Архив тегов | Tural Sadıqlı

QURBAN MƏMMƏDLİ VƏ TURAL SADIQLI DEDİLƏR: «KUN!»

Сен5

KUN

Bilən bilir ki, bizim Allahımız üçün mümkün olmayan heç nə yoxdur, hər hansı bir şeyin olmağını istəyirsə, “kun” deməyi kifayətdir. Dünən Qurban Məmmədlinin verilişinə baxanda mənə elə gəldi ki, Tanrı öz səlahiyyətini iki saatlığa verib ona və Tural Sadıqlıya. Və Qurban Məmmədli ilə Tural ikisi bir ağızdan “kun!” deyərək elə efirdəcə “xalq parlamenti” yaratdılar, yaradan kimi də siyahı tutub üzvlər qəbul eləməyə başladılar. Qurban bəyə aramsız zənglər gəlir, hərə öz namizədini irəli sürürdü.

-Yaz, bir oğlum Xəlil, biri Cəlil, hər ikisi parlamentə layiqdir…

— Yaz oğlum Heydəri…

— Yox, Mir Bağır ağanı yazma… O çoxdan ölüb, durub vəkillik edə bilməz…

Pardon! Qarışdırdım. Bu siyahı “Ölülər”dəndir. Ancaq Qurban Məmmədlinin Tural Sadıqlı ilə parlament siyahısı tərtib etməyi “Ölülər”dəki qəbiristanlıq səhnəsini xatırladırdı. Yadınızdadırsa, Şeyx Nəsrullahla Şeyx Əhməd dirildəcəkləri ölülərin siyahısını tərtib edirdilər. (Nə eybəcər çıxdı: “tərtib edirdilər”…)

— Tural bəy, yaz Elvin İsayevi.

-Qurban bəy, bu hansı Elvindir? Bütün talış xalqının adından Donbas separatçılaırına yardım göndərən?

— Odur, Tural bəy. Yeri gəlmişkən, burdan bütün talış separatçılarını salamlayıram. Əlikramın da ruhuna bir salavat! Bir dəqiqə, zəng gəlir. Allo, efirdəsiniz.

-Əllo, Qurban bəy, o nə siyahıdır tutursunuz? Mən burda arvadla boğuşurdum, verilişin əvvəlini görmədim. Arvad üzümə qayıtmışdı, it qızı. Qurban bəy, yardım siyahısı tutursunuzsa, bizim ailəni də yazın…

— Oldu, yazarıq. Tural bəy, davam edək.

-Mirzəlini də yazaq. Deyən dilimizdir.

-Hökmən…Yazdm.

-Məhəmməd yavaş-yavaş fransızcanı öyrənir. Yaxşı söyüşlər bilir.

-Gözəl. Mirzəli bizim intellektual resursumuzdur. Yenə zəng gəlir. Allo, efirdəsiniz, danışın.

-Allo! Qurban bəy, sizin parlament yaratmaq qərarınız məni şoka salıb. Bu, tarixi qərardır. Siz tarixi adamsınız, Tural Sadıqlı tarixi adamdır. Bizim millət tarixi millətdir.

-Sizin namizədiniz varmı?

— Var. Mənim oğlumu yazın. Polisə işə qoymaq istəyirdim, pulum çatmadı. Qoy girsin sizin parlamentə. Siz nə qədər maaş verəcəksiniz?…

— Buzovnalı Cəfəri yaz…

-Maştağalı Qəfəri də yaz…

-Yaz Əvəzi.

-Yaz Məlahəti də. Anasını da yaz.

-Ərəstun Oruclunu yaz. Ərəstunu bəyi iki dəfə yaz. 

-Yazdım. Ərəstun iki mandat. Qurban bəy, bəlkə sizin arvadınızı da yazaq?

— Yox, bizim arvad pərdeyi-ismətdədir. Validə ananı yaz…

Seçkilər ərəfəsindəki iki həfdədən çox vaxt ərzində Qurban Məmmədli həqiqətən çox ciddi siyasi maarifçilik işi görmüşdü, seçkilərə həsr olunmuş verilişlərindən bundan sonra da seçki qanunvericiliyinin təbliği, öyrənilməsi və tətbiqi sahəsində yaxşı əyani vəsait kimi istifadə etmək olar. Çox təəssüf ki, Qurban Məmmədli həftələrlə gördüyü yaxşı işi bir saatın içində po… məzhəkəyə döndərdi.

Nə xalq parlamenti? Hanı xalq? Seçki ərəfəsində başlanan siyasi maarifçiliyi yorulmadan, lazım gələrsə, illərlə davam etdirmək əvəzinə, bu adamlar balaqan yaradıb özlərini təlxəyə çevirirlər. Studiyada oturub siyahı tutmaqla parlament yaranır? Tofiq Yaqublu parlament yarada bilsəydi, yaradardı, türmədə çürüməzdi. Xalq Azərbaycandadır və bu xalqın parlament tələbatı yoxdur. Parlament adıyla balaqan yox, illərlə işləyib xalqda bu tələbatı yaratmaq lazımdır, hərçənd bu işin uğurlu olacağına heç kim zəmanət verə bilməz. Ancaq “Ölülər”dəki qəbiristanlıq səhnəsini xatırladan siyahıtutma mərasimi gördüyünüz yaxşı işləri də bayağı komediyaya çevirdi…

 

Mirzə ƏLİL

05.09. 2024, Samara

ABİD QAFAROVA: İRAN FAHİŞƏLƏRİNİ SON DƏFƏ NƏ VAXT SAYMISAN?

Мар11

abid qafarovabid qafarov

Napoleona aid edilən buir ifadə var: “Hər hansı rusu qaşısan, altdan tatar çıxar”.

Azərbaycanda hər hansı şiə məzhəbli din xadimini, ruhanini “qaşısan”, Xomeyni aşiqi, molla dövləti tərəfdarı aşkara çıxar.

