Əlahəzrət, sən Bakıda,
Döydürdün beş-altı rusu,

Milyon azərinin burda,
Əngələ düşüb yarısı.

 +

Əyilib gedirik yolu,

İtirmişik düz yerişi.

Şükr buna! – elə olur,
Yeridirlər qaz yerişi.

 +

Söyülən var, döyülən var,

Bakıya gəlirmi səsi?

Çoxdur deport olunanlar,

İçəridədir neçəsi.

 +

Əlahəzrət, tələs, lütfən,

O beş-altı rusu burax.

Özün görürsən axı sən,

Başımızda sınır çanaq.

 +

Bizə belə müdafiə,

Gərək deyil, açıq desəm.

Bizi çevirdin hədəfə,
Sənin girovunuq biz həm.

 +

Özümüz öz başımızı,
Girələrik, kənardan bax.

Yoxsa bizim hamımızı,
Mələdərlər bu gün-sabah.

 +

Burax tutulan rusları,

Qurtar bizi təhlükədən,

Burax jurnalist qızları –

Rəhmli ol öz ölkəndə!

Mİrzə TƏBİL

 17. 07. 2025, Samara