Nevermore

Xatirə, məndən axı nə istəyirsən? Keçdi
Yay, odur, qaratoyuq tutqun göylə əlləşir.

Və tuşlanır yeknəsəq şüaları günəşin,
Küləkdən guruldayan saralmış meşələrə.

İkimizdik, gedirdik, xəyala qapılaraq,
Küləkdən saçımız tək fikrimiz də dağınıq.

Soruşdu həyəcanla mənə birdən baxaraq:

“Yadındamı ömründə ən yaxşı, bəxtəvər çağ?”
Səsi xoş, cingiltili, mələksayağı ahəng,

Susuram, ehtiyatla yalnız gülümsəyərək.

Həqiranə öpürəm ancaq ağ əllərini.

Ah, ilk yaz çiçəkləri, nə xoş qoxuludular!

Şəsi zümzümə kimi həm incəydi, həm şirin,

İlk dəfə “hə” deyərkən sevimli dodaqları!

Fransızcadan tərcümə

6. 11. 2018

Samara

QEYD: Şeirn adı orijinalda nigiliscədir

Il faut, voyez-vous, nous pardonner les choses

Gərək bağışlamağı bu dünyada bacaraq,
Bunu eləmək bizə səadət qazandırar.

Bizə üz verərsə də nə qədər ağır anlar,

İki ağlar olarıq səninlə ən azından.

Biz iki bacı ruhuq, eləsə qovuşduraq,

Ürkək vədlərimizə uşaq şəmimiliyi

Qadın və kişiərdən yayınıb uzaqlaşaq,

Açıqlıqda unudaq zülmünü qəribliyin.

Gəl iki uşaq olaq, iki qızcığaz ya da,
Hər şeyə heyrətlənən, heç nədən heyranlanan,

Rəngləri bir az qaçar məsum vələslər altda,

Bilməz ozləri də ki, bağışlanıblar onlar.

 
fransızcadan tərcümə

05-06. 11. 2018

Samara

Beauté des femmes

Qadınlarda gözəllik, zəiflik və ağ əllər,
Şər də törədə bilir, xeiyir mənbəyidir həm,

Və daha gözlərində vəhşi qalmamış heç nə,
Tək “Bəsdir” deyə bilir, kişi üzlüsə əgər.

Və yuxulu anadır, həmişə xışıldayan,

Yalan da danışanda, bu səs! Elə bil səhər,
Harayıdır ya da ki, axşam duası dinər,

Hönkürtüdür, şalının ölər qırışığında

Adamlarda aman yox! Həyat eybəcər, acı!

Öpüşlərdən, hərbdən uzaqlarda an azı,

Zirvəsində dağların azacıq nəsə yaşar.

Nəsə ürəyi kimi körpənin, incə həm də,

Şərəf, hörmət! Doğrudan, elə ki, əcəl haqlar,

Nə gedəcək bizimlə, nə qalacaq və bizdən?

Fransızcadan tərcümə

01-02.11. 2018

Samara

            À Victor Hugo

Nə qədər çox olsa da sizin mədh edəniniz,
Yoxdur şöhrətinizin mənim kimi vurğunu:

Adınız qələbə tək məst eləyir ruhumu,

Səmimi aşiqiyəm sizin sənətinizin.

Bu dünyanı Həqiqət mənə tanıtdırandan,

Tanrını və Kilsəni sevirəm, və həmişə,
İnanmışam önəmli bildiyiniz hər şeyə
Nifrət doğurur hərçənd şerinizdəki İlan.

Dəyişmişəm. Sizin tək. Mən bir ayrı cür amma.

Nə qədər kiçik olam, yenə də haqqım çatar,
Mənim bir təkamülə, yüksəlişə, yaxşıya.

Fəqət, ustad, mənim də sizə tərif borcum var,
Haçandan içimdədir; budur, açıq və dolğun,

Çünki ağır günümdə təsəllim siz oldunuz.