Cənab Abid Qafarov İranda fahişəliyi təsadüfən şah dövrü ilə bağlamadı, fahişəliyin ləğvini 1979-cu ildən götürməyi də təsadüfi deyil: 1979-cu ildə Xomeyni hakimiyyətə gəldi. Az keçməmiş bütün demokratlara, liberallara divan tutulmağa başladı. Qaça bilənlər canlarını qurtardılar, qaça bilməyənlər dar ağaclarından asıldılar ya türmələrdə çürüdülər.

Fahişəlik ləğv olundumu?

İki sitat. Rus dilindədir, tərcüməsini də verirəm.

«В 2002 года иранская газета Entekhab подсчитала, что только в Teгеране находится 85,000 проституток».

(https://ru.wikisexguide.com/wiki/%D0%98%D1%80%D0%B0%D0%BD)

Entehab qəzetinin hesablamasına görə, 2002-ci ildə Tehranda 85 000 fahişə olub.

“Точное количество проституток, работающих в Иране, приблизительно на 2017 год в Иране было 228,7 тысяч проституток[103].

(https://ru.wikipedia.org/wiki/%D0%96%D0%B5%D0%BD%D1%89%D0%B8%D0%BD%D1%8B_%D0%B2_%D0%98%D1%80%D0%B0%D0%BD%D0%B5)

Vikipediyaya inansaq, 2027-ci ildə İranda 228, 7 min fahişə olub.

İrana gedib-gələnlər, əgər obyektiv və gözüaçıq insanlardırsa, bunu təsdiq edərlər.

Siğəni  də fahişəlik saysaq, fahişələrin sayı milyonu keçər…

Mənim baxdığım mənbələrdə Azərbaycandan (bizim Azərbaycandan) müxtəlif yollarla aparılan qızlar və qadınlar da İranda fahişəliklə məşğul olurlar.

Mən Abid Qafarovun “Tərtər işindəki” fəaliyyətini qiymətləndirirəm, ancaq onu təhlükəli insan sayıram. Müstəbid rejimə müqavimət zəruridir. Ancaq bu cür cinayətləri açmaq üçün islamçıların fitvasına uymamalıyıq. Abidlər hakimiyyət başına gəlsələr, əlbəttə, beş-on adamı məsuliyyətə cəlb edib cəzalandırarlar. Sonra nə olar? Sonra Xomeyni İranda nə etmişdisə, o olar. Dar ağacları, zindanlar, qonşu ölkələrdə terrorçuluq işləri, sanksiyalar, şəxsi azadlıqların boğulması, sayı milyonlar olan milli azlıqların hüquqsuzluğu və s. Tərtər cinayətinin üstü Xomeyni aşiqlərinin yardımı və iştirakı olmadan da açılmalıdır, cəmiyyətdə belə potensial var. Bir vaxt İran demokratları, liberalları Xomeyni aşiqi olub onu hakimiyyətə gətirdilər. Xomeyni ilk növbədə elə o adamlara divan tutdu.

Xomeyni zəngin, ecazkar İran musiqisini, İran ədəbiyyatını, kinosunu məhv etdi. Qüdrətli tarixi olan, özəl sivilizasiya yaratmış xalq əbalıların, çalmalıların girovu və qurbanıdır.

Abid Qafarovdan elə tünd Xomeyi qoxusu gəlir ki, hətta televiziya ekranından da adamı vurur. İslam fəallarının demokratiya qurmaq iddiası Əzrailin uşaq paylaması haqqında lətifəni xatırladır…

Bunəqədi polisini, Nərimanov məhkəməsini, Kürdəxanı türməsini müsəlman İranın dar ağaclarına dəyişmək arzusu nə dərəcədə rasionaldır?

Abid Qafarovun arzuladığı «əxlaqi dövlət» yaransa, dar ağacları hökmən olacaq. Necə ki, İranda, Əfqanıstanda, Pakistanda var. Rafiq Tağını şiə qoçular bıçaqlayıb öldürəndə Hacı Tale Bağırzadə məsciddə sevinclə elan edirdi ki, «Rafiq Tağı cəhənnəmə vasil oldu». Məscid əhli «ləbbeyk» deyirdi. (https://xeyrulla.com/2016/05/06/haci-tale-bagirzad%C9%99-c%C9%99h%C9%99nn%C9%99m%C9%99-vasil-olmus-rafiq-tagi/
Abiq Qafarovu Tale Bağırzadəni qınamışdı?

Demokratiya və İslam bir araya sığan şeylər deyil. Demokratiya – prosedurdur. İslam isə heç bir prosedur tanımır. İslamın Konstitusiyası Qurandır. Quran həm Konstitusiyadır, həm cinayət məcəlləsidir, həm mülki məcəllə. Demokratiya seçmək və seçilə bilməkdir, bütün insanlar bərabərdir, hər kəsin bir səsi var. Quranla tanış olanlar bilirlər ki, İslam qadını kişiyə bərabər saymır, hətta vərəsəlikdə də qadın kişi ilə bərabər deyil. Dörd arvad ala bilən kişi qadınla bərabərdirmi?  Quranın cinayət məcəlləsi olan hissəsi qisas buyurur, oğurluq edənin əlini kəsməyi buyurur. Quran buyurur ki, ər vaxtaşırı arvadı kötəkləsin. Avropa demokratiyasının mərkəzlərindən biri, anqlo-sakson hüquq sisteminin beşiyi olan ölkədə oturan Qurban Məmmədli nə istədiyini özü bilirmi? Və ya özü çoxdan dolaşıb, ona etibar edənləri də dolaşdırır?

İslam yarandığı gündən dini təlim olmaqla bərabər dövlət ideologiyası olub. Quranıdakı bir sözü belə dəyişməyi mümkün saymayan insan ancaq müsəlman dövləti arzulaya bilər. İslam dövlətinin nə və necə olduğunu isə İranda, Əfqanıstanda görürük. Dini dövlət isə — fəlakətdir, insana doğuluşdan məxsus azadlıqdan mərhum olması deməkdsir. Abid Qafarov da, Qurban Məmmədli də bunu görürlər. Ancaq sadəlövh insanların beynində və qəlbində xaos yaratmaqda davam edirlər.

