Архивы

ZƏFƏRƏNDUM

Июл26

Vodevil. Unudulmaz Nəsibə Zeynalova və Bəşir Səfəroğlunun səsləriylə)

Mehriban xanım: Ay kişi, bu nə həngamədur, bu nə vurhavurdur. Deyirlər zəfərəndum keçirirsən. Zəfərəndum nə olan şeydir? Birdən təzə arvad alarsan ha! Bağışla, zarafat elədim.

İlham bəy: Arvad, atan akademik, bacın akademik, özün deputat, ancaq savadsız-savadsız danışırsan. Zəfərəndum yox, referendum! Prezidentliyimin vaxtını uzadıram!

Mehriban xanım: Kişi, yəni rus demişkən bezrazmer eləyirsəsən?

İlham bəy: Yox, hələlik yeddi ilə qaldırıram

Mehriban xanım: Yaxşı eləyirsən kişi, bizim üzümüz-gözümüz öyrəşib bu saraylara, başqa yerdə darıxarıq… Kişi bir söz soruşum. Putinin sroku neçə ildir?

İlham bəy: Arvad, öz dilimizdə de. Srok yox, müddət. Putundə altı ildir.

Mehriban xanım: Kişi, bəs indi deyirəm birdən Putin inciyər. Deyər ki, Əlyof mənim qabağıma srok çıxardır. Bağışla, çaşdım. Müddət.

İlham bəy: İncisin də. Gözüm aydın.

Mehriban xanım: Elə demə, Putin sənə böyük qardaş kimidir.

İlham bəy: Arvad, mənim qardaşım-zadım yoxdur. Bunu qulaqlarında sırğa elə. Mənə qardaş lazım olsaydı, atam təşkil elərdi.

Mehriban xanım: Kişi, arvadlar danışanda eşitmişəm, deyirdilər guya İngiltərədə də bu yaxınlarda belə bir zəfərəndum olub. Çaşdım… referendum. Orda da srok artırırdılar? Bağışla, yenə rusca dedim, dilimizə qurban olum, dilim dilimizə yatmır.

İlham bəy: Yox, İngiltərədəki ayrı məsələydi. Orda prezident yoxdur. Orda ömürlük kraliça var.

Mehriban xanım: Kraliça? Kişi, bu elə mənə yaraşan işdir. Deyirəm nə yaxşı olardı, məni qoyardın kraliça, özün dincələrdin, gedərdin dənizin qırağına, tay-tuşlarınla domino oynardın…

İlham bəy: Arvad!

Mehriban xanım: Kişi, çaşdım. Təpiyini döymə, udar vurar səni… Zarafat elədim, ürəyinə salma… Kişi, birdən bu xalq zəfərəndumda… referendumda sənin dediyinə boyun qoymadı?

İlham bəy: Necə beyun qoymadı, arvad? Sən nə artıq-əskik danışırsan? Boyun qoymasa, heç bilirsən mən bu xalqa neylərəm?

Mehriban xanım: Neylərsən?

İlham bəy: Necə neylərəm? Salaram dəyənəyin altına, əzib yumşaldaram… zad kimi…şey kimi… Zəfəran ləçəyi kimi!

Mehriban xanım: ( qəhqəhə çəkib gülür) : A kişi, yenə mən deyənə gəldin. Bu oldu əsil zəfərəndum!

26.07. 2016

Samara

ERMƏNİLƏR MEYDANLARDA

Июл26

 

площадь фонтанов

26.07.16.  Samara, Fəvvvarələr meydanı

Bura Samaranın mərkəzi meydanlarından biridir. Futbol üzrə dünya çempionatı ilə əlaqədar olaraq yenidən qurulur. İşi görənlər, şəhərin bütün başqa yerlərində olduğu kimi, ermənilərdir.

Jurnalist adını qanunsuz-əsassız daşıyan Azərbaycan təbliğatçıları, Eynulla Fətullayev başda olmaqla (qalanları, türkün sözü, onun dalındadır) milləti gecə-gündüz inandırmağa çalışırlar ki, ermənilər bu gün-sabah tarix səhnəsindən çıxacaqlar, sürətlə aşılanırlar, Ermənistandan qaçırlar başqa ölkələrə, əsgərləri də Azərbaycn ordusuna könüllü əsir düşürlər.

