Архив тегов | Mirzə Əlil

QURBAN VƏ QURBANİLƏR. YUZERLƏR VƏ LUZERLƏR

Фев28

Qurban Məmmədli TÜRK

Məlumdur ki, dünyanın ən möhtəşəm əiləsi Qurban Məmmədlinin atalıq elədiyi Azerfreedom ailəsidir. Üzvlərinin sayına görə bu ailə Hindistandan və Çindən sonra dünyada üçüncü yerdədir. Ancaq kəmiyyətdən çox keyfiyyət vacibdir. Azerfreedom ailəsini bu mənada Azərbaycanın «silikon vadisi» adlandırmaq olar. Bu ailəyə hər biri milli düha sayıla biləcək intellektuallar yığılıblar. Mirtzə Əlillə Mirzə Təbil Aerfreedom ailəsinin üzvlərinin intellektual incilərindən bir kolleksya yaradıb sizə təqdim edir.

 İNCİLƏR


@user-wc9jb7eh6l

6 hours ago

Ай гага биз динимиза хор бахырыг амал етмирий фарза биз балалара душирук сабаб озимиздади

@user-tk5wq1qw8w

9 hours ago

Гарбан маллим хаг йерин тапар иншааллах

@user-ly7is7pw5s

11 hours ago

@Hormetli Gurban bey,bu insanlari rosiyadada azerbaycandada ,en seviyesiz ve en gorxsg insanlari seciller,bu hagda siz oxsar rossiya turmelerinde istifade olunur,bu hagda Navalniya nece isgence veribler,yutubda var,bu adamlari coxdan azerbaycana,cetiribler.


@user-ml5tv9iy4s

16 hours ago

Ay şərh yazanlar, sizdən xahiş edirəm ki, yazanda, yazdığınız cümlələri düzgün bizdə oxuyanda başa düşək ki, nə ifa etmək itəyirsiniz bizdə başa düşək.

@aydntfkkur8195

20 hours ago

Qurban bəy,Mən incili,Quranı və qismən Tövratı oxumuşam.İsaya,Məhəmmədə poemalar yazmışam.Anlamadığı dildə ibadət etməyə,anlamadığı elmi əzbərləməə vərdiş etdirilən xalq anlamadığı əmri də icra edə bilər.Belə şeylər insanları müti edib. Bir də rüşvət asılılıq və mütilik,şəxsiyyətsizlik yaradıb…

@Forma567

20 hours ago

Нийе бу деречеде горхач ялтаг сатгын бинамус бигейретди Азербайджан миллети?? Икинчи беле горхач миллет йохдур. Аллах бу алчаглыга салдыки бутун дуня билсин не гедер горхач сатгын ялтагды бизим миллет. Демели космос гырдырачаг бу миллети йеринде ирак курдлери келиб яшайачаг. 26 илден сонра ченуби гафгаз курдистаны олачаг. Кул олсун башыныза.


@tamillazairova9248

21 hours ago

Mende jmix emishem ushagligda Bakida yashayirdim

@mirelcake7567

6 days ago

Halaloldun budur Azərbayçan gadını o partiyalarki var onlatdada bu gaxın gədər veyrət olardı .


@mirelcake7567

6 days ago

Gurbanbəy Azərbayçanda nəgədər ziyalıları var ançag biz buğün onları xalgın icərisində ğömürük ğiriblər kravatın altına niyə ?

@qasimibraqimov2476

6 days ago

Адам ГУЛаг асанда нифрат едир. Бу миллатин душмани ермани йох езудур. Она Гера дунйа бизи севмир. Ёлка учурома гедир.


@user-tt7qh2ro1p

6 days ago (edited)

Hamını Salamlayıram,Gurban kişi Turan birliyi Lənkəranı Turan ğənclər şəhəri elan ediblər bəs ( Şuşa,Xankənd )sizin fikriniz ?

@zikrehli

1 day ago

Qurban bəy Peyğəmbər (s.a.s) yer üzünü namazgah edib məgər Peyğəmbərimiz bilmirdi ki yer üzündə hər şey olur onda orani niyə namazgah deyib şadliq sarayında kim nə iş görür özünə aiddir əgər namaz girib vaxtı keçməsin deyə harda qilirsa onun nəyi pisdi qəribədir


@user-th9sg6kq7v

1 day ago

Кунах ишлетмейе вахтымыз галмасын


@user-rn8bo7bl7b

1 day ago

Камили ГАЛИБ ПРЕЗИДЕНТИМ ИЛХАМ ХЕЙДАР ОГЛУ АЛИЕВ бурахдырды


@user-de6lv1eh7l

1 day ago

Assalamu Aleykum Qurban müəllim.Sən gözəl insan və gözəl dindarsan. Bizlər heykələ boyun əymirik...

