Архив тегов | Mirzə Əlil

QURAN QƏRİBƏLİKLƏRİ. BƏLKƏ BURAQ İLK MÜSƏLMAN PEYKİ OLUB?

Мар21

mechet-aksa_0

Birinci onlayn İslam akademiyasının saytında Merac haqqında oxuyuruq:

 «Əl İsra val Merac hadisələri belə baş verirdi: Nəbi Kəbənin şimal divarl ilə yarımdairə  əl Xatim divarı arasında Əl Hicr adlanan yerdə dincəlrdi. Onun yanına mələk endi, sinəsini ağrısız və qansız yarıb ürəyini çıxararaq inamla dolu qızıl ləyəndə yudu, sonra yenidən (inamla) doldurdu, sonra əvvəlki yerinə qoydu”.

Bundan sonra onun yanına “Buraq” adlı, ölçüdə atdan kiçik, eşşəkdən böyük  ağ uzun heyvan gətirdilər. Mələk Cəbrayıl əmr etdi ki, Buraq yəhərlənsin və onlar 1200 km məsafədə olan Əl Aksa məəscidinə yollandılar.

 Buraq raket kimi sürətli olsa da, söhbət uzundur. Qısa onu demək olur ki, Məhəmməd əl Aksa məscidnidə bütün peyğəmbərlərlə — yəqin ki, 124 minini hamısı ilə — namaz qılır (yəhudu peyğəmbərlərinin müsəlman namazı qıldığını təsəvvür etmək asan deyl…), sonra ona Cəbrayıl süd və çaxır təklif edir, Məhəmməd, əlbəttə, südü seçir…Yəqin quş südü olub…

Sonra Məhəmməd mələklə göyə çəkilir, orda səma qapıları açılır, ikinci qata girirlər. İkinci qatda Məryəmin oğlu İsa Məhəmmdəi salamlayır. Yeddinci qatda  Məhəmməd Musa ilə qarşılaşır.

Sonra Məhəmməd Allahla görüşür, Allah ona buyurur ki, sutkada əlli namaz qılsın, Məhəmməd gedib bunu Musaya danışır, Musa Məhəmmədə deyir ki, get Allahdan xahiş elə, namazların sayını azaltsın, Məhəmməd beləcə bir neçə dəfə Allahın yanına girib-çıxır, xahiş edir, Allah sayı azalda-azalda beşdə dayanır, deyir bundan az eləyə bilmərəm…

Məhəmməd merac vaxtı cənnəti, cəhənnəmi, ərşi görür… Cəhənnəmdə, məsələn, görür ki, adamlar çürüyüb qoxumuş ət yeyirlər… (Niyə onlara zəhərli göbələk vermirlər? Ucuz, həm də effektli…)

Cəbrayıl ekstra səviyyəli gid kimi ona bələdçilik edir və lazımi izahatları verir…

Yəqin ki, müxtəllif mənbələrdə və müxtəlif məzhəblərə məxsus ədəbiyyatda meracın təsvirləri fərqlənir. Ancaq fərqlər mühüm ola bilməz, mühüm olan Məhəmmədin Cəbrayılın bələdçiliyi ilə göylərə qalxıb Allahla görüşməyidir.

Musa Allahla danışıb ondan tapşırıqlar, əmrlər, tövsiyələr alsa da, Allahı görmürdü. Yaqub bir gecə səhərəcən Tanrı ilə küştü tutur, mübarizə o qədər ağır gedir ki, səhər görürlər Yaqub axsayır…

Bu, çox maraqlı əhvalatdır. Bir problem var: bunun heç bir sübutu yoxdur. Merac əhvalatı, bunu folklorçular təsdiq edərlər, nağıl, əfsanə janrlarının kanonlarına tamamilə uyğundur. Buraq kimi fövqəlsürətli heyvanlara müxtəlif xalqların nağllarında azmı rast gəlmişik? Bu heyvana qeyri-adilik verməyin müxtəlif üsulları var. Bir Azərbaycan nağılında fövqəlsürətli at üçayaqlı idi… Merac rəvayətini yaradanların fantaziyası çatmayıb ki, ona özəlliklər versin. Atdan kiçik, eşşəkdən böyük – yerdən düz Allahın hüzuruna çapan heyvan bundan zəngin təsvirə layiq idi…

Əgər İran mollaları ya elə Azərbaycandakı qədəş həcilər desələr ki, Burak at deyilmiş, ilk müsəlman peykiymiş ki, peyğəmbəri düz Allahın hüzuruna qaldırırmış, təəccüblənməyin…

Bu əhvalata necə inanmaq olar?

İnanmaq olarmı ki, cəhənnəmdə günühkarlara çürümüş ət verəcəklər? Milyardlarla insana? Nə əti? Milyon, milyard il? Siz inanırsınızmı ki, indi Azərbaycan xalqını birbaşa ya dolayısı ilə qarət edib dənizin hasarlanmış sahilində qəsrlər tikərək kef çəkənlər cəhənnəmə düşüb üfunətli ət yeyəcəklər?

“İman – sübutsuz inamdır” – deməklə əslində sadəlövh insanları hər cür cəfəngiyata inandırmağa cəhd etmək, hətta uğurla cəhd etmək olar.

 «Filip ona dedi: “İlahi! Bizə Atanı göstər, bu bizə bəsdir.

İsa dedi: Neçə vaxtdır ki, mən sizinləyəm, Filipp, sənsə məni tanımırsan? Məni görən Atanı gprüb; sən necə deyirsən ki, bizə Atanı göstər?

Məgər sən inanmırsan ki, Mən Atadayam  və Ata məndədir? Sizə dediyim sözləri özümdən demirəm. Məndə yer alan Ata işləri görəndir” (Yəhya İncili, 14-cü fəsil).

Və hər bir xristian İsanın Tanrı, həm də Tanrının oğlu olduğuna sübutsuz inanmalıdır və inanır..

Quranda İsanın Allahın oğlu olması qətiyyətlə və hətta hiddətlə rədd olunur. Quran deyir ki, İsa Allahın qulu idi, Allaha oğul ya qız törətmək yaraşmaz.