Geydiyi virtual moizəçi əbasında Qurban Məmmədli elə havalanır ki, çatda onun fikrinə ürkək şəkildə də olsa etiraz edənləri aqressiv formada təhqir edir, onları «rejimin nökəri» adlandırır. Belə bir adam yüksək vəzifə başında özünü necə aparar? Ağanəzərəm, Ağanəzər…

Qurban Məmmədli başa düşmür ki, müsəlman əbası geyməklə, dini ritorikanı silaha çevirməklə on minlərlə, bəlkə yüz minlərlə potensial həmfikrini özündən narazı və hətta qaçaq salır. Qurban Məmmədli müasir Azərbaycan cəmiyyətini yaxşı tanıyırmı? Gənclərin, gəncliyin dinlə münasibəti barədə sosial tədqiqatlara əsaslanan təsəvvürü varmı? Mənə elə gəlir ki, yoxdur. Qurban Məmmədlinin auditoriyasının əsas hissəsi azsavadlı insanlardır, bunu yazılan şərhlərdən görmək olar. Bu, faktdır və Qurban Məmmədlinin öz abunəçiləri barədə bol tərifləri onu inkar edə bilməz. O ki qaldı xaricdəki, əsasən Rusiyadakı azərbaycanlılara, onların (yaşlılarının) arasında müasir təhsilli, demokratik baxışlı insanlar tapmaq çətindir. Gənclərin əksəriyyəti isə ya tamam, ya qismən ruslaşıb, Azərbaycan siyasəti ilə maraqlananlar yox kimidir, onlar üçün Azərbaycan müasir kefxanaları, geniş çeşidli əyləncələri olan Bakıdır…

Gördüyü işi son vaxtlar izləyib tənqidi, hərdən isə çox tənqidi yanaşdığım Tural Sadıqlının izləyicilərinin sayı Q. Məmmədlinin abunəçilərinin sayından 5 (beş!) dəfə çoxdur. Sabah Tural da mollalığa başlasa, izləyicilərinin yarısı qaçmazmı?

Abid Qafarov hardadır? İranda? Əfqanıstanda? Səudiyyə Ərəbistanında?

Təsadüfən, lövbərini Avropada atmayıb ki?

X.X.

11. 03. 2024, Samara

P.S. Abid Qafarovun Qafqaz müzəlmanları idarəsinin korrupsioner və lotu rəhbərliyinə qarşı haçansa çıxış etdiyini bilən varmı?

X.X.

P,S,S. Maraqlananlar üçün Tale Bağırzadınin dedikləri:

“And olsun Allaha, İmam-Zaman gəlsə, Bu gün Yəmən hazırdır ağanı qəbul eləməyə!”

“Bu gün İran İslam Respublikası Başda Rəhbərimiz ayatulla Xamanei olmaqla hazırdır ağanı qəbul eləməyə!”

“Bu gün Azərbaycanda o şəraiti yaratmışıq  ki, İmam-zaman təşrif gətirsin bura?”

“O şərait yaranmalıdır Azərbaycanda. O ruhiyyə yaranmalıdır ki, imam zaman təşrif gətirsin bura!”

“Şükür olsun ki, bu ruhiyyə bu kənddə var”.

“Bu ruhiyyə bu kəndlə məhdudlaşmamalıdır”

“2002-ci il deyil ki Nardaranda təkbaşına mübarizə aparsın”.

“Kəndlərimizdə çoxlu Hüseyn təfəkkürlü gənclərimiz var!”

“Ağanın gəlişinə hazırlaşmağın çoxdan vaxtıdır!”

«CƏBHƏ»ÇİLƏR DƏ AZƏRBAYCANI «İMAM-ZAMAN»IN GƏLİŞİNƏ HAZIRLAYIRLAR?

BİZİM DEKAMERON: KAŞ BÜTÜN OLİQARXLAR MƏŞUQƏLƏRİNİ ƏRƏ VERƏLƏR…

Мар1

samir Orucov aidə mustafayeva

Mənə Azərbaycandan bir dostum zəng edib deyir ki, Cavid Qurbanov məşuqəsi Aidə Mustafayevanı Ağstafanın icra başçısı Samir Oruucova ərə verib, Mirzə, sən buna necə baxırsan. Dedim ki, çox yaxşı baxıram. Bu, Azərbaycan üçün ilk könüllü istefa kimi bir şeydir, yəni  Cavid Qurbanov, türkün məsəli, presedent yaradır. Bəlkə gələcəkdə məmurlar vəzifələrindən də istefa verəcəklər. Dostum dedi ki, Mirzə, Cavid Qurbanov tam istefa vermir, bir növ Samir Orucovla şərikli müəssisə yaradır. Dedim onda qoy fikirləşim, buna necə baxdığımı sonra deyərəm…

Xeyli fikirləşəndən sonra Covanni Bokkaçonun Dekameron əsrərindən bir əhvalat ydıma düşdü. 6-cı günün 7-ci novellasındakı bu əhvalat Prato adlanan şəhərdə baş verir. Oranın qanununa görə ərinin zinakarlıqda, yəni oynaşının ağuşunda  tutduğu qadın diri-diri yandırılırmış. Günlərin bir günü gözəl qadın madam Filipppanı əri Rinaldo gənc oynaşı Ladzarrino ilə bir yataqda tutur. Əvvəl istəyir ki, arvadı özü öldürsün. Sonra fikriləşir ki, bu işi qanunla görmək lazımdır. Və arvadı çəkir məhkəməyə. Podesta, yəni eyni zamanda məhkəməyə başçılıq edən şəhər icrasının rəhbəri, arvadın gözəlliyini görəndə ona dil atır ki, zinakarlığını boynuna almasın. Gözəl olduğu qədər cəsur olan arvad isə heç nəyi danmır, bütün məhkəmədəkilərin qabağında deyir ki, bəli, mən oynaşımla sevişirəm. Üzünü tutur podestaya, deyir ki, soruşun mənim ərimdən, haçan mən onun istədiyini yerinə yetirməmişəm. Əri təsdiq edir ki, doğrudan da elədir, haçan istəyibsə, arvad yerinə yetrib. Madam çıxışına davam edib deyir ki, ərinin istədiyini verəndən sonra  onun artığı qalır. İndi bu artığı o neyləsin? İtlərə atsın? Saxlayıb xarab eləsin? Ya nəcib bir gəncə versin?