@abuhuseyn7578

2 days ago

Erestun ele sen indi de amerkanin sukasisan,sen ne bilirsen din nedir ALLAH kimdALLAHIN RASULU KIMDIR صلى الله عليه وسلم KET ISHINLE MESHGUL OL ve America da eşşeyini otar


@user-gh4nh5fs2q

2 days ago

Салам,ай Арастун бай,тенгид еладажайам,инджимайин,сизин поколенийаны Совет хокумети йолдан чыхарыб,шехсан сизин галбинизи гормурам,орда на вар, Аллах билир,горунен будут ки,сизда 10% мусалманчылыг вар, бунун сабаби иса исламы билмирсиз,чох таасуф,сиз дуня иле машгулсуз.

@herbici5221

1 day ago

Vaar olasuz Qurban bəy hemişe doqru düzgün qeyretli insanları tapib isiqlandirirsiz buna göre minnetdaram ALLAH razı olsun

İnciləri toplayanlar:

Mirzə Əlil və Mrzə Təbil

  1. 02. 2024, Samara

MƏLAHƏT ZEYNALLI: BƏDBƏXT, MİSKİN, HƏM DƏ RƏZİL…

Фев27

Məlahət Zeynallı

Bu günlərdə dünyanın ən müxtəlif ölkələrində, hətta indiki Rusiya ilə düşmən münasibətdə olan ölkələrdə iki rus qadınının çıxışı milyonlarla insanda bir vaxt Qaqarinin kosmosa uçuşu kimi Rusiyaya rəğbət və onun gələcəyinə ümid oyatdı. Mən Aleksey Navalnınına nası Lyudmila İvanovnanın və arvadı Yuliya Borisovnanın çıxışlarını nzərdə tuturam. Ən əziz adamları dövlət tərəfindən qətlə yetirilmiş bu qadınlardakı nümunəsiz mərdllk, ləyaqət, prinsipiallıq, mübarizlik heyrət və fövqəladə hörmət doğurur.

Məlahət Zeynallının əri öldürülməyib, ancaq uzunmüddətli həbs cəzası alıb. Məhkəmə qərarından sonra jurnalistlər qarşısında çıxış edir. Bu çıxışın müəyyən tonallığı, emosionallığı, əlbəttə, başa düşüləndir. Ancaq Məlahət Zeynallının nə dediklərinə diqqət yetirəndə quruyub qalırsan: bu qadının başına hava gəlib ya fövqəladə sitüasiya onun əsl üzünü açıb?

Məlahət Zeynalova ərinin həbsində məmurları təqsirli bilir.

“İlham Əliyevin bu məmurlara gücü çatmır…”

“Prezident deyirt ki, biz özümüzü türk dünyasında yaxşı görürük.

Mən burda Amerikanın, əlini gördüm, Qərbin əlini gördüm, Rusiyanın əlini gördüm ham Azərbaycanın, Türkiyənin əlini görmədim”.

Burda güləsən ya ağlayasan? Amerika hara, Əvəz Zeynallı hara? Daha doğrusu, Amertika harda, Əvəz harda? Əvəzi, məlum olduğu kimi, restoranda saxlamışdılar. İki havayıyeyən gədə ilə — İlkin Rüstəmzadə və Kəramət Böyükçöllə yeyib-içəndə. Məlahət Zeynallı Baydeni bu gədələrə qatır?

Sonra Məlahət xanım deyir:

“Elçin Sadıqov fetoçulara işləyir, onu bilirəm.

Azərbaycan hakimiyətrinin içərisində də adamlar var ki, fetoçulara işləyirlər

Bunu birmənalı olaraq, kimə lazımdırsa, məni çağırsınlar sübut eləyim.”

Fetoçular kimdirlər, onlar Azərbaycanda necə işləyirlər və ya məmurlar onlara necə işləyirlər? Buynuzları və quyruqları varmı? Məlahət Zeynallının kəşfiyyat xidməti var? Fetoçuları tanıyırdısa, indiyəcən niyə açıb demirdi?

Sonra deyir:

“Fetoçular bu gün bu ağır cinayət məhkəməsində qalib gəldilər”.

Yox, bu qadının başına hava gəlməyib, o, saman çöpündən yapışır, hanssa fantastik fetoçuları Əliyevə təhvil verməklə Əvəzi buraxdırmaq istəyir. On, on beş, lap əlli adamı tutdurmağa hazırdır. Yəqin qızları da Türkiyədə ştatdankənar agentdirlər, fetoçuların izinə düşüb tutdururlar. Türkiyədə fetoçuların növbəti dstəsinin tutulduğunu eşitsəniz, bilin ki, Əvəz Zeynallınn qızları tutdurublar…

Jurnalist arvad Məlahət Zeynallıya sual verir:

“Elçin Sadıqov on dörd il ailə vəkiliniz olub, bilirdiniz fetoçudur?”