Niyə yaraşmaz? Atdan kiçik, eşşəkdən böyük heyvanın belində Allahın hüzuruna qalxmaq, orda namazların sayını mənölüm-sənnöllə azaltmaq olarsa, İsa niyə Allahın oğlu ola bilməz? Əgər Məryəmin İsanı ərsiz, yəni ruhdan doğduğunu İslam qəbul edirsə, Allah İsanın atası sayılmalıdır…

X.X.

21. 03. 2024, Samara

QURAN QƏRİBƏLİKLƏRİ. 4-CÜ SURƏ, 43(46)-CI AYƏ

Мар19

4 cü surə 43 ayə

4-cü surənin 43(46)-cı ayəsində möminlərə müraciətlə deyilir ki, sərxoş halda, nə danışdığınızı başa düşməyənə qədər namaz qılmayın (namaza yaxın durmayın).

Sonra deyilir ki, əgər ayaqyolundan gəlmisiniuzsə ya qadınla yaxın olmusunuzsa və su tapmırsınızsa, tayammum edin, yəni özünüzü qumla təmizləyin.

Bunu guya Allah namaz qılmağa hazırlaşan müsəlmana deyir. Yaxşı, sərxoşu başa düşdük. Deyək ki, bu ayə spirtli iççkiyə qəti qadağan qoyulandan sonra gəllib. Ayaqyolunu da başa düşmək olar – hər bir müsəlmanın başına gələ bilər, yəni namaz ərəfəsində qarınağrısı tutar. Ancaq namazına beş-on dəqiqə qalmış müsəlman hansı zərurətdən arvadla sevişməlidir? Özü də bilə-bilə ki, su yoxdur! Belə çıxır ki, Allah ehtirasları beyinlərini dağıdan ərəblərin nazı ilə oynayır?

Arvadla sevişəndən sonra ayıb yerlərini qumla sürtən müsəlman təmizə çıxarmı? Belə adama kim əl vermək, onunla bir süfrədə oturmaq istəyər?

Və bu cür çox qəribə tövsiyəni Allahın adına yazmaq Tanrını alçaltmaq, aşağılamaq deyilmi? Baxıin: yeri, göyü, günəşi, ayı, onlardan o yana nə varsa hər şeyi yaratmış Allahı, evində bir damcı suyu olmayan, namazdan qabaq qızışıb arvadının ya kənizinin üstünnə atılan müsəlmana gigiyena məsləhətləri verəcək dərəcədə endirmək, onu intim mövzuda şou aparan həkimlərə bənzətmək ayıb deyilmi?

Yaxşı, deyək ki, Allah bu cür qızğın ərəblərin intim həyatını xüsusi nəzarətə götürüb. Elədirsə, onu niyə su ilə təchiz eləmir? Axı yox yerdən su çıxarmaq Allah üçün su kimi asandır. Allah üçün hər şey asandır!

2-ci surə, 60-cı ayədə Musa öz tayfası üçün su istəyəndə Allah deyir ki, ağacını qayaya vur. Və qayadan on iki bulaq açılır.

O bulaqlardan birini Allah niyə o dəstəmaz suyu tapmayan ərəb üçün açmırdı?

Mən şübhə etmirəm ki, tayammum kimi söhbətlərin ilahi mənşəyi yoxdur, bunu peyğəmbər, mənsub olduğu tayfada gigiyeniyanın nə vəziyyətdə olduğunu gözəl bilərək öz tərəfdaşlarına, əsgərlərinə buyurub. Və bu tövsiyəni pozulmaz qanun normasına çevirmək üçün onu Alllahın adı ilə bağlayıb.Və əsrlərlə bilavasitə seksual həyatla bağlı bu ayələr İslam ruhaniləri üçün ən sevimli mövzulardır, onlar saatlarla yorulmadan bu barədə danışır, danışdıqca qızışırlar…

Auditoriya da qızır və qızışır…

Bu söhbətlərdən sonra qılınan namazın nə faydası?

X.X.

19. 03. 2024, Samara

يَا أَيُّهَا الَّذِينَ آمَنُواْ لاَ تَقْرَبُواْ الصَّلاَةَ وَأَنتُمْ سُكَارَى حَتَّىَ تَعْلَمُواْ مَا تَقُولُونَ وَلاَ جُنُبًا إِلاَّ عَابِرِي سَبِيلٍ حَتَّىَ تَغْتَسِلُواْ وَإِن كُنتُم مَّرْضَى أَوْ عَلَى سَفَرٍ أَوْ جَاء أَحَدٌ مِّنكُم مِّن الْغَآئِطِ أَوْ لاَمَسْتُمُ النِّسَاء فَلَمْ تَجِدُواْ مَاء فَتَيَمَّمُواْ صَعِيدًا طَيِّبًا فَامْسَحُواْ بِوُجُوهِكُمْ وَأَيْدِيكُمْ إِنَّ اللّهَ كَانَ عَفُوًّا غَفُورًا

ALİ BAŞ KOMANDANIN ÇASTUŞKALARI — 20

Мар12

İlham Əliyev 4

Bağdadda kor xəlifəyəm,
Həm də Ağanəzərəm,
Mənə qarşı söz deyəni,
dama basıb əzərəm!

Eyy! Uxx!

 

Sərhədləri bağlamışam,
Cibimdədir açarlar.

Hərdən-birdən beş-on adam,
Gedir-gəlir uçarla.

 

Bağlamışam qəzetləri,

Yutubu dağıdıram.

Kim mənim ağzımı əyir,

Tuturam, bağırdıram.

Eyy! Uxx!

 

Avropadan uzaqlaşdım,
Abırsız ora yerdir.

Kişi ilə orda qadın,
Tualetə bir gedir.

 

Kişi kişiyə evlənir,
Dişini alır dişi.

Biz sevirik ənənəni,

Bəyənmirik bu işi!

Eyy! Uxx!

 

Orda saysız narkoman var,

Orda qumarbaz hamı.

Pozar, başdan çıxararlar,

Orda bizim adamı.