Podesta və bütün məhkəmə bu qərara gəlirlər ki, arvad tamamilə haqlıdır və onu cəzadan azad edirlər.

O gündən  Prato şəhərində zinakarlığa görə qadınlara cəza ləğv olunur. Cəza yalnız özünü pulla satanlara verilir…

İndi qayıdaq Samir Orucovun toyuna. Burda məsələ bir az mürəkkəbdir. Əgər Cavid Qurbanov görübsə ki, cavan məşuqəsinin çox artığı qalır və onu şərəfli bir Əliyev kadrı ilə bölüşdürmək qərarına gəlibsə, hər şey əladır. Ümumiyyətlə, burda hər şey əladır. İndi o aparıcıya çəkilən xərcləri Cavid Qurbanovla Samir Orucov bölüşəcəklər. Fərqi görürsünüz? Hərəsi bir məşuqə saxlasa, ikiqat xərcdir. İkisi birini saxlayanda xərc yarıbayarı azalır. Bəlkə nəticədə Cavid Qurbanov nazirlikdə, Samir Orucov Ağstafada az oğurlayarlar…Belə getsə, Azərbaycanda korrupsiya azalıb gedər…

Dostuma zəng edib dedim ki, bu işə yaxşı baxıram. Əvəz Zeynallı demişkən, kötü deyil, iyidir…01.03. 2024, Samara

Mirzə ƏLİL

 01. 03. 2024 Samara

 

AXTARSAN, TURAL SADIQLI OSTAP BENDERLƏ QOHUM ÇIXAR…

Фев8

tural sadıqlı ostap bender

İlf və Petrovun “12 stul” romanını oxuyanlar və ya Qaydayın filminə baxanlar yəqin ki, Ostap Benderin araba atının altına düşdüyünü xatırlayırlar. “Stanok” adlı qəzetdə bu barədə yazı da dərc olunmudu.

“Dünən Sverdlov meydanında vətəndaş O. Bender 8974 nömrəli aravanın atının altına düşmüşdür”.

Tural Sadıqlı sevinclə xəbər verir ki, seçkilərdə hansı idiotsa onun adını seçki bülleteninə yazıb. Bu münasibətlə Tural Sadıqlı xalqını və millətini təbrik etdi.

İndi fikirləşirəm: o bülletenin nömrəsi 8974 deyilmiş ki?

Xatırladıram ki, Ostap Bender bizə yad adam deyil. Axı o, «Türkiyə təbəəsi»  və İbrahimoviç idi. Yaxşı axtarsan, Tural onunla qohum çıxar…

Mirzə Əlil

08.02. 2024, Samara

ZİYAFƏT ABBASOVA HAQQINDA «AZAD SÖZ» KANALINA YAZDIĞIM VƏ DƏRHAL SİLİNMİŞ ŞƏRH

Фев7

ziyafət abbasova

Hörmətli soydaşlar! Çox istərdim ki, mənim şərhimi səbrlə oxuyasınız.

Mən Ziyafət Abbasovanı müxtəlif kanallarda bir neçə dəfə görmüşəm. Onun iki əsa s tələbi var 1. O da İlham Əliyevin arvadı və qızları kimi yaşamaq istəyir. İlham Əliievin ailəsinin dəbdədəli həyatına etiraza mən də qoşuluram. Ancaq siz istərdinizmi ki, Ziyafət də o cür dəbdəbə ilə yaşasın? Kimin hesabına? Sizin hesabınıza, elə deyilmi?

2. Deyir ki, ona iş vermirlər. Deyək ki, siz şirkət rəhbərisiniz, biznesiniz var, müəssisələriniz var. Ziyafətə hansı işi verərdiniz? Bu qadının təhsili, peşəsi varmı? Doğrudan da işləmək istəyirmi?O deyir ki, Qubad İbadoğunun partiyasının üzvüdür. Əgər bir işə yarayırdısa, niyə cənab İbadoğlu ona bir iş vermirdi? Axı 5 mindən çox üzvü olan (yəqin ki, şişirtmədir) partiyada maaşlı iş olmalıdır. Belə çıxmırmı ki, ona guya havadar olanlar da onu iş qabiliyyətli saymırlar. Tural Sadıqlının özü. Axı o da Bakıda pullu iş gördürür. Niyə Ziyafəti cəlb eləmir? Xəstə adamı polis qabağına göndərməyə nə var ki.

Daha sonra. Ziyafətin özünün dediyinə görə, dönə-dönə xəstəxanalarda müalicə alıb. Razılaşın ki, spesifik xəstələyin müalicəsi ucuz başa gəlmir. O, xəstəxanalarda qeydiyyatdadır və havayı dərmanlar da alır.  Yəni ayda ona xeyli dövlət pulu xərclənir. Yenə sizin hesabınıza. Bütün mitinqləri gəzən adam bir işin qulpundan yapışa bilməzmi?

Hörmətli soydaşlar! Ən demokratik rejimlərdə də işləmək lazımdır. Mənim yaxın qohumlarımın hamısı Azərbaycandadır. Hamısı işləyir. Maaşın azlığı ayrı, acından ölmək ayrı. Xalq acından ölmək həddinə gələndə Turalsız, Qurbansız qalxıb hakimiyyəti devirər.

Azərbyacanda problem çörək deyil. YouTube Azərbaycanda fasiləsiz keçirilən toyların translyasiyası ilə doludur. Sizin hər birinizin an azı bir smartfonu var, İnternetə pul ödəyirsiniz. Bu, acından ölməkdir?

Azərbaycanın problemi siyasi azadlıqların olmamağıdır. Azərbaycanlıların siyasi azadlıq tələbatı varmı? Neçə faizininn? Sizdə tələbat qaynar nöqtədə olsaydı, teklefonda oturmazdınız, küçəyə çıxardınız.

