaycan Milli elmlər akademiyasının həqiqi üzvüdür. Yəni akademikdir. Ramiz Mehdiyevin ixtisası “elmi kommunizm”dir. Tələbələrə də “elmi kommunizm”dən dərs deyib. Yəni mümkün olmayan, Marksın, Leninin fantaziyalarından yaranan bir şeydən. Danışmaq, əlbəttə, olar. Lap olmayan şeydən də. Ancaq olmayan şeyin elmi ola bilməz. Yəni “elmi kommunizm” heç vaxt elm olmayıb, sovet adamlarının, xüsusən ali məktəb tələbələrinin başına zorla yeridilən cəfəngiyyatdır. İndi sual çıxır: cəfəngiyyatla məşğul olmuş adam necə akadüemik adını daşıya bilərr? Və əgər daşıyırsa, bu fakt Azərbaycan akademiyasının səviyəsini göstərmirmi?

Onu da qeyd edək ki, Raniz Mehdiyev ali məktəbə çoxları kimi 17 yaşında yox, 21 yaşında girib. Bu da vacib faktdır. Və girən kimi də komsomol fəalı olub, yəni əli-əayağı quru, isti yer, rahat çörək. Daim də komsomol, partiya xətti ilə gedib qabağa. Yəni Qorbaçov SSRİ-ni dağıdanacan Ramiz Mehdiyev kommunist çörəyi ilə dolanıb, özü də yaxşı dolanıb, çünki o vaxt Mərkəzi Komitənin rəhbər işçiləri xalqdan fərqli olaraq, Marksın və Leninin əfsanəvi kommunizmində yaşayırdılar, yəni quş südündən başqa hər şeyləri vardı.

İndi az qala 50 il partiya çörəyi yemiş, xalqın başını “emi kommunizm” cəfəngiyyatı ilə tovlamış bir qoca qurd guya azad demokratik rejimli, guya azad iqtisadiyyatlı ölkədə ən mühüm vəzifərlədən birini tutur. Bu necə mümkün olur?

Burda iki şey var: ya Ramiz Mehdiyev heç vaxt əsil kommunis olmayıb, kommunist maskası taxıb, azad ruhlu, demokratik düşüncəli insan olub.

Ya da Azərbaycan demokratik rejimli, azad iqdisadiyyatlıŞ insan hüquqlarının prioritet olduğu ölkə deyil, sadə dillə desək, quldurxanadır.

Mənə elə gəlir ki, bəzi düzəlişlərlə, hər iki ehtimalın yeri var. Əlbəttə, Ramiz Mehdiyev heç vaxt əsil kommunist olmayıb, yəni Lenin kimi, Çe Gevara kimi kommunist olmayıb. Ramiz Mehdiyev üçün kommunist ideologiyası çörək ağacı olub. Özü bu ideologiyaya, bir saniyəlik də olsa, inanmayıb. Yəni Ramiz Mehdiyevin əqidəsi olmayıb, indi də yoxdur.

Azərbaycan da, əlbəttə, demokratik ölkə deyil. Azərbaycan demokratik ölkə olsaydı, millətin gənc, vətənpərvər övladları türmədə çürüməz, Ramiz Mehdiyev kimi sovet-partiya rəhbərliyinin tör-töküntüləri ölkəni hərləməzdilər.

Yadınıza salım ki, ölkənin baş naziri Artur Rəsizadə Ramiz Mehdiyevdən də yaşlıdır.

İndi belə adamların rəhbərlik etdiyi, yəni hərlədiyi ölkənin bu vəziyyətdə olmağı ağlı başında olan adamları təəccübləndirməlidirmi? Belə rəhbərlərə görə Azərbaycan kimi böyük iqtisadi və hərbi potensiallı ölkə balaca Ermənistanın əlində aciz qalmayıbmı?

Və yəqin ki, yaxın illlərdə vəziyyət dəyişməyəcək. Yəni nəqədər ki, ölkə ər-arvad prezidentliyinin, Ramiz Mehdiyev, Artur Rəsisadə kimi rəhbərlərin əlində girincdir, heç nə dəyşməyəcək, yəni milli rüsvayçılıq davam edəcək.

Ramiz Mehdiyev isə, yəqin ki, həllə uzun illər millətin belindən düşməyəcək. Çünki Ramiz Mehdiyev komsomol südü əmib, komsomol çörəyi yeyib. Komsomolun canı isə, klassikin dediyi kimi…

17.04.17

Реклама

RAMİZ MEHDİYEVİN78-Cİ İLDÖNÜMÜNƏ HƏSR OLUNUR

Bu gün Ramiz Mehdiyevin 78 yaşı tamam olur. Ramiz Mehdiyevin kim olduğunu mən Azərbaycan xalqına Rusiyadan izah etməyə başlasam, bu, mənim tərəfimdən hörmətsizlik olar. Mən özüm bilmirəm ki, prezident administrasiyası nə olan şeydir və nə iş görür. Ancaq Azərbaycana yolum düşəndə orda-burda qara fəfləlik eləyən çox adamdan eşitmişəm ki, “Ramiz Mehdiyevin obyektlərində işləyirlər”.

