O gün Lənkərana baxa bilmədim…

İsa İsmayılzadə

O gün Lənkərana baxa bilmədin –

Yollar yumurlanıb yumağa döndü, —

Kələfin ucuna çıxa bilmədin.

Təpələr zəhmli yumruğa döndü,

Sən bu əjdahanı yıxa bilmədin, —

O gün Lənkərana baxa bilmədin.

 

Poqonlar düzülüb yol qırağına,

Polispapaqlıdır dağların başı.

Yol bir ilan kimi qıvrılıb qalıb,

Canından bezəndir adlayıb aşa,

Gedə dayanmadan, qorxu bilmədən,

O gün Lənkərana baxa bilmədin.

 

İrəli — qadağa, geri – qadağa,

Əli silahlılar düşüb dalınca.

Əl içi boydadlır ölkə torpağı,

Bu başdan o başa çatmır əl ancaq.

Zaman dumanlanıb, kəsib qabağı,

Nə insan görünür, nə od, nə  ocaq —

Dumandan, çiskindən çıxa bilmədin,

O gün Lənkərana baxa bilmədin.

06.02. 2013-02-06  Samara