Tural Sadıqlı bilikli, bacarıqlı adamdır. Təəssüf ki, indi o, peşəkar avantüristə və fırıldaqçıya çevrilib və Ostap Benderin oyununu oynayır. Ay inqilab eləyirik, “заграница нам поможет» və s. Oturub Almaniyada, deyir gedin girin dəyənəyin altına. Heç kim də, təbii ki, getmir. Çünki hamı Ziyafət kimi dəli…  pardon, xəstə deyil…

07. 02. 2024, Samara

RUSİYADA 4 MİLYON AZƏRBAYCANLINI QURBAN MƏMMƏDLİ ARVADIYLA DOĞUB-TÖRƏDİB?

Фев5

Qurban Məmmədli abır-həyasını tamam itirib, utanıb-qızarmadan yalan, dezinformasiya yayır. Deyir ki, Rusiyada 4 milyon azərbaycanlı yaşayır. Bu rəqəmi o, hardan görtürüb? Heç yerdə bu rəqəm yoxdur. Başqa rəqəmlər var. 2021-ci ilin siyahıyaalınmasına görə Rusiyada 474 min azərbaycanlı var. Bunlar yəqin ki, vətəndaşlığı olanlardır. Bu qədər də (əslində az olar, köçüb gedənlər də çoxdur) mövsümi yaşayanları nəzərə alsaq, olar 800-900 min. Bu dörd milyonu Qurban Məmmədli niyə uydurur? Ona görə ki, bu qədər adamın səs verə bilmədiyunə görə İlham Əliyevi ittiham eləsin. Rusiyada 40 ildən çox yaşayan bir adam kimi deməliyəm ki, əgər Rusiyada doğudan da 4 milyon adam yaşasaydı, onların 3 milyon 999 mini Əliyevə səs verərdi. Çünki Rusiyada yaşayan azərbaycanlılar ya apolitikdir ya da Əliyev tərəfdarıdır. Qurban yaşda ya ondan bir az cavan olan kişilər bura !-ci Qarabağ  müharibəsindən qaçıb gəliblər. Yəni fərari olublar. Bunlardan nə hünər gözləyəsən? Onların uşaqları isə ya ruslaşıblar ya da ataları kimi əliyev tərəfdarıdırlar. Qurban Məmmədli manipulyalarla sadəlövh adamların başını bişirir, bunu da əsasən ianə yığmaq, özünün Londondakı xeyirlilikdən çox ziyanlı olan fəaliyyətinə haqq qazandırmaq xatirinə edir. Elə bir əxlaq norması, etik qadağa yoxdur ki, bu adam tapdalaya bilməsin. Yalanı danışır və qızarmır. Bu adama cadugər, falçı, manipulyator demək olar, ancaq siyasətçi yox. Çox təəssüf ki, Azərbaycan vətəndaşlarının xeyli hissəsini belə lotular əsl siyasi maarifçilikdən, siyasi-ictimai təşkilatlanma işindən kənar salırlar.  Adamlar bunun hoqqalarına baxıb gözləyirlər ki, ağızlarına alma düşəcək… Təsəlliverici budur ki, bu lotuya  cəmi 2ç-dörd min adam baxır…

Qurban Məmmədli mübarizəsinin əsas səbəblərindən biri kimi xalqının aldadılmağının qabağını almağı göstərir. Çox gözəl, sən istəmrirsən sənin xalqını aldadalar? Mən də istəmirəm ki, sən də mənim xalqımı aldadasan. Yalanla uzağa gedə bilməzsən, ancaq beş-on mini adamı azdırsa, çaşqın sala bilərsən. «Azərbaycan xalqı acından ölür!» — deməklə heç əlli adamı küçəyə çıxara bilməzsən. Çünki Azərbaycan xalqı acından ölmür. Sənin qohum-əqrəban ölmür ki? Başqaları da səninkilərdən aciz deyillər. İşləyənin çörəyi var. Pensiyaçı qardaşın Sərdar Cəlaloğlu acından ölür? Pensiyaçı vecsiz övladları üçün kredit götürməyibsə, dolanar. Azərbaycanda siyasi etirazı demokratiya tələbi yarada bilər. Azərbaycanlılarda isə bu tələb yoxdur. O cümlədən ona görə ki, demokratiyanı Qurban Məmmədli ya Toğrul Sadıqlı kimi ostapbenderlər təmsil edirlər…

 

Mİrzə Əli

05.02. 2024, Samara

TURAL SADIQLI HƏR NÜMAYİŞÇİ QADINA ŞƏHİD STAUSU VERƏCƏK

Фев3

tural sadıqlı nümayiş

«Azad söz» kanalı. Tural Sadıqlı kamera və mikrofon qarşısında

Əziz həmvətənlər! Fevralın yeddisinə lap az qaldı. Arxayınam ki, milyonlarla qadın 7 fevralda nümayişə çıxıb Əliyevin yox, mənim prezident seçilməyimi tələb edəcək. Əziz qadınlar! Mən prezident olan kimi hamınızın maaşını artırıb Amerikadakı kimi edəcəyəm, özü də qadınların maaşı kişilərin maaşından çox olacaq. Əziz qadınlar, burda Əliyev trolları yazırlar ki, qadınları belə sevirsənsə, niyə yeganə dostun itdir. İstəkli xanımlar, mən o trollara cavab verirəm: mənim itim də qadındır. Mənə o iti erkək kimi satmışdılar, sonra dişi çıxdı. Mən qətiyyən təəssüflənmədim. Çünki dişilik mənim nəzərimdə kişilikdən də üstündür.

Əziz qadınlar! Hamınızdan üzr istəyirəm. Mənə ABŞ-dan mənim müşavirim Beydulla Manafov zəng edir.

Beydulla Manafov (telefonla) Cənab həqiqi prezident! Biz burda Sevinc Osmanqızı ilə məsləhətləşdik, bu fikrə gəldik ki, qadınlar nümayışə çoxlu qazan, tava, məcməyi, teşt götürsünlər və perezident aparatının qabağında bir-birinə vursunlar ki, İlham Əliyev xalqın ac olduğunu görsün.

