Beynəlxalq təşkilatlar İlham Əliyevin əlinə-ayağına düşüblər ki, İnternetdə təhqirə görə cinayət məsuliyyətini qanuniləşdirməsin. Onlar təklif edirlərki, bunun əvəzində Azərbaycan İnternetə “əlim dəmirdə” funksiyasını qoysun. İndinin özündə Azərbaycan məmurları İnternetdəki təhqirlərə fikri vermirlər, oxuyan kimi “əlim dəmirdə” deyib sovuşdururlar. Ramiz Mehdiyevin əli heç dəmirdən ayrılmır…
Mirzə Əlil
Azərbaycan demokratik inkişaf yolunda arşın addımlarla irəliləyir. Bakıda həbs olunan müxalifətçi gənclərin indi ancaq saçları qırxılır. Tükdür də, bu gün qırxırsan, sabah əvvəlkindən də yaxşı gəlir. Ölkələr var ki, orda müxalifətçilərin başını qırxmılar, başın özünü kəsib atırlar. Fərqi görürsünüz?
İndi özünüz deyin: bir ovuc tükdən ötrü hay-küy salmağa dəyərmi?
Yeri gəlmişkən, deyilənlərə görə, Ramil Usubov əvvəllər dəllək olub. Baş da qırxırmış, sünnət də eləyirmiş.
Yəni ki, özünüzü gözləyin. Nazir geniş profilli sənətkardır!
Mirzə Əlil
Günərin bir günü Hacıbala Abutalıbov ölür və düşür cənnətə. Hər tərəfdə sərin bulaqlar, xurma ağacları, yan-yörəsi ala gözlü hurilər. Ancaq Hacıbalanın kefi açılmır, huriləri də itələyib qovlayır: “Bakının jurnalist qızları kimi nə ilişirsiniz mənə! Qoyun heç olmasa cənnətdə asudə nəfəs alaq də!” Ancaq yenə qanı qaradır ki,qaradır. Mələklərin böyüklərindən biri ona yaxın gəlib soruşur: “Bəlkə şəraitimizdən narazılığınız var?” Hacıbala coşur: “Narazılığım var! Mən burda öndərin heykəlini görmürəm! Öndər parkı görmürəm!” Mələk soruşur: “Bağışlayınız, adınız nədir?” “Adam Hacıbala! Sağlığımda bütün Bakı başıma and içirdi!” Mələk harasa zəng vurub Hacıbalaya deyir: “Hacıbala bəy! Bir az səbrinizi basın. Mən öyrəndim ki, siz cənnətə səhvən düşmüsünüz. Elə indicə yerinizi dəyşırlər, orda ürəyiniz nə istəsə, olacaq!”
Mirzə Əlil
İlham Əliyev deyib ki, Azərbaycanda iqtidarla xalq vəhdətdir. Möhtərəm prezident tamamilə haqlıdır. İqtidar neçə illərdir ki, xalqın belində oturub və bu cür yaxınlıq heç Afrika ölkələrində də yoxdur. Xalq hərdən iqtidara deyir: “Bəlkə yarm saatlığa düşəsən? Belim ağrıyan kimi oldu”. İqtidar cavabında deyir: “Sarsaqlama, düşsəm, vəhdət pozular. Belindəki ağrı deyil, sənin ağrı haqqında təsəvvürüründür, bunu Mark Avreli deyib, heyvan!”
Əhsən belə vəhdətə!
Mirzə Əlil
Azərbaycanda indi rəsmi Gül bayramıyla yanaşı alterntiv Turp bayramı da keçirilir. Çünki mərhum Heydər Əliyev Azərbaycan Kommunust Partiyası Mərkəzi Komitəsinin birinci katibi olduğu vaxtlar turpçuluğun inkişafına çox diqqət yetirib. Azərbaycanda əkinə yararlı bütün sahələrdə pambıq, tütün əkildiyindən Heyər Əliyev məcbur olurdu ki, turpu elə adamların başında əkdirsin. Sizə deyim ki, Mirzə Əlilin də başında o zamanlar çox turp əkilib, ağrısı-əziyyəti çox olsa da, millətin başı yaxşı turp məhsulu verirdi. Təsəvvür edin ki, uzun illərdən bəri Rusiyada yaşasam da, hələ də başımda yabanı turp çıxır. Ona görə daim papaq qoymağa məcburam, bəziləri burda fikirləşirlər ki, bəlkə də mən keçələm. Saçımı da rus xanımlarına vurdurmuram, burda millətdən olan bir dəllək var ona burdururam. Dəllək də mən yaşda olar, onun da başında bir vaxtlar Əliyev turp əkib, yəni ikimiz də bir gündəyik…
Turp bayramınız mübarək olsun!
Mirzə ƏLİL
10.05..2013 Samara
ANS kanalının baş redaktoru Mirşahin Ağayevin monoloqunu qoyublar YOU TUBEa, “qızıl sözlər” adlandırıblar. Qulaq asıb təsdiq edirəm ki, doğrudan da qızıl sözlərdir, qaraqızıl sözlərdir, kürü sözlərdir!