Ancaq nədənsə dağılan, çürüyən Ermənistan Ağdamdadır, Zəngilandadır, Kəlbəcərdədir, Azərbaycan Qümridə deyil…

Ermənilərin Samaranın küçə və meydanlarında gördükəri işə baxmaq kifayətdir ki, bu millətin yüksək mütəşəkkiliyi, zirəkliyi, iş keyfiyyəti və məhsuldarlığı sənə übut ola. Bu meydandan yüz metr aralı azərbaycanı arvadlar meyvə-tərəvəz satırlar. Kişilər səhər malı gətirir, alverə arvadlar qalırlar. Yaxında ictimai tualet yoxdur, indi özünüz fikirləşin… Arvadlar tərəzi dalında on- on iki saat dayanırlar… Kişilər bu vaxt hardasa nərd atırlar ya da ayrı vacib işlər görürlər…

Əlbəttə, azərbaycanlıların da tikib-quranları var. Ancaq ermənilərlə müqayisədə biz qorxulu dərəcədə geriyik.

Cəlil Məmmədquluzədə həmişə deyirdi ki, ermənilərə baxın, öz geriliyinizi görün, qabağa gedin. Çünki o, erməniləri əvvəlcə Naxçıvanda, sonra Tiflisdə görmüşdü. İki millətin məişəti arasında böyük fərqi görəndə ürəyi yanmışdı. İndi Cəlil Məmmədquluzadə kimi adamların yerini adlarını utanmaz-utanmaz jurnalist qoymuş şərəfsizlər və rəzillər tutublar. Onlar xalqın hesabına maaş alırlar, xalqın hesabına onlara ev tikirlər, onlar da xalqın başını yalanla tovlayırlar ki, guya erməni əsgərləri dəstəylə bizim orduya könüllü əsir düşürlər…

Yalansa, sizin lap… A qurumsaq uşaqları, elədirsə, bzim sütül əsgərlərimizi onlarla, yüzlərlə kim öldürür?

Yalan ayaq tutar, yeriməz. Bunu atalar deyiblər. Yaxşı, müdrik, qeyrətli atalar. Eynulla Fətullayev kimi cüvəllağılar yox. Düşmənə ylan-palanla qalib gəlmək olmaz. Düşmənin qabağında durmaq üçün gərək düşmən qədər və bəlkə daha artıq gücün ola. Bizim gücümüz olsaydı, ermənilər Ağdam məscidini ayaqyolu eləməzdilər – yəni bu, aydın deyil?

Tezliklə bu meydanı ermənilər qurub düzəldəcəklər. İş qurtaran kimi, bizim yekəpər soydaşımız meydanın tinində dükan qoyacaq. Qış girənəcən meyvə satacaq, qış girən kimi isə yolka gətirib tökəcək… Yanındakı köməkçisinə ya arvadına da deyəcək ki, bax, bu meydanı erməni oğraşlar düzəldiblər…

 

26.07.2016

Samara

AY PROFESSOR, OTUR YERİNDƏ…

Июл24

Əlbəttə, indi Tale Bağırzadə ağır vəziyətdədir, yəni dustaqdır və onun vəziyyətin daha da ağırlaşdırılan hər hansı hərəkətdən çəkinmək yaxşı olardı. Ancaq mən media adamı deyiləm, yazdıqlarım da beş-altı adam arasıında yayılır, ona görə də fikimi açıq deyə bilərəm.