Tural Sadıqlı: Gözəl fikirdir, Beydulla bəy.

Beydulla Manafov: O nümayişdə yəqin çoxlu qoca da iştirak edəcək. Hamısı protez dişini çıxarıb iplə assın boynundan. Qoy bütün dünya görsün ki, Azərbaycan qocalarına diş lazım deyil, çünki yeməyə bir şey yoxdur.

Tural Sadıqlı: Bu lap gözəl fikirdir. Atama da deyərəm, proteziini asar boynundan. 

Əziz qadınlar! Sizi fevraın 7-də nümayişə çıxamağa çağırıram. Hər biriniz selfi çəkib mənə göndərin. Preziudent olan kimi hər bir nümayiş iştirakçısı olan qadına 130 min manat pul və şəhidlik statusu verəcəm…

 

Mirzə ƏLİL

03. 02. 2024, Samara

 

QURBAN MƏMMƏDLİ: MÜBARİZƏ YOXSA HÖRÜMÇƏK TORUNDAKI MİLÇƏKLƏRİN SAVAŞI?

Фев2

qurban_məmmədli məhkəmə

Qoqol bir vaxtlar zəngin mülkədar, evi həmişə qonaq-qaralı olmuş Plyuşkinin paraloji xəsisə çevrildiyini təsvir edərkən yazır:

“Нынешний же пламенный юноша отскочил бы с ужасом, если бы показали ему его же портрет в старости. Забирайте же с собою в путь, выходя из мягких юношеских лет в суровое ожесточающее мужество, забирайте с собою все человеческие движения, не оставляйте их на дороге, не подымете потом”.

“Əgər indiki gəncə onun özünün qocalıq portretini göstərsəydilər, dəhşət içində geriyə sıçrardı. Yumşaq gənclik illərindən çıxıb sərt, amansızlaşan kişiliyə doğru gedəndə özünüzlə yola götürün, özünüzlə bütün insani hərəkətləri götürün, onları yolda qoymayın, sonra qaldıra bilməzsiniz”. (sətri tərcümə mənimdir –X. X.)

Keçən əsrin 90-cı illərində Bakınn “ədalət” məhkəməsindəki qəfəsdə qartala bənzəyən Qurban Məmmədliyə saatlarla Londonda kamera qarşısında oturub çənə döyən, yalandan, böhtandan çəkinməyən, çoxdan peşəkar manipulyatora çevrilmiş indiki Qurbanı göstərsəydilər, dəhşətə gələrdimi?

Qurban Məmmədli öz abunəçilərini “ailə” adlandırır və, əlbəttə, özünü ailə başçısı kimi görür. Ancaq belə ailə başçıları evə gələn kimi saatlarla deyinir, yaxını, uzağı söyüb yamanlayır, könhə inciklikləri eşir, hamını müqəssir, özünü təmiz çıxarır və ailə üzvlərinin yediyini-içdiyini zəhrmatra çevirirlər.

Qurban Məmmədlinin “opponentləri” ilə fasiləsiz qovğası mübarizə zərurətindən doğmur. Qeybət, manipulyasiyalar, hamını özünə borclu sayıb hesab tələb eləmək onun azarıdır. Və gündən günə bu azar şiddətlənir. Neçə ildir, məsələn, Əli Əliyevdən yapışıb əl çəkmir. Bu müddətdə Əli Əliyev həbs olunub, yatıb, çıxıb, bütün ictimai fəaliyyətini dayanırıb. Əli Əiyev ölsə və ailəsi ölüm kağızınının notariusla təsdiq edilmiş surətini Qurban Məmmədliyə göndərsə də, Qurban Məmmədli düşməninin ölüsündən əl çəkməyəcək.

Dördüncü dəfə həbsdə olan, dönə-dönə işgəncələrə məruz qalmış, alçaldılmış Tofiq Yaqublu ilə davası Qurban Məmmədlinin maniakal dərəcədə kinli və qərəzli olduğunu göstərir. Xatırlatmağa dəyər ki, qardaşının və qardaşı oğlunun Qarabağ müharibələrində iştirakı və şəhidliyi ilə öyünən, ancaq cəbhədən yayınan  Qurban Məmmədlidən fərqli olaraq Tofiq Yaqublu müjaribədə şəxsən iştirak etmişdir. 

Qurban Məmmədli niyə belədir və başqa cür deyil? Yəqin ki, səbəb çoxdur. Məsələ burasındadır ki, burda onun naxçıvanlılığını nəzərə almaq lazımdır. Naxçıvan eksklavdlr. Azərbaycanın əsas ərazisindən təcrid olunmağı bir yana, Naxçıvanın özündə, Qurban Məmmədlinin uşaqlıq və ilk gənclik illərində azərbaycanlılar qədər ermənilər olub, bu da Naxçıvan azərbaycanlılarında yerliçiliyi, tayfaçılığı pataloji dərəcəyə qədər inkişaf etditrib, həm də başqalarına yad, düşmən kimi baxmaq vərdişi yaradıb. Qurban Məmmədli fasiləsiz ifşa edir. Tənqid yox, məhz ifşa. Məsələn, siyasətçi kimi müsavatçların ya cəbhəçilərin səhvlərini təhlil eləmir, bunun əvəzinə rəhbərləri ifşa edir – Əli Kərimlinin əli hökumətin cibindədir, İsa Qəmbər KQB agentidir v s. Tayfaçılığı, yerliçiliyi guya qınasa da, bütün vücuduyla tayfaçı, yerliçi və qohumbazdır. Dolaşıqlıqda cəbhəçilərdən, müsavatçılardan geri qalmayan, cilddən-cildə girən  qardaşı Sərdar Cəlaloğlunu  vaxtaşırı böyük alim, quru kimi təqim edən o deyilmi?

Onu da demək lazımdır ki, azərbaycanlıların qalan hissəsisində qismən zəifləyən yerliçiliyin yerini sektantlıq tutub. Bu, təkcə dini sektantlıq deyil hə hətta az dərəcədə dini sektantlıqdır. Sektalar daha çox ümumi mənafelər, ümumi maddi, siyasi maraqlar əsasında yaranır. 