Xalqım dəmir yumruq altda,
Yüz faiz bəxtəvərdir.

Kişi evlənir arvada,
Arvad kişiyə gedir.

Eyy! Uxx!

 

Bizdə yoxdur heç bilən də,
Nədir qumar oynamaq.

Narkotiki işlədən də,
Müxalifətdir ancaq!

 

Xalq ömür sürür firavan,
Çörəyi var bir tikə.

Məni sevir hər bir insan,

Yəni ki, bütün ölkə.

 

Bizim Leyla bu işlərdən,
Yazıb gözəl bir şeir.

İndi onu Ramiz Rövşən,
Sizin dilə çevirir!

Eyy! Uxx!

 

Mirzə TƏBİL

12. 03. 2024, Samara

QURBAN MƏMMƏDLİ BRİTANİYA FUNTLARINI YEYİB BRİTANİYANIN DÜŞMƏNİ OLAN FAŞİSTLƏRİ TƏBLİĞ EDİR

Мар6

mahjoud qurban məmmədli

Bir neçə gün əvvəl Fransa hökuməti 52 illik ömrünün 40 ilini Fransada yaşamış, ancaq vətəndaşlıq almamış bir ərəbi tarixi vətəni Tunisə deport etdi. 13-cü əsrdə yaranmış Avinyon şəhərində yaşayan imam Mahjoub Mahjoubun qovulmasına səbəb onun məsciddəki moizəsində Fransa bayrağını “satanic”, yəni “şeytani”, “şeytana məxsus” adlandırması olmuşdur.

Daily Mail qəzetinin müxbiri Tunisdə bu cənabla görüşüb. İmam acı-acı ağlayıb, deyib ki, söz təsadüfən ağzından çıxıb, Fransa bayrağını təhqir etmək fikri olmayıb. Əlavə edib ki, “belə şey Britaniyada ola bilməzdi”.

Bunu imam doğru deyir. Britaniya hökuməti Britaniyaya qarşı düşmənçilik hərəkətləri edən, ona qarşı terrrorçu hərəkətlərə çağıranları, hətta İŞİD sıralarında vuruşmuş radikalları və manyak killerləri belə deport etməkdə çətinlik çəkir. Hər dəfə çoxlu qeyri-hökumət təşkilatları, müsəlman dövlətləri ilə bağlı olan fəallar Britaniya hökumətini məhəkəməyə verir və udurlar. Cinayətkarlar, terrorçular, radikkallar Britaniyada qalıb Britaniyaya qarşı düşmənçilik hərəkətlərinə davam edirlər.

Çoxlu britaniyalı deport olunmuş imamın sözlərini (“ belə şey Britaniyada ola bilməzdi”) eşidib başlaırna qapaz vururlar ki, niyə biz belə maymağıq.

İmam Mahjoub gözünün içinəcən yalan deyir. O, Fransanı, onun dəyərlərini və rəmzlərini dönə-dönə təhqir dedib. Sübutlar, moizələrinin yazıları var. Nəhayət, Fransa hökumətinin səbr kasası dolub.

Mən Londondakı azərbaycanlı “imam”ın, yəni Qurban Məmmədlinin You Tube-dakı çıxışlarına baxanda təəccüblənirəm: Niyə Britaniya hökuməti bu adamı Naxçıvana deport eləmir?

Martın 5-də, cəllad Stalinin xatirə günündə, Qurban Məmmədli verilişinin xeyli hissəsini Xamaneiyə həsr etdi. “Mən Azərbaycan şiələrinə müraciət edirəm: bu adam ki, sizin ağanızdır, bunun dediyini qəbul etməlisiniz”.

Xamanei də Hitler kimi bəşər düşmənidir, cinayətləri Stalinkindən də çoxdur. Stalin idarəçiliyi dövründə Nizamini Azərbaycanın milli şairinə çeviriblər, opera, balet, kino, hətta indi naxçıvanlılara və ailəyə məxsus Akademiya da yaradılıb.

Etnik azərbaycanlı olan Xamanei azərbaycanlıları ibtidai məktəb açmağa da qoymur. Son iki ildə İranda etirazları qanla yatırdır, on minlərlə adam tutulub, yüzlərlə insan, o cümlədən azərbaycanlılar, dara ağacından asılıblar.

Xamanei Britaniya üçün düşməndir. Dönə-dönə İranda ikili vətəndaşlığı olan insanları şərləyib tutublar ki, Britaniya hökumətini şantaj eləsinlər.

Həm Azərbaycana və azərbaycançlığa düşmən olan, qərbin məhvini arzulayan və planlayan bir islam faşistini Qurban Məmmədli nəyə görə Londondan səbəst təbliğ edə bilir? Britaniya hökumətinin maymaqlığından?

Özünün dediyinə görə, Qurban Məmmədliyə Britaniya hökuməti 3 miin funtdan çox aylıq yardım verir. Yəni öz vətəndaşlarının boğazından kəsir.

Milad günlrində ingilis qəzetlərində əziz bayramı öz evlərində yox, yataqxana tipli mənzillərdə keçirməyə məcbur olanlardan yazırdılar. On minlərlə ingilis kommunal xərclərini ödəyə bilmədiklərindən evlərindən çıxarılır və müvəqqəti yataqxanalra yerləşdirilir. Jurnalistlərlə danışan uşaqlar ağlayıb deyirdilər ki öz evlərini isytyirlər..

Britaniya varlı ölkədir. Ancaq varının mühüm hissəsini yüz minlərlə, milyonlarla miqranta xərcləyir. Sonra bu miqrantlardan bəziləri, ya onların uşaqları Britaniyaya düşmənçilik edirlər. Minlərlə Britaniyada doğulmuş miqrant törəməsi İŞİD ordusunda vuruşurdu.

Qurban Məmmədlinin Xamanei təbliğatı da yen işidçilər doğurmazmı?

Britaniya hökuməti! Makrona bax, qeyrətə gəl!