Mənə elə gəlir ki, kütlə, kütlə şüuru ilə manipulyasiyaları məharətlə bacaran Tale Bağırzadə özünü, əlbəttə, millət liderləri sayan adamları da oynatmağı bacarır. Rafiq Tağı bıçaqlanıb öldürüləndə Nardaranda sevinclə camaata “Rafiq Tağı cəhənnmə vasil oldu”, — elan edən dinçinin demokratiyaya, demokratik ruhlu, demokratik düşüncənli insanlara rəğbətinə kim inanar? İndi Tale Bağırzadə iddia edir ki, guya istintaq orqanları ona vəhşicəsinə işgəncə verib ondan Cəmil Həsənli, Əli Kərimli əleyhinə ifadə tələb edirlərmiş. Mən, əlbəttə, vəhşicəsinə işgəncəyə tamamilə inanıram. Ancaq Cəmil Həsənli ya Əli Kərimli məsələsinə inanmıram. Cəmil Həsənlinin rejimə nə ziyanı? Eləcə də Əli Kərimlinin – pasportunu alıblar, oturub evində, Feysbukda yazır-pozur, ondan rejimə heç bir təhlükə yoxdur. Mən Salyan az-çox tnıyıram və buna görə deyə bilərəm ki, o boyda yerdə bəlkə heç əlli nəfər Əli Kərimlinin kim olduğunu bilmir. Ancaq Tale Bağırzadənin öz oyunu var – özünü demokratların işiyə bağlamaqla, o, beynəlxalq təşkilarlatların siyahısna düşməyə, onların müdafisinə nail olmağa alışır – çox sinik, soyuqqqanlı, haqqhesablı bir hərəkət xətti. Cəmil Həsənlinin isə bu cür tora düşməsi, vurnuxması, özünü gülünc eləməsi isə təəssüf doğurür. Adam demək istəyir ki, ay professor, otur yerində…

Ancaq professor söz eşidən deyil. Özü də mənim kimi nüfuzsuz adamdan…

VƏLİYEVANIN GƏRƏK ƏLİYEV KİMİ ƏRİ OLA!

Июл22

Əli Həsənovun arvadı Sona Vəliyeva Azərbaycanın ən yaxşı publisisti elan olunub. İndi baxıb görürsən ki, belə dahi arvada Əli Həsənov heç layiq deyil. Vəliyeva kimi arvadı gərək Əliyev kimi əri ola!

CƏBRAYIL GETMƏLİYDİ, NECƏ Kİ, GETDİ DƏ…

Июл22

CƏBRAYIL.jpg
Bu şəkildə kostyumdakı Quliyev Mahmud Nayfalı oğludur. 15 il 3 ay Cəbrayıl rayonunun başçısı olub. Asan iş deyi, ay camaat, olmayan rayonun başçısı işləmək. Baxın bu kişinin başına, başının tükü elə-belə tökülməyib!
Sovet vaxtı xalq təsərrüfatı institutunun, yəni rüşvətiyləməşhur olan «narxoz»un məzunu olan Mahmud Quliyev Cəbrayılda keyfiyyət müfəttişi olub! Özünüz təsəvvür edin: Cəbrayıl rayonu və onun keyfiyyət müfəttişi! Sonra Cəbrayılın statistika idarəsinin rəisi olub.
İndi özünüz deyin: Cəbrayıl işğal olunmaya bilərdimi? Yox, Cəbratıl işğal olunmalıydı, çünki o vaxtlar Azərbaycanda statiistika yox idi, Heydər Əliyev neçə deyirdisə, o qədər olmalıydı – pambıq da, tütün də, barama da, taxıl da. Yeni belə idarəçilik, belə kütləvi yalan bizim axırımız çıxmalıydı, necə ki, çıxdı…
Bu adam Cəbrayılı verib ermənilərə, sonar da 15 il üç ay onun icrasına başçılıq edib. Rayon ermənilərdə, başçısı bizdən. Bilmirəm, bu işə ermənilərin icazəsi olub ya yox. Ancaq ordenini Azərbaycan prezidenti verib…
İndi bu kişinin yanında oturana baxın. Siz onun qoluna baxın, qolundakı meşə kimi qalın tükə tamaşa edin!
Bu kişi Vüqar Əsgərovdur. Sən demə Elmlər Akademiyasında Xatirə kitabı hazırlayan idarə var, bu kişi də onun rəhbəridir…
Yox, siz onun qoluna baxın. Mən indiyəcən belə qol görməmişdim…
Bu Vüqar Əsgərov guya həmin bu qoluyla ermənilərlə vuruşub. Elə vuruşa-vuruşa Moskvada bir ali məktəbi əla qiymətlərlə bitirib!
Əgər bu Vüqar Əsgərov rus dilində o məktəbin adını düz yaza bilsə, mən elə oturduğum yerdə daşa dönüm…
Nə başınızı ağrıdım, Cəbrayıl getməliydi, necə ki, getdi də. İndi Salyanın, Lerikin, Beyləqanın 18-19 yaşında uşaqları nahaq bu Cəbrayıldan ötrü ölürlər. Lap elə bil ki, almışıq Cəbrayılı? Yenə verəcəyik belə “keyfiyyət müfəttişlərinin” əlinə…
Oturun yerinizdə… Uşaqlara yazığınız gəlsin…
Mirzə ƏLİL

