Tanrı vergisiylə doğulan insan,

Özün məhv elədin sən bu neməti.
Yaxşı vaxtın olub, ad çıxarmısan,
Vaxt gedib – adının hanı qiyməti?…

 +

Dünən yazdığını unutdun bu gün,
Elə sağlığında dağıldı irsin.
Gedir oğlun, qızın yazında ömrün,

Öldü Çingisin də — sonun, varisin…

 +

Vaxtı, vədəsi var ölümün məgər?

Ölüm çağrılmayan qonaq deyil ki.

Payızda da gələr, yazda da gələr,

Girər hər qapıdan öz evi kimi…

 +

Öldüyün az qala yarım əsrdir,

Çadırın qurulu qalıb elə bil.

Gedir övladların, nəvən də gedir,

Bu nəsil qırğını tükənən deyil…

 +

İlahi vergiyə vermədin dəyər,
Gəlmədi dilinə adı Tanrının.

Bəlkə ORDA rəhm diləsən əgər,

Eşidər O, Sabir Arbatanlını…

 04.10. 2023, Samara