  1. 03. 2024, Samara

LONDONU ALMIŞ DUMAN, NAMAZ ÜSTDƏDİ QURBAN…

Мар5

qurban məmmədli namaz

Yağış yağır Londona,

Londonu duman alır,
Qurban Məmmədli yenə,

Beş rükət namaz qılır.

 

Dəstəmaz alır əvvəl,
Tələsmədən yuyunur.

Çəkir dirsəyə qədər,
Təmiz Temza suyunu.

 

Yara olsa da alnı,

Döyülməkdən möhürə,

Qurban pozmur halını,
Namaz qılır beş kərə.

 

Əyilib-düzələrkən.

Akrobat kimi qıvraq,

Qurban namaz qılır şən,
Həvəsli, həm də oynaq.

 

Dualarını bəzən,

Elə ucadan deyir,

Hürkür küçədən keçən –

Ağ ingilis, həm neqr.

 

Kral bundan xəbərdar,

Rişi Sunak da bilir.

Həsr eləyir debatlar,
Bu işə Vestministr.

 

Arxiyepiskop özü,

Qurbana qonaq gedir,

Deyir: “Pliiz, namazı,
Gəl, üç rükətə endir”.

 

Qurban deyir: “Əsla mən,

Dönmərəm imanımdan.

Çünki radikalam mən,
Radikal müsəlmanam”.

 

Tez-tez evindən ancaq,
Ağlamaq səsi gəlir –

Quran buyuran sayaq,

Arvadı kötəkləyir…

 

Mirzə TƏBİL

  1. 03. 2024, Samara

HACI ŞAHİN BELƏ DEYİRDİ…

Мар3

Mərhum ilahiyyatçı Hacı Şahinin xeyli çıxışına YouTube-da qulaq asdım. Təəssüratım qısa şəkildə.

++++++++++++++++

Hacı Şahin deyirdi:

“Bir şüarınız olsun həmişə: “bu da keçər”.

Hacı Şahin bu “şüarın” mənbəyini adlandırmır . Əslində bu ifadə, tövratda olmasa da, ənənəvi olaraq şah (peyğəmbər ) Süleymana aid edilir, guya onun üzüyündə həkk olunubmuş.

Doğrudan da bu ifadənin müəyyən psixoterapevtik effekt yarada biləcəyinə inanmaq olar. Ancaq moizə dinləməyə yığışmış gənclərə bu effektin pozitiv olacağına zəmanət vermək olarmı?

Hacı Şahin fikrini çatdırmaq üçün sadə,  məişətlə bağlı misallar çəkməyi sevirdi. Mən də bu üsuldan istifadə edirəm.

Deyək ki, Azərbaycan rayonlarının birinə prezident adəti olaraq heyvərənin birini başçı təyin edib. Bu heyvərə rayonu talan edir, büdcəni oğurlayır, əhalini tapdalayır. Bir il, üç il, beş il, on il. Bəzən on beş il. Rayon əhalisi “bu da keçər” deyib dözməlidirmi?

Əslində bizim adamlar dözürlər də. Əzilrlər, tapdalanırlar, yağmalanırlar. Prezidentə və onun müavin xanımına rəhm ərizəsi yazırlar. Bu, doğrudurmu? İnsanları zülmə dözməyə, haçansa zülmün öz-özünə dayanacığına, tükənəcəyinə ümidlə yaşamağa çağırmaq əxlaqi mövqemidir? İndi onlarla, bəlkə yüzlərlə dindar şərlənib tutulub. Ağır narkotik maddələri ilə üzun müddətli həbs cəzalarına “bu da keçər” deməklə dözmək düzgün və əxlaqi mövqedirmi? Niyə Hacı Şahin ən azı zülmə dinc müqavimətə çağırmaq əvəzinə adamları Sabrin dediyi kimi, “mütəhəmmil” olmağa səsləyir və bunu Allahın adıyla bağlayır?

Və çox maraqlı bir detal: Hacı Şahinin riqqətlə «həzrət» dediyi Musa niyə Misirdə yəhudi soydaşlarına qarşı pis rəftara «bu da keçər demədi», fironla mübarizəyə girişdi?

++++++

Hacı Şahin deyir:

“Allah bir yol deyib. Deyib bax, qəlbində Kərbala ziyarəti istəyi varsa, get. Yoxdursa, getmə”.

Allah bunu harda və kimə deyib? Allah nə deyibsə (Qurana inanırıqsa), Quranda olmalıdır, başqa heç yerdə yox. Quranda Kərtəla var?

++++++++

Hacı Şahin deyir:

“Allah istəmir ki, bəndəsi düşük olsun. Deyir ki, düşüklük eləməyin”.

Allah istəmirsə, qoymasın düşük olmağı, hər şey onun iradəsində deyil? Düşüklük nədir? Harda Allah deyir ki, “düşüklük eləməyin?”

++++++++++

Hacı Şahin deyir:

“Allah həzrət Davuda deyir ki, gəl sənə səninlə eyni məqamda olan insanı göstərim”.

Məlum olur ki, Davuda bərabər insan bir qızdır. Və Davudla eyni məqamda, eyni səviyyədə olmağına səbəb onun “Allah barəsində yaxşı gümanda olmağıdır”.

Davudla eyni mərtəbəyə yüksəlmək elə də çətin deyilmiş – Allah barəsində yaxşı gümanda ol, işin düzəlib. Bu gümanla toyuq oğurla ya büdcəni dağıt, xəstəni, xəstənin ailəsini soy, banklara borclu sal…

İndi “həzrət” Davud haqqında. Bu cənab haqqında geniş məlumatı ancaq Tövratdan almaq olar. Tövratın “İkinci şahlar kitabı”nın 12-ci fəslində Davud barəsində maraqlı faktlar var. Məlum olur ki, krematoriləri Hitlerdən bir neçə min il qabaq o yaradıb, çünki həmlə etdiyi şəhərləri tutandan sonra bütün kişiləri ya kərpic sobalarında yandırır, ya gürz altına qoyurdu. Heç kimi salamt qoymurdu ki “xəbər çıxmasın”. Davudun öz əsgərinin arvadına aşiq olduğu, onu evinə gətirib özünə arvad elədiyi, ərini isə “cəbhə bölgəsinə” göndərib öldürtdüyü  də məlumdur.