Fransızcadan tərcümə

01.11. 2018

Samara

        Art poétique

Hər şeydən önəmli melodiyadır,
Hecaların sayı tək olsa yaxşı.

Havada yox olan, dumanlı həm də,
Nə bədəni ola, nə də çəkisi.
Düz deyil sözləri min ehtiyatla,
Ölçərək-biçərək seçmək elə də.

Sadə bir nəğmədən sevimli nə var?

Onda Dəqiqlik də Qeyri-dəqiqdir.

Bu, ala gözlərdir duvaq dalında,
Bu, ilğımdır yayın günorta çağı,

Bu, mavi səmada payız gələndə,
Büllur ulduzların nurlu qalağı.

Axı Nüanslardır istədiyimiz,
Rəngi neyləyirik, çalarlar gərək!

Nüansla qovuşur arzuya arzu,
Necə fleytaya qovuşur tütək.

Qatil Atmacanı yaxına qoyma,
Heyvərə Gülüş də, Ağıl da bəddir,

Bunlar Səmanın da gözübü qıyar,
Ağladar, sarımsaq bişir elə bil.

Yapış bəlağətdən, boynunu üz, at!

Qanın coşan vaxtı yaxşı elədin,
Qafiyələrinə ağıl artırıb,
Bax ancaq, çıxarlar birdən əlindən.

Kim deyər Qafiyə necə fəsaddır?

Dəli bir qara qul, kar uşaq  ya da,

Yonub kəsəriylə bəlkə yaratdı

Ucuz oyuncağı,  səsi də saxta?

Yenə və həmişə musiqi axtar!

Dönsün şeirlərin uçan bir şeyə.

Duyulsun bir qəlbdən qanadlanaraq,

Uçur başqa göyə, başqa sevgiyə.

Qoy şeirin çevrilsin xoş macəraya,
Qısılıb küləyin sərin bağrına.

Hopsun kəklikotu, nanə misraya,
Sadə ədəbiyyat yerdə qalanlar.

Fransızcadan tərcümə

31.10 2018

Samara

À Don Quichotte

Cəngavərdin, Don Kixot, sən həm böyük sərsəri,

Qara və kinli kütlə sənə nahaqdan gülür:

Şəhid kimi sən öldün, həyatın bir əsərdir,

Şahım, haqlı deyildi o yel dəyirmanları.

Yürü, yürü həmişə, müdafiən inamdır,
Sevdiyim əfsanəvi atının belində sən.
Söyüş ustası, yürü! – qanun unudanların,

Dünyada artıb sayı, çoxdur həmişəkindən.

Ura! biz də dalınca, ölməz şairlər yəni,
Saçı külək oynadır, çələng bəzəyir alnı,

Apar bizi fəthinə xəyal zirvələrinin.

Və tezliklə, nə qədər xəyanətlər olsa da,
Əbədi qar bürümüş kəlləsində küt əqlin,
Poeziya bayrağı dalğalanar qürurla.

Fransızcadan tərcümə

30.10. 2018

Samara

À Charles Baudelaire

Mən səni tanımırdım, sənə sevgim olmayıb,
Mən səni tanımıram, sənə sevgim lap azdır,

Ləkələnmiş adınla qəlbim qayğılanmayıb,

Sənin şahidlərinin olsaydım arasında,

Hər şey qalsın, bu, bağlı Ayaqlardır birinci,

Soyuq mıxlarla əvvəl, sonra hərisliyiylə,

Föhşlü qadınların – boyalanıblar necə!

Ehtiras alovlanır qızğın busələriylə!

Diz üstdə, duadasan, necə mən, necə bütün
Ac və təşnəli ruhlar durmadan gedər üzgün,
Arzu-ümidləriylə Qolqofa yetişələr.

Qolqof əsil, həqiqi, şübhələr də var onda

Rişxənd, göz-qaş və sənət, ağrı yol əzabından,

Necə? Günahlıyıq biz, ölməyimizə dəyər.

Fransızcadan tərcümə

29.10. 2018

Samara