22.07. 2016
Anapa-Cemete

BİZİM İNDİKİ “BƏY”LƏRƏ BƏYLİK NİYƏ VƏ HAÇANDAN VERİLİB?

Июл22

Mənə hərdən uzaqdan-uzağa “bəy” deyirlər, hər dəfə də elə bilirəm məni söyürlər, az qalıram qayıdıb deyəm ki, bəy sən özünsən, qırışmal…
Məni bilirəm ki, indi Azərbaycandakı bəylərin hamısı əldəqayırmadır, onları necə qayırırlar, deyə bilmərəm. Mənə bir bəyin tarixi məlumdur: Xudayar bəyin. Bu tarix “Danabaş kınidinin əhvalatları”ndadır.
“Әvvәl, yәni iki il bundan әqdәm, Xudayar bәy qlava yanında çavuş idi. İş elә gәtirdi ki, qlava Xudayar bәyin anasını siğә elәdi.
Aşkardı ki, qlava öz sәmtini qoyub, özgәni katdalıqda saxlamayaсaq. Bir hәftәnin içindә katdanı qısnıyıb, qulluqdan kәnar elәdi. Bir
neçә vaxt kәnd qaldı katdasız. Xülaseyi-kәlam, сamaat bir vaxt gözünü açdı gördü ki, Xudayar bәy katdadı ki, katdadı.
Xudayar bәy katda olan kimi lap dәyişildi. Әvvәl başladı libasından. Paltarını tәzәlәyib vә әlinә bir zoğal ağaсı alıb, xәbәr verdi ki,
onun adı Xudayar deyil, Xudayar bәydi. Kimin ixtiyarı var idi soruşsun haradan ona bәylik yetişib?! Amma xalq bilirdi ki, bәylik ona
oradan yetişib ki, qlava anasını siğә edib. İyirmi-otuz adamı Xudayar katda dama qatıb mәhz o sәbәbә ki, sәhvәn ona deyiblәr
Xudayar katda, demәyiblәr Xudayar bәy”.
Yəni bir az da sadə dillə desək, qlava Xudayarın anasını zad eləyəndən sonra Xudayara bəylik gəlmişdi. Əslində Xudayar özü bu nəticəyə gəlmişdi ki, madam qlava mənim anamı zad eləyib, mənə bəylik düşür…
İndi mən bilmək istərdim: bir-birinə ağız dolusu “bəy” deyən azərbaycanlılar niyə və haçan bu nəticəyə gəliblər ki, onlara bəylik düşür?
Mirzə Əlil

22.07. 2016
Anapa-Cemete

MİLLƏT QALIB BAŞINI SOXMAĞA QOLTUQ AXTARAN GƏDƏ-GÜDƏNİN ƏLİNDƏ…

Июл22
«Hadisə» əvəzinə «olay» yazanları adam istəyir söyüb-biabır eləsin: qurumsaq, sənin dədən-baban «olay» demişdi? Əgər «hadisə» sözü dilimizə yaraşmırsa, «kitab» sözünü» də əvəz edin, » dəftər» sözünü də əvəz edin…Bu lakey təbiətli insanlar qoltuq axtarırlar ki, başlarını soxsunlar — fərqi yoxdur, dünən rus qoltuğu, bu gün türk qoltuğu…