Biz haçansa bu “şəxsiyyətlərə” tənqidi olmasa da, obyektiv baxışla baxmalıyıq ya yox? Bizim mənəvi oriyentirlərimiz belə manyaklar, şəhvətpərəstlər olacaqsa, hara gedib çıxarıq?

++++++++

Hacı Şahin deyir:

“İnsan yaxşılıqları aşkar edib, pislikləri örtməlidir. Yaxşılıqları akar edənlər cənnətə gedəcəklər”.

Bu tezis elə bil ki, prezident admiinistrasiyasından Azərbaycan jurnalistləri üçün yazılıb. Jurnalistlər ancaq tərif yazmalıdırlar. Tərif yazırlar – pul alırlar, ev alırlar. Yəni indidən cənnətə düşürlər. Pis yazan, yəni tənqid edən, düşür cəhənnəmə.

Pardon, türməyə…

++++++++++++++

Hacı Şahin deyir:

Həzrət Musa iki dəfə Allaha müraciət elədi, Allah dinmədi Üçüncü dəfə Musa dedi: “Ey günahkarların rəbbi!” Allah dərhal cavab verir: “Ləbbeyk, ləbbeyk, ləbbeyk”.

Hacı Şahin izah edir ki, Allah günahkarlara qarşı xüsusi diqqətlidir. “Allah günahkarı tez bağışlar, çünki günahkar qaçıb gedə bilər”.

Bunu eşidəndə xeyli güldüm. Sonra fikir məni götürdü. Qərbdə günahkarı dama salırlar, çünki onlar da Hacı Şahin kimi bilirlər ki, “günahkar qaçıb gedə bilər”. Azərbaycanda isə günahı olmayan günahkardan daha tez tutulur. Çünki Əliyev fikirləşir ki, günahsız qaça bilər…

Bir Salyan mollası vardı, o da Musadan yaxşı danışardı. Deyirdi bir dəfə Allah Musanı çağırdı: “Ala, Musa, ala, Musa,..”

Salyanlı mollanın nəzərində Allah da, Musa da təmiz salyanlı ləhcəsində danışırmış…Musa heç şübhəsiz ağdan ya qaradan istifadə eləyirmiş…

Mən başa düşürəm ki, adamların elliklə savadsız olduğu vaxtlarda ya da dini kitabların tapılmadığı sovet dövründə belə söhbətlər ciddi səslənə bilərdi. İndi hamının Tövratı oxyuya biləcəyi vaxtda Musa, Davud haqqında əfsanələr danışan ruhani stəndap komikinə bənzəyir…

Hacı Şahin deyir ki, nəfsinizi saxlayın. Tamahınızla mübarizə aparın.

Necə aparaq? Nümunələr, oriyentirlər varmı? Kimdir? Yalnız rəsmi arvadlarının sayı 12 olan peyğəmbər? Arvadlarının v kənizlərinin sayı iyirmiyə qədər olan birinci imamımız?

Bəs moizəçi məsciddə auidtoriyasına nə deməlidir?

Mən bu variantı təklif edirəm: …cıq uşaqları, sizin anananızı   mən… Oxuyun, keyfiyyətli təhsil alın, yapona, ingilisə, fransıza baxın, finə, norveçliyə baxın, oğurlamayın, işdə məsuliyyətli olun, hüquqlarınız uğrunda mübarizə aparnın, mübarizə aparmasınız, heç nə keçməyəcək, siz gəbərəcəksiniz, harınlıq, hampazorluq, rüşvətxorluq, qanunsuzluq qalacaq. Ölkəni zəbt etmiş uzurpatorlara qarşı qalxın və devirin, naqqal mollalara qulaq asmaqdansa, təşkilatlanın, öz hakimiyyətinizi özünüz seçin, qorxmayın, bir-birinizi satmayın. Peyğəmbər dediyimiz arvadbaz, qaniçən, manyak yəhudi şahları bizə müəllim və oriyentir ola bilməzlər Davudun, Musanın adı ilə, Davud ulduzu altında yəhudilər on minlərlə fələsytinlini bombalayıb qırırlar, milyonlarla insanı işğal altında saxlayırlar. İşıq gələn yerlərə baxın. Ən vacib olan – şəxsi məsuliyyət, cavabdehlikdir. Alahın günahkarları sevməyi xoxmadır. Heç bir nəzir, sədəqə, ibadət, ziyarət insanın günahını bağışlatmır, insan qanun və vicdanı qarşısında cavabdehdir.

Və s. bu kimi sözlər.

Təəssüf ki, belə sözlərin heç vaxt deyilməyəcəyini bilirəm. İllər keçəcək, moizələr dəyişməyəcək. Yalnız moizəçiər daha gözəl, dizayner əbaları geyəcəklər, moizələrin mətnini Ayfon 25-dən, 30-dan oxuyacaqlar, Rills roys minəcəklər…

Allahşükür kimilər isə bütün xalqın belində olacaqlar…

X.X.

03. 03. 2024, Samara

BİZİM DEKAMERON: KAŞ BÜTÜN OLİQARXLAR MƏŞUQƏLƏRİNİ ƏRƏ VERƏLƏR…

Мар1

samir Orucov aidə mustafayeva

Mənə Azərbaycandan bir dostum zəng edib deyir ki, Cavid Qurbanov məşuqəsi Aidə Mustafayevanı Ağstafanın icra başçısı Samir Oruucova ərə verib, Mirzə, sən buna necə baxırsan. Dedim ki, çox yaxşı baxıram. Bu, Azərbaycan üçün ilk könüllü istefa kimi bir şeydir, yəni  Cavid Qurbanov, türkün məsəli, presedent yaradır. Bəlkə gələcəkdə məmurlar vəzifələrindən də istefa verəcəklər. Dostum dedi ki, Mirzə, Cavid Qurbanov tam istefa vermir, bir növ Samir Orucovla şərikli müəssisə yaradır. Dedim onda qoy fikirləşim, buna necə baxdığımı sonra deyərəm…