Cavab:

“Biz təxmin eləyirdik…”

Bu, komediyadlr, sketç-şoudur?

Jurnalist arvad:

“Bəs niyə aralanmırdınız?”…

Haqlı sualdır. Ancaq sual janrın kanonlarını pozur…

İkinci personaj. Elnur Şükürovun atası. Gündən-günə əfəlləyən bədbəxt ata.

“Cənab prezidenti elə alıblar mühasirəyə ki, ona söz çatmır…”

A kişi, sözün var, söz danış. Əliyevi telefonunda İnternetə girib günün xəbərlərini oxumağa qoymurlar?

Şükürov-ata sonra deyir:

“Bunların qanında türk qanı yoxdur, türk qanı olsaydı, belə olmazdı…”

A kişi, elə bunlar əsl türkləridir. Öz vətəndaşlarına türk dövlətlərindən  amansız dövlət varmı? Bax Türkmənistana, Türkiyəyə, Özbəkistana… Çuğullamaq, şərləmək, tutdurmaq da əsl türk xassəsidir. Türküm etalonunu yaratmaq istəsələr, Eynulla Fətullayevi model kimi götürə bilərlər….

Məlahət xanım, əlbəttə, bətbəxtdir. Ancaq, etiraf edək ki, həm də rəzildir…

Məlahət Zeynallı, əri iki havayıyeyən gədə ilə restoranlarda yeyib içəndə, gərək onun qoparağını götürəydi, deyəydi bu pullar səndə hardandır, jurnalistsən, səhər işə gedəndə naharını düyünçədə apar, orda gəvələ, Türkiyədə iki uşaq oxuduruq, bahalı maşın sürürük, valideynlər xəstə…

Deməyib…

Əvəzin qardaşı deyir ki, uzun müdət polis işləyib, bir manat rüşvət almayıb.

Eh… Azərbaycan, Azərbaycan…

X.X.

27. 02. 2024, Samara

+++++++++++++++++++++++++++++++++

24. 01. 2026

Əvəz Zeyallının YouTube-la indiki çıxışlarına baxanda elə gəlir ki, Azərbaycanda Çernobl qəzasına bənzər bir fəlakətli hadisə baş verib və Əvəz Zeyallı təpədən dırnağa qədər şüalansa da, sağ qalıb…Əslində Azərbaycanda bütün demokratik azadlıqların, vətəndaş hüquqlaraının məhvinə ynəlmiş sistemli repressiyanı nüvə silahənın tətbiqinə və ya nüvə obyektində törədilmiş qəzaya bənzətmək olar — yalnız təsadüfən sağ qalanlar var və onlar da ancaq öz işgəncəli ömürləriaz da olsa aparmaq uğrunda əl-qol ata bilərlər…

Jurnalist, bloger kimi Əvəz Zeynallıya mənim elə də rəğbətim yoxdur. Ancaq onun mübarizliyi, mənəvi müqavimət qüvvəti məndə heyranlıq doğurur. Bununlar belə onun arvadının məhkəmə prosesində özünü necə rəzil apardığını da unutmuram…

YENƏ SORUŞURAM: ZAUR QƏRİBOĞLU NİYƏ ƏSGƏR GETMƏYİB?

Фев25

zaur_qəriboğlu

Cənab Zaur Qəriboğlu!

“Zaur Qəriboğlu niyə əsgər getməyib” adlı yazı mənimdir. “Məndən yazırlar” deyib şivən qoparmaqla özünüzü kütləvi kampaniya qurbanı kimi göstərməyə çalışırsınız ki, bu da sizin davranış tərziniz üçün xarakterikdir.

Əsgər paltarında (“gözümdə də oçki var”)  şəkilləriniz mənim fikrimi dəyişmədi. Mən yenə hesab edirəm ki, siz əsgərlik çəkməmisiniz. Siz tək ya qonaqlarınızla tez-tez hərbi mövzuları müzakirə və militarist çıxışlar edirsiniz. Yəni xalqı yeni hərbi kampaniyalara səsləyir ya da hazırlayırsınız. Mənim fikrimcə, belə avantürist çıxışlar məhz xalq üçqn, xüsusən onun fəhlə-kəndli hissəsi üçün təhlükəlidir. Çünki hər yeni hərbi kampaniyada həyatlarını ya da sağlamlıqlarını itirənlər fəhlə-kəndli balalarıdır. Hərbi mövzuda danışmağa yalnız hərbin, yəni müharibəniin bütün ağırlıqlarını çəkmiş insanların haqqı var. Hardasa, özünüzün deiyiniz kimi, “oçki gözündə”gününü yubatmaq sizə bu haqqı varmir. 2020-ci ildə sizin 30 yaşınız olub. Niyə səfərbər olunub cəbhəyə getməmisiniz? Canınızı qorumusunuz? Elə isə ağzınızı yumun, xalqın balalarını ölümə, qana səsləməyin.