Ramiz Mehdiyevin 78 yaşı var və yəqn ki, oğullu-uşaqlıdır, bəlkə də bir yerə yığsan, bir alay düzələr. Ancaq “prezident admistrasiyası” kimi müəmmalı, ancaq qorxulu səslənən bir yerə rəhbərlik edən insanın oğul-uşağı orduya gedib özünü güllə qabağına verməz, yəni böyüyü qoymaz getsin. Çünki Azərbauycanda kifayət qədər kasıb-kusub uşağı var və onlar həm Ramiz Mehdiyevin tikintiləriində tər tökürlər, həm də onun oğul-uşaqlarının yerinə canlarını verirlər.

“Danabaş kəndinin məktəbi”ndə Kərbalayı İmamqulu rus rəisinə deyir: “Ay nәçәrnik ağa, belә qurban olsun sәnә mәnim oğlum Zeynal. Mehriban padşahımızın yolunda oğlumu nәinki saldatlığa verәrәm, mәn onu qurban da kәsәrәm”.

Əlbəttə, Kərbalayı İmamqulu özünü bicliyə qoymuşdu, “nəçərniki”n başını tovlayırdı. İndi bizim kəndlərdəki arvadlar və kişilər uşaqlarını nəinki əsgərliyə verirlər, onlar əslində bu quzu uşaqları Ramiz Mehdiyev kimilərin yolunda qurban kəsirlər…

Cənab Mehdiyev, səni Allaha tapşırıram…

Mirzə Əlil

RAMİZ MEHDİYEVİN STRATEJİ YÜKSƏKLİKLƏRİ

Ramiz Mehdiyev deyib ki, “ordumuz vacib strateji yüksəklikləri nəzarət altına alıb” .

Aprelin 17-də Ramiz Mehdiyevin 78 yaşı tamam olacaq. Bu yaşda insanı babasil, adenoma, qəbizlik və bu cür başqa ciddi problemlər incidir. A kişi, sənin strateji yüksəkliklərlə nə işin var? Sənin yüksəkliyin alın təriylə qazandığın pullara tikdirdiyin binalardır. Sən onlara nəzarətdən danış. Yoxsa ki, nə bilim, ordu, strategiya… Bu gün bağırsağını boşalda bilmisənsə, bu sənin strategiyan, strateji qələbən…

Baxıram Ramiz Mehdiyevin bioqrafiyasına, görürəm ki, mən S.M. Kirov adına Qırmızı Əmək Bayrağı ordenli Azərbaycan Dövlət universitetində oxuyanda bu yoldaş orda elmi kommunizmdən dərs deyib. Əslində görüşə bilərmişik. Ancaq mənim müəllimim ayrı adam olub. Adı yadımda deyil. Onların hamısının adı batsın…

Mən diplom işimi Akademiyada işləyən bir makinaçıyaça çap etdirmişəm, əslində o qadın makinaçı deyildi, hansı institutdasa işləyirdi, makinaçılıqla əlavə pul qazanırdı – səhifəsi 1 manata. Diplom müdafiəsindən sonra isə elmi kommunuzmdən dövlət imtahanı olmalıydı. O makinaçı qız işimi çap edib mənə verəndə dedi: “Yazınızdan görürüəm ki, imtahanı özünüz verəcəksiniz. Yoldaşlarınıza deyin, kim qiymət almaq istəyirsə, mənimlə danəşsın”.

Söz verdim ki, deyərəm. Ancaq heç kimə demədim. Hamı adamını çoxdan tapmışdı. Deyirdilər ki, elmi kommunizmin qiyməti 400 manatdır…

İndi Ramiz Mehdiyev kimi belə elmi kommunizm müəllimləri ölkəni nəinki kommunizm kimi parlaq gələcəkdən, ümumiyyətlə hər cür gələcəkdən mərhum edirlər…

 

RAMİZ MEHDİYEV RUS OLACAQ…

Əbdürrəhim bəy Haqverdiyevim gözəl bir əhvalatı var.

 Bir kənddə rus böyüklərindən biri iki kəndlini atın quyruğuna bağladıb sürütdürür.  Sonra kənd camaatı eşidir ki, elə o hadisənin səhəri günü kəndin bəyi o rusla oturub yeyib-içib. Kəndlilər söz qoyurlar ki, bəyə bayquş elan eləsinlər, yəni boykot. Bəyə ot satmırlar, ət-yağ satmırlar… Bəy bir az ehtiyatından yeyir, deyir ki, tüpürürəm sizin bayquşunuza. Ehtiyat tükənəndə bəyin vəziyyəti ağırlaşır. Çıxır bir damın üstünə, camaatı çağırırı ki, bəs, sizə sözüm var. Camaat əvvəlcə qulaq asmaq istəmir, ağsaqqallar deyirlər ki, gəlin görək bu qurumsaq nə deyir. Bəy deyir ki, camaat, bu bayquşu mənim üstümdən götürün, götürməsəniz, gedib, urus olacam. Camaat deyinir ki, bəs cəhənnəmə ol, gora ol. Ağsaqqallar yenə qarışıb deyirlər ki, bayquşu götürsək yaxşıdır, çünki bu, müsəlman idi, başımıza oyun gətirirdi, görün urus olsa, bizə nə qan uddurar…