Xeyli fikirləşəndən sonra Covanni Bokkaçonun Dekameron əsrərindən bir əhvalat ydıma düşdü. 6-cı günün 7-ci novellasındakı bu əhvalat Prato adlanan şəhərdə baş verir. Oranın qanununa görə ərinin zinakarlıqda, yəni oynaşının ağuşunda  tutduğu qadın diri-diri yandırılırmış. Günlərin bir günü gözəl qadın madam Filipppanı əri Rinaldo gənc oynaşı Ladzarrino ilə bir yataqda tutur. Əvvəl istəyir ki, arvadı özü öldürsün. Sonra fikriləşir ki, bu işi qanunla görmək lazımdır. Və arvadı çəkir məhkəməyə. Podesta, yəni eyni zamanda məhkəməyə başçılıq edən şəhər icrasının rəhbəri, arvadın gözəlliyini görəndə ona dil atır ki, zinakarlığını boynuna almasın. Gözəl olduğu qədər cəsur olan arvad isə heç nəyi danmır, bütün məhkəmədəkilərin qabağında deyir ki, bəli, mən oynaşımla sevişirəm. Üzünü tutur podestaya, deyir ki, soruşun mənim ərimdən, haçan mən onun istədiyini yerinə yetirməmişəm. Əri təsdiq edir ki, doğrudan da elədir, haçan istəyibsə, arvad yerinə yetrib. Madam çıxışına davam edib deyir ki, ərinin istədiyini verəndən sonra  onun artığı qalır. İndi bu artığı o neyləsin? İtlərə atsın? Saxlayıb xarab eləsin? Ya nəcib bir gəncə versin?

Podesta və bütün məhkəmə bu qərara gəlirlər ki, arvad tamamilə haqlıdır və onu cəzadan azad edirlər.

O gündən  Prato şəhərində zinakarlığa görə qadınlara cəza ləğv olunur. Cəza yalnız özünü pulla satanlara verilir…

İndi qayıdaq Samir Orucovun toyuna. Burda məsələ bir az mürəkkəbdir. Əgər Cavid Qurbanov görübsə ki, cavan məşuqəsinin çox artığı qalır və onu şərəfli bir Əliyev kadrı ilə bölüşdürmək qərarına gəlibsə, hər şey əladır. Ümumiyyətlə, burda hər şey əladır. İndi o aparıcıya çəkilən xərcləri Cavid Qurbanovla Samir Orucov bölüşəcəklər. Fərqi görürsünüz? Hərəsi bir məşuqə saxlasa, ikiqat xərcdir. İkisi birini saxlayanda xərc yarıbayarı azalır. Bəlkə nəticədə Cavid Qurbanov nazirlikdə, Samir Orucov Ağstafada az oğurlayarlar…Belə getsə, Azərbaycanda korrupsiya azalıb gedər…

Dostuma zəng edib dedim ki, bu işə yaxşı baxıram. Əvəz Zeynallı demişkən, kötü deyil, iyidir…01.03. 2024, Samara

Mirzə ƏLİL

 01. 03. 2024 Samara

 

XUMAR QƏDİMOVA VƏ ONUN SEHRLİ SAYĞACI

Фев29

Xumar Qədimova

Xumar Qədimovanın “ifasında “Sevdim səni” mahnısının klipinə You Tube-da baxanların sayı 7 milyona çatıb.

Nəyə görə bu rəqəmlər məndə ciddi şübhə doğurur?

Xumar Qədimovanın statistikası, yəni bizə göstərilən statistikası, dünyanın birinci pop ulduzu Svift Teylorun (Swift Taylor) statistikasına yaxındır. Teylorun “Lover” klipinə 4 ildə YouTube-da 281 mln dəfə baxılıb. Dörd ili aylara, ayları həftələrə bölsək, Xumar Qədimovanın nəticəsi ilə eyni olar. Bu, mümkündürmü? Yox!

  1. Svift Teylorun auditoriyası bütün dünyadır. 2. Svift Teylor çox gözəl qadındır ki, bunu Xumar Qədimova, haqqında, nə gizlədək, demək olmaz. Svift Teylor səhnədə oxumayıb yalnız gəzişsə də, nəhəng auditoriya yığa bilər. 3. Svift Teylorun təkcə İnstaqramda 282 mln (!) izləyicisi var. Bu qədər izləyicinin hamısı gün yarım ərzində “Lover” klipinə baxsaydı, 4 ilin nəticəsi alınardı. Bundan əlavə, Teylorun X (Twitter)-də 94, 6 mln, Facebookda 80 mln izləyicisi var. Və Swift Teylor milyard, iki milyard da yığsa, təəccüb doğurmaz.

Azərbaycanın bütün əhalisi cəmi on milyondur. Bunların fəal musiqiyə qulaq asanı, həm də İnnterneti, smartfonu olanı 4-5 milyondan çox olmaz. Və bunların hamısının birdən Xumar Qədimovaya aşiq olub gecə-gündüz onun kliplərinə baxmağına inanmaq mümkün deyil.

Flora Kərimova yaxşı müğənnidir? Əlbəttə, Xumarın tayı deyil. Onun ifasında “Heyf” mahnısının klipinə 2 min 500 dəfə baxılıb. İndi müqayisə edin.

Alim Qasımov. Əfsanəvi “Şirvan şiləstəsi”. Klipim birinə 13 ildə 179 min dəfə, ikincisinə 11 ildə 110 min dəfə baxılıb. Bir yerdə eləyir 290 min. Hanı bizim qüdrətli müğənnimizin milyonları?

Mən əminəm ki, Xumar Qədimovanın rəqəmləri süni şəkildə yaradılıb və bu işə maya qoyulub.

Bu rəqəmlər cəhənnəm, onlar qoy əsl müğənnilər Zeynəbi, Floranı, Alimi və onlrı sevənləri narahat eləsin.

