22-Cİ NƏĞMƏ
(fraqment)
1 Görmüşdüm əvvəllər atlıları mən,
Baxış keçirəndə, həmlə anında,
Xilas məqsədiylə ya da çaparkən.
+
4 Gördüm üstünüzə atılanda da,
Atlı dəstələri, mən, artenlilər,
Turnir yarışları ya da qızanda.
+
7 Şeypurlar, təbillər ya da ki, zənglər
Çalınar, nişanla ya qüllələrdən,
Yerli ya əcnəbi alətlər dinər.
+
10 Bilmirdim beləcə qaba zurna mən,
Qovar atlıları, piyadaları,
Gəmini — ulduz da parlasa birdən.
+
13 Birgə on şeytanla getdik irəli,
Nə dəstə! Nəciblər kilsələrdədir,
Aşxanasa yığır qarınpaları
+
16 Qətrandaydı bütün diqqətim indi
Görüm Boqlianın içində nə var
Yanan adamları orada həm də.
+
19 Necə delifinlərin beli qıvrılar,
Nişan verən zaman dənizçilərə,
Xilas edə bilsin gəmini onlar.
+
22 Bir az ağrısını azaltsın deyə
Bir yazıq belini elə qaldırır,
Çəkilir bir anda sonra geriyə.
+
25 Xəndək qırağından qurbağaların,
Necə sudan ancaq üzləri qalxır
Su altında qalır pəncə və qarın,
+
28 Duruşu eləydi günahkarların,
Barbariçça yaxın gələn tək ancaq,
Cumurlar altına yenə qaynarın.
+
31 Ürəyim sıxıldı birinə baxcaq –
Dayanıb – qurbağa durur necə tək,
Sonuncu yoldaşı suya batınca.
+
34 Qətranlı saçını çəngələyərək,
Çəkdi yaxındakı Qraffiakan
Mənə göründü o, susamuru tək.
italyancadan tərcümə
Noyabr 2023, Samara
xeyrulla xayal 