İndi də Ramiz Mehdiyev. Deyir ki, dönüb urus olacaq. O da, ondan yuxarıdakılar da, yanındakılar da. İndi görün bundan sonra bunlar camaata nə toy tutacaqlar…

ЛОШАДЬ

 

 

OBAMA RAMIZ MEHDIYEVIN QABAĞINA ÇIXARMAĞA ADAM TAPMAYIB

Prezident Əliyein sağ əli, Azərbaycan xalqının düşünən beyni akademik Ramiz Mehdiyev Amerika Birləşmiş Ştatlarının iç üzünü açan bir məqalə yazıb. Prezident Obama bütün Administrasiyasını yığıb ki, azərbaycanlı akademikə bir cavab hazırlasın. Ancaq əli boş yerə dəyib, çünki Obama administrasiyasında bir nəfər də akademik tapılmayıb…

RAMİZ MEHDİYEVLƏ DOST OLUN, XEYİR GÖRƏRSİZ!

Prezident administrasiyasının rəhbəri akademik Ramiz Mehdiyev Facebookda səhifə yaradıb. Səhifə yaranan kimi onu minlərlə insan bəyənib. Səhifənin böyük müalicə əhəmiyyəti var. Bu səhifə onu bəyənənləri çopurluqdan, gözüqıyıqlıqdan, babasildən, qarınağrısından, dazlaşmadan müalicə edir. Akademik Mehdiyevin səhifəsi kişilərin potensiyasını da birə beş artırır. Səhifəni bəyənən arvadların mollaya gedib sevgi duası yazdırmağa ehtiyacı yoxdur, çünki səhifə özü yolunu azmış ərləri dinə-imana gətirir.

Səhifəni üç dəfə bəyənənlərin maaşı artır, beş dəfə bəyənənlərin lotoreyası udur. Lerik rayonunun dağ kəndlərinin birinin sakini Ramiz Mehdiyevlə Facebookda dost olan kimi inəyi ekiz doğub.

RAMİZ MEHDİYEVİN M. RƏSULZADƏ HAQQINDA MƏQALƏSİ

Akademik Ramiz Mehdiyevin Məmmədəmin Rəsulzadəyə həsr olunmuş yeni məqaləsi Azərbaycan ictimaiyyətində böyük maraq doğurmuşdur. Məqalədə akademik Mehdiyev Məmmədəmin Rəsulzadənin əvvəllər məlum olmayan bir əsərini araşdırır. Əlyazma bu yaxınlarda London kitabxanasında tapılmışdır. Ömrünün sonlarında yazdığı bu əsərdə M. Rəsulzadə milli dövlət quruculuğu sahəsində buraxdığı ciddi səhvləri sadalayır və etiraf edir ki, onun intellektual potensialı və siyasi iradəsi tarixi vəzifənin öhdəsindən gəlmək üçün kifayət olmayıb. M. Rəsulzadə öz əsərinin böyük hissəsini gənc KQB zabiti Heydər Əliyevə həsr edib. M. Rəsulzadə yazır ki, onun bütün ümidi cənab Əliyevədir və şübhə etmir ki, bir vaxt onun öhdəsindən gələ bilmədiyi tarixi vəzifəni Heydər Əliyev yerinə yetirəcək və milli Azərbaycan dövlətini quracaq. M. Rəsulzadə yazır: “Azərbaycan xalqı bir vaxt bu dəyərli gənci layiqli olaraq “milli öndər adlandıracaq”.
Beləliklə, akademik Mehiyev sübut edir ki, ilk dəfə Heydər Əliyevi “milli öndər” adlandıran Məmmədəmin Rəsulzadə olub.

CAVANLIQ DƏRMANI

nar

Azərbaycan alimləri cavanlıq dərmanı kəşf ediblər. Bu dərman bu günə qədər İlhamə Quliyevaya, Flora Kərimovaya, Ramiz Mehdiyevə, Zeynəb Xanlarovaya, Arif Əlizadəyə, Arif Paşayevə verilib və müsbət nəticə alınıb. İlhamə Quliyeva hətta on səkkiz yaşlı bir oğlana nişanlanıb, bu-gün sabah Heydər Əliyev mərkəzində toyudur. Həkimlər hələlik cavanlıq dərmanını Artur Rəsizadəyə verməyi məsləhət görmürlər, çünki Artur müəllim neçə ildir ki, uşaqlığa qayıdıb və iş gününü oyuncaqlarla keçirir…