Qurban Məmmədlinin ən böyük bəlalarından biri savadsızlığıdır. Bu adam hüquq fakültəsini qurtarıb, yəni ali humanitar təhsil alıb, ancaq nə tarixi, fəlsəfəni bilir, bədii  zövqü isə mağara adamının  səiyyəsindədir. Hüquqi bilikləri yarımçıq, sistemsizdir, çünki təhsil illərində “fəalliyyət göstərib”, kərpizc qalınlığında hüquq dərsliklərini oxumağa vaxtı və həvəsi olmayıb.

Və hüquqdan danışan kimi özünün kəmsavadlığını büruzə verir. Dünən iddia elədi ki, “ictimai münasibətləri qanun yaratmır”, “ictima imünasibətlər əsasında qanun yaranır”.

Bunu deyən adamın savadı barəsində nə nəticəyə gəlmək olar?

Yeni Türkiuyəni Atatürkün əzmi ilə qəbul edilmiş qanunlar yaradıb. Fransanı Napoleon dövründə yaradıımış qanunlar məcəlləsi dəyişib.

Rus dilində “законотворец» sözü var, yəni qanunyaradan (ingiliscə “legislator).

Yeddi yunan müdrikindən biri Solondur ki, tarixə yeni qanunlar yaradan kimi daxil olub.

Dinin dövlətdən ayrılması necə baş verir? Qurbanın dediyini qəbul etsək, din könüllü dövlətdən ayrılır, sonra qanun qəbul edilir. Gülməli deyilmi? Könüllü din ayrılar?

Rusiyada təhkimçilik hüququndan mülkədarlar könüllü imtina etməyivlər. Bu, 2-ci Aleksandrın manifesti nəticəsində baş verib. Eləcə də Amerikada quldarlığın ləğvi…

Bu dialektikanı qəzəlxan Əliağa Vahid gözəl başa düşüb və yazıb:

Yaşasın qırmızı bayraqlı sovet qanunumuz,
Açdı hər yerdə bizə musiqi məktəblərini…

Yəni əvvvəl qanun, sonra məktəblər. Allah da öz-özünə ləğv olunmamışdı, onu bolşeviklərin qanunu ləğv eləmişdi…

Qurtban Məmmədlinin hüquqşünaslığının üstündən xətt çəkək. O özünü siyasətçi də adlandırır. Ancaq ciddi siyasətçi saatlarla, aylar ərzində öz abunəçilərindən başqa heç kimin tanımadığı blogerlərlə müharibə apararmı? Məsələn, Navalnı. Navalnı haçan blogerlərlə vuruşub?

Bu adam söyüşçü blogerləri qınayır. Ancaq məmurların arvadlarının alt palratlarından danışan, onları ucdantutma fahişə adlandıran Qurban Məmmədli özü deyilmi?

Təəssüf ki, Qurban Məmmədlinin bəlası təkcə naxçınanlılıq və kəmsavadlılıq deyil. Şəxsi intriqabazlığı, intiqamçılığı da bir yana. Bu fəsad, bu bəla bütün azərbaycançılığa xasdır. Biz, niyə etiraf etməyək, primitiv tayfaylq, təsadüfən millət, Avropa ölkəsi statusu almışıq. Bizim içimizdən uzağı Qurban Məmmədli, Ərəstun Oruclu kimi dil pəhləvanı olan dolaşıq siyasətçilər, Sevinc Osmanqızı kimi videobloqunu ayaqda saxlamaq üçün yüz ilin kommunist funksioneri Beydulla Manafovla, psixi sağlamlığı şübhə doğuran məhəmmədmirzəlilərlə, ya da Bəxtiyar Vahabzadənin debil oğlu ilə aylarla mırt vuran  Sevinc Osmanqızı kimi jurnalistlər çıxırlar...(bu deyilənlər ilk növbədə yaşlı nəslə və Azərbaycandan kənarda yaşayan azərbaycanlılara aiddir. Azərbaycaın özündə məğrur, döyülsələr də, sarsıdıla bilməmiş gənclər yetişməkdədir).

 

  1. 02. 2024, Samara

QURBAN MƏMMƏDLİ: «MƏN FİTİMİ TANIYIRAM…»

Фев1

tural sadıqlı azad söz

Mən uşaq olanda kənddə o vaxt artıq ölüb getmiş bir arvaddan çox danışıb gülərdilər. Qəribəlikləri olan bu arvada naqqal kənd cavanları fürsət olan kimi sataşırlarmış. Yanlarından keçəndə, məsələn, astadan fit çalırlarmış. Arvad qayıdıb bunları allı-yaşıllı söyürmüş. Cavanlar da deyirlərmiş ki, ay arvad, yolunla get, biz fiti sənə çalmırıq, elə-belə kefimizdən çalırıq. Arvad da deyirmiş, yox, vələdəzzzinalar, fit mənim fitim idi, mən fitimi tanıyıram…

İndi kim hardan nədən danışırsa, Qurban Məmmədli deyir ondan danışırlar, onun əleyhinə kampaniya aparırlar. Məsələn, Tural Sadıqlı Almaniyada deyəndə ki, “inqilabçı xalqıma qurban olum, iki həftəyə Əliyevi devirəcək”, — Qurban Məmmədli Londonda dik atılır və alman kanslerinə şikayət ərizəsi yazır.