Mirşahin, cəddi ANS-in reytinqini qaldırdın, deyir ki, baş nazir, nazirlər, parlament rəhbərləri jurnalistlərə yaxın gəlmirlər. Jurnalistlərə yaxın gələn bircə ali baş komandan möhtərəm prezident İlham Əliyevdir. Cənab Əliyev jurnalistlərlə davranışında analoqu olmayan demokratizm göstərir, şəxsən Mirşahin bəy, cəddi AzTV-nin ekranını qara eləsin, istəsə, prezidentin qabağında ikiqat olar, istəsə, çəkmələrindən öpər, istəsə, danabaşlılar demişkən, balalarını prezidentə qurban kəsər. Baş nazir, nazirlər, parlament sədrləri Mirşahini yaxına buraxmırlar ki, heç olmasa bu kişi onların qabağında dilini çıxarıb quyruğunu bulaya bilsin. Mirşahin neçə illərdir Elçin Əfəndiyevin yağlı yerindən öpmək istəyir, Elçin Əfəndiyev özünü burcudur…
Vallah, Mirşahin qızıl sözlər deyir, kürü sözlər deyir…
Və sonda Mirşahin prezidentə həsr elədiyi mahnını oxuyur: “ Aylı gecə sərin külək, göy çəmən…”
Bu erməni köpək uşağının gözü doymur. Kəlbəcəri, Laçını, Ağdamı, Şuşanı tutduqları bəs deyil, indi də gedib Freedom House-u tutublar. Tutmaqları cəhənnəm, tutub sakit oturmurlar, ordan Azərbaycanın möhtərəm prezidentinə atəş yağdırırlar. Yəni ki, tənqid atəşi. Deyən yozdur ki, ay qurumsaqlar, bilirsiniz İlham Əliyev sizə neyləyər? İlham Əliyev qatar sizi qabağına, o qədər qovar ki, nəfəsiniz kəsilər.
Vallah, hə.
Lazım gəlsə…
Dəyyuslar…
Mirzə Əlil
13-05.2013
Bu erməni köpək uşğının gözü doymur. Kəlbəcəri, Laçını, Ağdamı, Şuşanı tutduqları bəs deyil, indi də gedib Freedom House-u tutublar. Tutmaqları cəhənnəm, tutub sakit oturmurlar, ordan Azərbaycanın möhtərəm prezidentinə atəş yağdırırlar. Yəni ki, tənqid atəşi. Deyən yozdur ki, ay qurumsaqlar, bilirsiniz İlham Əliyev sizə neyləyər? İlham Əliyev qatar sizi qabağına, o qədər qovar ki, nəfəsiniz kəsilər.
Vallah, hə.
Lazım gəlsə…
Dəyyuslar…
Mirzə Əlil
13-05.2013
Azərbaycan Elmlər akademiyası prezdentinin seçkisi çox gərgin keçib. İndiyəcən yer üzündə belə seçki olmayıb. Mübahisəni yaradan Akif Əlizadənin alimlik səviyyəsi olmayıb, Azərbaycanda körpə uşaqlar da bilirlər ki, yer üzündə Akif Əlizadə kimi alim yoxdur. Ziddiyət akademikin yaşına görə yaranıb. Məsələ burasındadır ki, Azərbaycan akademiyasının nizamnaməsinə görə prezidentin gərək ən azı 80 yaşı ola. Akif Əlizadənin də 80 yaşa altı ayı çatmır. Çox ağır debatlar gedib. Hələ yumruq davası da düşüb və bir akademik o biri akademikin anasını söyüb. Xoşbəxtlikdən, kompromis tapılıb. Akademiyanın nizamnamısini dəyişmənək üçün, akademik Akif Əlizadənin yaş kağızını dəyişiblər. Undi akademik Əlizadənin düz 80 yaşı var və o, AMEA-nın prezidentidir.
Gözünüz aydın!
Mirzə Əlil
Burda xəbərimiz yox, Bakını lotuxanaya döndəriblər. İş o yerə çatıb ki, arvad-uşağın gözü qabağında Azad Fikir Universiteti fəaliyyət göstərirmiş! Yaxşı ki, gec də olsa, hökumət xəbər tutub və qapısını möhürləyib. Əliağa Vahid demişkən, “yaşasın qırmızı bayraqlı sovet qanunumuz!”. Hərçənd bayraq indi üçrənglidir, dövran da sovet dövranı deyıl, YAP dövranıdır. Ancaq qanun həmin qanundur və bu qanun ölkənin azadlığını deyir, kişinin, arvadın azadlığını deyir, fikrin azadlığını demir. Fikri azad olan adamdan nə desən çıxar, böyük-kiçik tanımaz, prezident tanımaz, polis tanımaz, Ramiz Mehdiyevi tanımaz.
Mən bu fikirdəyəm ki, bu unuversitetin qapısını möhürləmək azdır. Orda dərs demiş adamlara, bu dərsləri dinləmiş gənclərə qarşı da ölçü götürülməlidir. Hamısını yəqin ki, dama salımaq olmaz. Yəni o qədər adama türmələrimizdə yer çatmaz. Ancaq onların hər birinin alnına o qapıya vurulan möhürdən vurmaq olar. Onların alınları möhürlənsə, vətəndaşlarımız onları uzaqdan tanıyar və yollarını dəyişərlər. Nə biləsən, yol getdiyin yerdə qəfildən biri atılıb minər boynuna. Deyirsiniz miməz? Minər, hələ minib çapmaq da istər.
Azad fikirli adamdan nə desən çıxar!
Mirzə Əlil
11.04.2013
xeyrulla xayal 