Naməlum bir beynəlxalq təşkilat İlham Əliyevi ilin prezidenti seçib. Azərbaycan xalqı isə İlham Əliyevi əsrin prezidenti seçməyə hazırlaşır.
Архивы
AZƏRBAYCANDA ORUCLUQ
İyul ayının 10-dan orucluq başlanır. Hər ehtimala qarşı Azıərbaycan prezidenti, nazirlər, yüksək rütbəli yapçı məmurlar orucu iyulun 8-dən tutublar. Onlar ağ sap qara sapdan ayırd edilə bilməyənəcən xalq malını yeməyəcəklər.
ƏSRİN GÖRÜŞÜ: SALYAN-AĞSTAFA
İlham Əliyev Ağstafada olanda Zəlimxan kənd məktəbinin direktoru Qalib Cəfərov analoqu olmayan elə yaltaqlıq göstərib ki, analoqu olmayan Salyan yaltaqlığı ikinci yerə düşüb. İndi yalqatlıq üzrə respublika çempionu adı uğrunda Ağstafa yaltağı Qalib Cəgərovla Salyan yaltağı Yavər Cəbrayılov arasında fərdi görüş olacaq. Görüş Bəhrəmov adına stadionda prezidentin iştirakı ilə keçiriləcək. Qalib Cəfərovun Yavər Cəbrayılovdan mühüm üstünlüyü var: direktor olduğu məktəbdə o, yüzlərlə yaltaq yetişdirib.
BƏLKƏ SƏVİYYƏNİ AŞAĞILAYAQ?
İlham Əliyev deyib ki, Azərbaycanda tikilən xəstəxanalar çox yüksək səviyyədədir. Bu, doğrudan da belədir. Xəsətəxanaların səviyyəsi elə yüksəkdir ki, xəstələr bu xəstəxanalara girməyə utanırlar, çünki xəstələrimiz özü hələ yüksək səviyyədə deyillər, onlar xəstəxanalarımıza layiq deyillər, ona gözrə də İrana gedib özlərinə bab, aşağı səviyyəli xəstəxanalarda müəalicə olunurlar.
RÜSTƏM. mənzum dram
İlham: Rüstəm, prezidentin hüzurundsan!
Gərək baş əyəsən, boyun burasan!
Rüstəm: Neçə ay dolaşdım mən Avropada,
Daha dəbdə deyil baş əymək orda!
İlham: Çox da tərifləmə sən Avropanı,
Yaxşı tanıyıram özüm oranı!
Çox keflər çəkmişəım hər şəhərində,
Mənə baş əyiblər hesab verəndə.
Rüstəm: Ofisiant deyil, sənətkaram mən!
İlham: Ha-ha! Muğamatçı? Meyxana deyən?
Rüstəm: Həm də namizədəm müxalifətdən!
İlham: Yox, sən namizıdsən narkomanlara,
Antimillilərə, xuliqanlara!
Rüstəm: Milləti dünyaya tanıtmışam mən!
İlham: Öndərin adıyla tanınıb vətən!
Nökərlərə əmr edir ki, Rüstəmin qolundan tutub çıxarsınlar. Birdən qapı dalında hay-küy qalxır. Ramiz Mehdiyev başılovlu girir içəri.
Ramiz: Özünü namizəd verdi Mehriban!
İlham: Bizim eşqimizi məhv etdi zaman! (özündən gedib yıxılır)
PƏRDƏ
ŞÜKR ELƏYƏK, ÖLKƏMİZ AZƏRİBAYCAN İMİŞ
SABİRƏ NƏZİRƏ
Eyvana çıxmış idim, bur də nə gördüm haman,
Antimilli qüvvələr bir də beş-on narkoman
Ölkədə sabitliyi pozmağa atmaqda can.
Zəng elədim Ramilə: “Yığ polisi durmadan!”
Gəldi polis, bunlara tutdu elə bir divan,
Kəllələri çatladı, fışqıraraq axdı qan,
Qəlbimə dolmuş fərəh, fəxr edirəm, Mehriban,
Sən demə hər bir polis bir yekə pəlvan imiş,
Şükr eləyək ölkəmiz Azəribaycan imiş!
VAHİDLƏR VƏ NAMİZƏDLƏR ÖLKƏSİ
Azərbaycan xalqında müxalifətin vahid namizədinə sevgi o qədər böyükdür ki, indi ölkədə doğulan oğlan uşaqlarının əksəriyyətinə “Vahid”, qız uşaqlarına isə “Namizəd” adı qoyurlar. “İlham” və “Mehriban” adlarını indi tək-tük yapçılar qoyurlar.
YERİ, YERİ, BİZ DƏ GƏLƏK DALINCA…
Sosial sorğulara görə, Azərbaycan xalqı demokratik qüvvələrin vahid namizədi Rüstəm İbrahimbəyova səs verməyə hazırdır. Sorğu göstərir ki, xalq R. İbrahimbəyovun Avrodan Azərbaycana qayıtmasını istəmir, əksinə, xalq özü Avropaya, R. İbrahimbəyovun yanına getmək istəyir.
ƏRƏSTUN. MƏNZUM DRAM
Azərbaycanda prezident seçkilərinə həsr iolunur
Azərbaycan prezidentinin kabineti. Prezident və daxili işlər naziri.
Əliyev: Ölkədən nə xəbər, Ramil müəllim?
Usubov: Xəbər var, deməyə gəlməyir dilim.
Əliyev: De gəlsin, ölkənin rəhbəriyəm mən,
Məlumatlı olam gərək hər işdən…
Usubov: Ölkədə vəziyyət qarışdı bütün,
Özünü namizəd verdi Ərəstun!
Əliyev: Ərəstun…Ərəstun….kimdi bu oğlan?
Antimilli qüvvə ya bir narkoman?
Bəlkə başı xarab, dəlidi bəlkə?
Cəmiyyətə xəta, xalqa təhlükə!
Usubov: Gedib anketinə baxaram indi!
Əliyev: Anketlə cinayət açmaq çətindi!
Gedin ciblərini yaxşı axtarın,
Sonra şalvarını çıxarıb baxın.
Usubov: Şəxsən axtararam mən altın, üstün,
Tanınar tezliklə xalqa Ərəstun!
BİZİM DƏ YERİMİZƏ…
Misirdə nümayişçilər prezident Mursinin istefasını tələb edirlər….
…Bir kənddə iki tənbəl varmış. Şah tənbəli. Günlərin bir günü ağsaqqallar deyirlər ki, gəlin görək bunların hansı tənbəllikdə üstündür. Salırlar bunları bir dama, qıraqdan odlayırlar. Od yavaş-yavaş dama girəndə tənbəlin bir qışqırır: “Yandım!” O biri tənbəl pıçıldayır: “Mənim də yerimə qışqır!”
Deyilənlərə görə, Azərbaycan müxalifətçilıəri misirlilərdən xahiş ediblər ki, onların da yerinə “İstefa!” qışqırsınlar…
xeyrulla xayal 