“QAFQAZ” ALTIMDADIR…

Июл20

Konstitusiya dəyişiklikləri, “Qafqaz” universitetinin bağlanması ölkədə çoxdan gedən deqradasiyanı tamamlayır, ölkənin xüsusən gənc vətəndaşlarını gələcəyə hər cür ümiddən mərhum edir. Bundan sonra vətəndaşların bütün zəhmət və səyləri fərdi səadətə və ölkənin mənafeyinə yox, Ailənin maraqlarına xidmət edəcək. Gənclərin əlindən “Qafqaz”ın alınması rəmzi hadisədir, əslində bu hərəkət ölkənin vətəndaşlardan alınmasını əyaniləşdirən sübut və faktlardan biridir.Mənə elə gəlir ki, Azərbaycan üçün heç bir ümid qalmadı. Ermənilər üçün ümid var, Ermənistan etnik və konfessionl cəhətdən monolitdir və heç bir çaxnaşma bu ölkənin əsaslarını sarsıda bilməz. Azərbaycanda isə üz vermiş fəlakətlə hər hansı fəal mübarizə ölkənin dağılması ilə nəticələnəcək.
Çox təəssüf…
20.07.2016
Anapa — Cemete

qafqaz 2

«OLMAZ-OLMAZ», «OLMAZ-OLMAZ» DEYİRDİM…

Июл12

YEVLAX

Bu şəklə İnternetdə rast gəldim. Siz bu insanın duruşuna baxın! Şəkilçəkəndə sənətkarlığa baxın — Rafael-zad işi deyil!

«İkiqat» portretdəki  Yevlaxın başçısı Ələkbər Səlimovdur.

Mənə maraqlı gələn şəkildən də çox şəklə aid yazı oldu. Baxın:

Mənsub olduğu partiya — Yeni Azərbaycan.

Dini — İslam.

Mən elə bilirdim belə şey olmaz. Olurmuş…

 

 

«CƏBHƏ»ÇİLƏR DƏ AZƏRBAYCANI «İMAM-ZAMAN»IN GƏLİŞİNƏ HAZIRLAYIRLAR?

Июн30

Tale Bağırzadəni norveçlilərin “vicdan məhbusları” siyahısına dürtməklə Azərbaycan “demokratları” özlərini olub-qalanın hörmətdən və etibardan saldılar. İndi sağlam fikirli və əsil demokrat ruhlu və düşüncəli  insanlar, əlbəttə, belə “demokratlara” yaxın getməz, ancaq AXCP adından çıxış edən və islam faşizmiylə həmrəy olan məsuliyyətsiz şəxslər ümumilikdə demokratik hərəkata böyük ziyan vururlar. Və təəssüf ki, Tale Bağırzadənin öndə olan dəstəkçiləri və pərəstişkarları Qərb ölkəərində sığınacaq tapıb qərb benefitləti, qrantları ilə dolananlardır.

Hacı Bağırzadənin Azərbaycan üçün hansı gələcək arzuladığını və Nardanranda qərargah qurub fəal şəkildə hazırladığı gələcək barədə təsəvvür yaratmaq üçün onun çıxışlarından birinə baxmaq kifayətdir. Bir neçı sitat:

 

“And olsun Allaha, İmam-Zaman gəlsə, Bu gün Yəmən hazırdır ağanı qəbul eləməyə!”

“Bu gün İran İslam Respublikası Başda Rəhbərimiz ayatulla Xamanei olmaqla hazırdır ağanı qəbul eləməyə!”

“Bu gün Azərbaycanda o şəraiti yaratmışıq  ki, İmam-zaman təşrif gətirsin bura?”

“O şərait yaranmalıdır Azərbaycanda. O ruhiyyə yaranmalıdır ki, imam zaman təşrif gətirsin bura!”

“Şükür olsun ki, bu ruhiyyə bu kənddə var”.

“Bu ruhiyyə bu kəndlə məhdudlaşmamalıdır”

“2002-ci il deyil ki Nardaranda təkbaşına mübarizə aparsın”.

“Kəndlərimizdə çoxlu Hüseyn təfəkkürlü gənclərimiz var!”

“Ağanın gəlişinə hazırlaşmağın çoxdan vaxtıdır!”