Sevinc Osmanqızı Beydulla Manafova “sənə qurban olum, ay Beydulla dayı”  deyəndə demokrat cildinə girmiş keçmiş komunist funksioneri o qədər sevinir ki, “mən də sənə qurban olum” demək istəyəndə çənəsinin protezi ağzından düşür yerə… Qurban Məmmədli isə Londonda özünü yırtır. “Osmanın qızı “qurbanolumu” mənim acığma deyir!… Məni özünə rəqib görür, məndən qabaq prezident olmaq istəyir. Ay oldun ha…”

Tural Sadıqlı isə Qurban Məmmədliyə məhəl qoymayıb fitini çalmaqda davam edir. Sağında Məhəmməd Mirzəli, solunda Zəki Səlimi. Guya İsveçrədə yaşayan bu Zəki kimdirsə, patentli dəlidir. İndi Tural Sadıqlı başına kifayət qədər psixopat yığıb və indi palatası özəl klinika statusu ala bilər…

Yəqin Məhəmməd Mirzəli efirə çıxanda Avropanın bütün psixoloqları, psixiatrları, psixoanalitikləri işlərini ataraq ekran qarşısına yığılıb onu izləyirlər. Məhəmməd Mirzəli vaxtaşırı beş dəqiqə ərzində tükü də tərpənmədən tamaşaçıya baxır. Sonra “filankəs gözüylə görəndir” deyib başını salır aşağı, başlayır diqqətlə qıçlarıın arasına baxmağa. Balabançalanlar beləcə kiçik çamadanlarına baxar və sonra balabanın ya zurnanın uzununu ya qısasını seçirdilər. Məhəmməd Mirzəli də öz təsərrüfatını öyrənə-öyrənə elə bil ki, söyüş repertuarını həm məşq edir, həm də təzələyir…

Bu arada Zəki Səlimi deyir ki, Azərbaycandan üç milyard dollar gedib, Makron, Sunaq, Bayden öz aralarında bölüşüblər…

Tural Sadıqlı əlini Zəkinin dizinə vurur: “Bəs mən nə deyirdim, ay sənə qurban olum!”

Londonda Qurban Məmmədli dəli dərdinə düşür və başlayır həm Almaniya, həm İsveçrə konfederasiyasının rəhbərliyinə şikayət ərizəsi yazmağa…

Mİrzə ƏLİL

01. 02. 2024, Samara

«QURBAN-ŞOU»: FRAQMENTLƏR. ŞEKSPİR YA ŞEYX PİR?

Янв30

qurban məmmədli azerfreedom

«Mənə deyirlər ki, sən başqa müxalifətçilərlə birləş. Birləşərəm, ancaq bir şərtlə: məni təhqir etmiş, mənə şər atmış, əleyhimə böhtan kampaniyası aparmış adamlar gərək əvvəl məndən üzr istəyələr, özü də efirdə. Mən indiyəcən heç kimə şər atmamışam, heç kimin haqqında təhqirli ifadələr işlətməmişəm. Mən bir dəfə də deməmişəm ki, Cəmil Həsənlinin qızı əxlaqsızdır. Əxlaqsız olmağına əxlaqsızdır, yüz əlli faiz, ancaq  mən bunu  indiyəcən dilimə gətirməmişəm, gətirmərəm də. Mən heç vaxt deməmişəm ki, İsa Qəmbər də, atası da KQB agenti olublar. Deməmişəm, demərəm. Mən deməmişəm ki, Əli Kərimlinin, İsa Qəmbərin əli hökumətin cibindədir. Bunu yaxşı bilirəm, sübutum da var, ancaq açıqlamıram, saxlamışam içimdə, heç oğlum Qoşqara da demirəm. Qardaşım Sərdara da demirəm, ona görə məndən küsüb. Mən deməmişəm və demərəm ki, Sevinc Osmanqızının atası heydərizmə xidmət edib. Ancaq Osmanqızı mənim 54 min abunəçisi olan kanalımı bağlatdırıb. Bunu da heç yerdə demirəm. Mən deməmişəm ki, o Gülyanaqdrır, Gülbalaqdır,  Gültəkindir nədir, tribunalrdan İlham Əliyevin şəninə təriflər deyib. Cəhənnəmə deyib, gora deyib. Mə onun adını dilimə gətirsəm, onun sviyyəsinə enmiş olaram.. Əziz həmvətənlər, icazənizlə mən bir haşiyə çıxım bə beş-on dəqiqə ədəbiyyata hsr edək. Mən ədəbiyyatın ölüsüyəm.

                   ŞEKSPİR YOX, ŞEYX PİR

Mərhum Xəlil Rza həmişə deyərdi ki, Şekspir bizim soydaşımızdır, azəri türküdür, inanmağım gəlmirdi. Xəlil Rza deyirdi ki, Şekspirin əsl adı Pirəli imiş. Çox savadlı olduğuna görə xalq ona Şeyx Pir deyirmiş. Mən londona gələndən sonra arxivlərdə sənədlərlə tanış olub öyrəndim ki, doğrudan da Şekspir bizim soydaşımızdır. Vətəndə Tubu adlı bir qıza aşiq olub, atası verməyib, ona görə tərk-vətən olub gəlib İngiltərəyə. Burda onun adını yerli mirzələr Şeyx Pir yox, Şekspir yazıblar.

Şeyx Pir ömrü boyu subay qalıb, çox ingilis gözəlləri onun dərdindən ölsələr də, Tubunu unuda bilməyib. Hətta şeir də yazıb: Tubu or not Tubu. Yəni Tubudan başqa arvad mənə lazım deyil…

Londonu Hitler tutanda Şeyx Pirin sorağını eşidib, gətirdib yanına. Əmr edib ki, şair “Hayl Hitler” desin və onun şəninə şeir yazsın. Şekspir, yəni Şeyx Pir boyun qoymayıb. Hitler onu öz tapançası ilə güləlləyib…

Üzr istəyirəm, deyəsən Ərəstun Oruclu efirimizə qoşulmaq istəyir. Buyurun Ərəstun bəy.

Ərəstun Oruclu: Qurban bəy, verilişinizə müdaxilə etdiyimə görə sizdən və izləyicilərinizdən dönə-dönə üzr istəyirəm. Şeyx Pir haqqında söhbətinzi eşidib özümü saxlaya bilmədim, ağladım. Mən də Şeyx Pir haqqında ilk dəfə Xəlil Rzadan eşitmişəm. Şairin dediyinə görə, Tubu da ərə getməyib, Şeyx Pir tərk-vətən olandan sonra özünü Salyan körpüsündən Kürə atıb… Şeyx Pirin “Hamlet” əsərində çayda boğulan Ofeliya əslində Tubudur…

30. 01. 2024, Samara