Məsələ burasındadır ki, Xumarın oxuduğu hava Azərbaycan musiqisi deyil, türkü, yəni osmanlını  yamsılamadır! Yəni Xumar kasıbların Nilufəri, Nesrin Sipahisidir. Bu yamsılamalar tədricən Azərbaycan musiqisinin bünövrəsini sarsıdar, təzə nəsillərdə milli musiqi haqqında yanlış təsəvvür yaradar. İşğal adlandırdığımız rus, sovet dövründə milli musiqimiz formalaşıb – Üzeyir bəy, Cabbar, Bülbül, Xan, Qədir Rüstəmov, Alim… Müstəqillik (?!) dövründə musiqi identikliyimizi itiririk…

O süni rəqəmlər həm də bu faciəyə aiddir….

X.X.

29. 02. 2024, Samara

QURBAN VƏ QURBANİLƏR. YUZERLƏR VƏ LUZERLƏR

Фев28

Qurban Məmmədli TÜRK

Məlumdur ki, dünyanın ən möhtəşəm əiləsi Qurban Məmmədlinin atalıq elədiyi Azerfreedom ailəsidir. Üzvlərinin sayına görə bu ailə Hindistandan və Çindən sonra dünyada üçüncü yerdədir. Ancaq kəmiyyətdən çox keyfiyyət vacibdir. Azerfreedom ailəsini bu mənada Azərbaycanın «silikon vadisi» adlandırmaq olar. Bu ailəyə hər biri milli düha sayıla biləcək intellektuallar yığılıblar. Mirtzə Əlillə Mirzə Təbil Aerfreedom ailəsinin üzvlərinin intellektual incilərindən bir kolleksya yaradıb sizə təqdim edir.

 İNCİLƏR


@user-wc9jb7eh6l

6 hours ago

Ай гага биз динимиза хор бахырыг амал етмирий фарза биз балалара душирук сабаб озимиздади

@user-tk5wq1qw8w

9 hours ago

Гарбан маллим хаг йерин тапар иншааллах

@user-ly7is7pw5s

11 hours ago

@Hormetli Gurban bey,bu insanlari rosiyadada azerbaycandada ,en seviyesiz ve en gorxsg insanlari seciller,bu hagda siz oxsar rossiya turmelerinde istifade olunur,bu hagda Navalniya nece isgence veribler,yutubda var,bu adamlari coxdan azerbaycana,cetiribler.


@user-ml5tv9iy4s

16 hours ago

Ay şərh yazanlar, sizdən xahiş edirəm ki, yazanda, yazdığınız cümlələri düzgün bizdə oxuyanda başa düşək ki, nə ifa etmək itəyirsiniz bizdə başa düşək.

@aydntfkkur8195

20 hours ago

Qurban bəy,Mən incili,Quranı və qismən Tövratı oxumuşam.İsaya,Məhəmmədə poemalar yazmışam.Anlamadığı dildə ibadət etməyə,anlamadığı elmi əzbərləməə vərdiş etdirilən xalq anlamadığı əmri də icra edə bilər.Belə şeylər insanları müti edib. Bir də rüşvət asılılıq və mütilik,şəxsiyyətsizlik yaradıb…

@Forma567

20 hours ago

Нийе бу деречеде горхач ялтаг сатгын бинамус бигейретди Азербайджан миллети?? Икинчи беле горхач миллет йохдур. Аллах бу алчаглыга салдыки бутун дуня билсин не гедер горхач сатгын ялтагды бизим миллет. Демели космос гырдырачаг бу миллети йеринде ирак курдлери келиб яшайачаг. 26 илден сонра ченуби гафгаз курдистаны олачаг. Кул олсун башыныза.


@tamillazairova9248

21 hours ago

Mende jmix emishem ushagligda Bakida yashayirdim

@mirelcake7567

6 days ago

Halaloldun budur Azərbayçan gadını o partiyalarki var onlatdada bu gaxın gədər veyrət olardı .


@mirelcake7567

6 days ago

Gurbanbəy Azərbayçanda nəgədər ziyalıları var ançag biz buğün onları xalgın icərisində ğömürük ğiriblər kravatın altına niyə ?

@qasimibraqimov2476

6 days ago

Адам ГУЛаг асанда нифрат едир. Бу миллатин душмани ермани йох езудур. Она Гера дунйа бизи севмир. Ёлка учурома гедир.


@user-tt7qh2ro1p

6 days ago (edited)

Hamını Salamlayıram,Gurban kişi Turan birliyi Lənkəranı Turan ğənclər şəhəri elan ediblər bəs ( Şuşa,Xankənd )sizin fikriniz ?

@zikrehli

1 day ago

Qurban bəy Peyğəmbər (s.a.s) yer üzünü namazgah edib məgər Peyğəmbərimiz bilmirdi ki yer üzündə hər şey olur onda orani niyə namazgah deyib şadliq sarayında kim nə iş görür özünə aiddir əgər namaz girib vaxtı keçməsin deyə harda qilirsa onun nəyi pisdi qəribədir


@user-th9sg6kq7v

1 day ago

Кунах ишлетмейе вахтымыз галмасын


@user-rn8bo7bl7b

1 day ago

Камили ГАЛИБ ПРЕЗИДЕНТИМ ИЛХАМ ХЕЙДАР ОГЛУ АЛИЕВ бурахдырды


@user-de6lv1eh7l

1 day ago

Assalamu Aleykum Qurban müəllim.Sən gözəl insan və gözəl dindarsan. Bizlər heykələ boyun əymirik...

@abuhuseyn7578

2 days ago

Erestun ele sen indi de amerkanin sukasisan,sen ne bilirsen din nedir ALLAH kimdALLAHIN RASULU KIMDIR صلى الله عليه وسلم KET ISHINLE MESHGUL OL ve America da eşşeyini otar


@user-gh4nh5fs2q

2 days ago

Салам,ай Арастун бай,тенгид еладажайам,инджимайин,сизин поколенийаны Совет хокумети йолдан чыхарыб,шехсан сизин галбинизи гормурам,орда на вар, Аллах билир,горунен будут ки,сизда 10% мусалманчылыг вар, бунун сабаби иса исламы билмирсиз,чох таасуф,сиз дуня иле машгулсуз.

@herbici5221

1 day ago

Vaar olasuz Qurban bəy hemişe doqru düzgün qeyretli insanları tapib isiqlandirirsiz buna göre minnetdaram ALLAH razı olsun

İnciləri toplayanlar:

Mirzə Əlil və Mrzə Təbil

  1. 02. 2024, Samara

MƏLAHƏT ZEYNALLI: BƏDBƏXT, MİSKİN, HƏM DƏ RƏZİL…

Фев27

Məlahət Zeynallı

Bu günlərdə dünyanın ən müxtəlif ölkələrində, hətta indiki Rusiya ilə düşmən münasibətdə olan ölkələrdə iki rus qadınının çıxışı milyonlarla insanda bir vaxt Qaqarinin kosmosa uçuşu kimi Rusiyaya rəğbət və onun gələcəyinə ümid oyatdı. Mən Aleksey Navalnınına nası Lyudmila İvanovnanın və arvadı Yuliya Borisovnanın çıxışlarını nzərdə tuturam. Ən əziz adamları dövlət tərəfindən qətlə yetirilmiş bu qadınlardakı nümunəsiz mərdllk, ləyaqət, prinsipiallıq, mübarizlik heyrət və fövqəladə hörmət doğurur.

Məlahət Zeynallının əri öldürülməyib, ancaq uzunmüddətli həbs cəzası alıb. Məhkəmə qərarından sonra jurnalistlər qarşısında çıxış edir. Bu çıxışın müəyyən tonallığı, emosionallığı, əlbəttə, başa düşüləndir. Ancaq Məlahət Zeynallının nə dediklərinə diqqət yetirəndə quruyub qalırsan: bu qadının başına hava gəlib ya fövqəladə sitüasiya onun əsl üzünü açıb?

Məlahət Zeynalova ərinin həbsində məmurları təqsirli bilir.

“İlham Əliyevin bu məmurlara gücü çatmır…”

“Prezident deyirt ki, biz özümüzü türk dünyasında yaxşı görürük.

Mən burda Amerikanın, əlini gördüm, Qərbin əlini gördüm, Rusiyanın əlini gördüm ham Azərbaycanın, Türkiyənin əlini görmədim”.

Burda güləsən ya ağlayasan? Amerika hara, Əvəz Zeynallı hara? Daha doğrusu, Amertika harda, Əvəz harda? Əvəzi, məlum olduğu kimi, restoranda saxlamışdılar. İki havayıyeyən gədə ilə — İlkin Rüstəmzadə və Kəramət Böyükçöllə yeyib-içəndə. Məlahət Zeynallı Baydeni bu gədələrə qatır?

Sonra Məlahət xanım deyir:

“Elçin Sadıqov fetoçulara işləyir, onu bilirəm.

Azərbaycan hakimiyətrinin içərisində də adamlar var ki, fetoçulara işləyirlər

Bunu birmənalı olaraq, kimə lazımdırsa, məni çağırsınlar sübut eləyim.”

Fetoçular kimdirlər, onlar Azərbaycanda necə işləyirlər və ya məmurlar onlara necə işləyirlər? Buynuzları və quyruqları varmı? Məlahət Zeynallının kəşfiyyat xidməti var? Fetoçuları tanıyırdısa, indiyəcən niyə açıb demirdi?

Sonra deyir:

“Fetoçular bu gün bu ağır cinayət məhkəməsində qalib gəldilər”.

Yox, bu qadının başına hava gəlməyib, o, saman çöpündən yapışır, hanssa fantastik fetoçuları Əliyevə təhvil verməklə Əvəzi buraxdırmaq istəyir. On, on beş, lap əlli adamı tutdurmağa hazırdır. Yəqin qızları da Türkiyədə ştatdankənar agentdirlər, fetoçuların izinə düşüb tutdururlar. Türkiyədə fetoçuların növbəti dstəsinin tutulduğunu eşitsəniz, bilin ki, Əvəz Zeynallınn qızları tutdurublar…

Jurnalist arvad Məlahət Zeynallıya sual verir:

“Elçin Sadıqov on dörd il ailə vəkiliniz olub, bilirdiniz fetoçudur?”

Cavab:

“Biz təxmin eləyirdik…”

Bu, komediyadlr, sketç-şoudur?

Jurnalist arvad:

“Bəs niyə aralanmırdınız?”…

Haqlı sualdır. Ancaq sual janrın kanonlarını pozur…

İkinci personaj. Elnur Şükürovun atası. Gündən-günə əfəlləyən bədbəxt ata.

“Cənab prezidenti elə alıblar mühasirəyə ki, ona söz çatmır…”

A kişi, sözün var, söz danış. Əliyevi telefonunda İnternetə girib günün xəbərlərini oxumağa qoymurlar?

Şükürov-ata sonra deyir:

“Bunların qanında türk qanı yoxdur, türk qanı olsaydı, belə olmazdı…”

A kişi, elə bunlar əsl türkləridir. Öz vətəndaşlarına türk dövlətlərindən  amansız dövlət varmı? Bax Türkmənistana, Türkiyəyə, Özbəkistana… Çuğullamaq, şərləmək, tutdurmaq da əsl türk xassəsidir. Türküm etalonunu yaratmaq istəsələr, Eynulla Fətullayevi model kimi götürə bilərlər….

Məlahət xanım, əlbəttə, bətbəxtdir. Ancaq, etiraf edək ki, həm də rəzildir…

Məlahət Zeynallı, əri iki havayıyeyən gədə ilə restoranlarda yeyib içəndə, gərək onun qoparağını götürəydi, deyəydi bu pullar səndə hardandır, jurnalistsən, səhər işə gedəndə naharını düyünçədə apar, orda gəvələ, Türkiyədə iki uşaq oxuduruq, bahalı maşın sürürük, valideynlər xəstə…

Deməyib…

Əvəzin qardaşı deyir ki, uzun müdət polis işləyib, bir manat rüşvət almayıb.

Eh… Azərbaycan, Azərbaycan…

X.X.

27. 02. 2024, Samara