Məni – yazının müəllifi mənəm – “tərbiyəsiz” adlandırırsınız. Məni tanıyırsınız? Durun güzgünün qabağında, özünüzə yaxşı baxın. Kostyumunuzu, qalstukunuzu, alt paltarınızı, ailənizin dolanışığını hansı pulla təmin etdiyinizi düşünün. «Seçkilər»də yəqin bir ətək pul qazanmısınız. Bu pulu jurnalistliklə qazanmırsınız, Azərbaycanda müstəqil jurnalistlər pul qazananda da burnundan gətirirlər. Ondan çox müstəqil jurnalistin harda olduğu sizə yaxşı məlumdur. Sizin də yeriniz məlumdur.

Deyirsiniz ki, “yazanlar” xaricdən idarə olunurlar. Bilə-bilə yalan deyirsinuiz. Bilirsiniz ki, yazan təkdir və kimdir. Mənim xaricim Samara şəhəridir. Və məni haçansa, kimsə idarə edibsə, adını, ünvanını deyin. Mən idarə olunsaydım, aspiranturadan sonra zavodda fəhləlik eləməzdim, sizin kimi AYB adlanan oğraşxananın üzvü olardım.

Mənim yaşadığım xaricdə sizin kimi adamlara “делец” deyirlər. Bu sözü “işbaz” kimi də, “lotu” kimi də tərcümə etmək olar. Qundaqdan çıxandan siz nəşrlərə, fondlara, televiziyalara rəhbərlik edirsiniz. Sayları o qədər çoxdur ki, fiziki cəhətdən o rəhbərlikləri icra etmək qeyri-mümkündür. Savadınız da… Yəqin “Allaha təvəkkül” universitetini qurtarmısınız.

Bilirsinz sizdən niyə yazıram? Çünki cəhalət yayırsınız. Tək, qonaqlarınızla. Sərdar Cəlaloğlu iddia edir ki qan analizi ilə milli mənsubluq müəyyən edilir. Deyir ki, Mahatma Qandi Hindistanın prezidenti olub. Deyir ki, Flora Kərimova 8-ci oktavanı götürür və s. Düzəliş yazanda da silirsiniz. Mən keçmiş məktəb müəllimiyəm, cahil adamların millət müəllimi roluna girməyi, onsuz da çaşqın insanları daha da azdırmağı mənə toxunur.  Özünü polkovnik adlandıran, ancaq gizir qədər ağlı və məsuliyyəti olmayan heyvərə Üzeyir Cəfərovu, yeri psixiatriya xəstəxanası olan Cahangir Bayoğlu ilə haçanacan xalqın zehninə ziyan vurub özünüz kimi debilə çevirəcəksiniz?

Ən vacibi: orduda mənim ailəmin üzvü həlak olub. Ölümlərin bəlkə də ən ağırı və faciəlisi ilə. Ailənizdən (ailənizdən!) cəbhədə ölənlər varsa, yazın, mən də sizin barənizdə fikrimi dəyişərəm. Yoxdursa, Zəngəzur, Qərbi Azərbaycan kimi təhlükəli (fəhlə-kəndli balaları üçün təhlükəli) söhbətlər eləməyin.

Güzgü qabağında durmağı unutmayın. Pasternak deyirdi ki, başqalarının onun barəsində nə fikirdə olmağı vacib deyil, onun üçün vacib  “Mən namuslu adamammı?” sualına müsbət cavab verə bilməkdir.

Xeyrulla Xəyal

25. 02. 2024, Samara

P.S. Mənim yazımdan danışdığı Zaur Qəriboğlu videonu hansı verilişindənsə fraqment kimi kəsib qoyub. Studiyadakı qonağına ağlar halda deyir: «Mən təsadüfən bilmişəm… Sayt açıblar… Məndən yazırlar…Xaricdən idarə olunurlar…» Bunları deyə-deyə Qəriboğlu telefonunun ekranını bir neçə saniyəliyə qonağına göstərir və dərhal çevirir. Tamaşaçı heç nə görmür. Görsə, bilər ki, Zaur Qəriboğlu «Allaha təvəkkül » universitetini bitirsə də, intellektual səviyyəsi peşə məktəbinin məzunu səviyyəsində olsa da, fırıldaqlığa zirəkdir, gözübağlıca ustasıdır,  kartbasan və üsükoynadandır, çünki mənim heç bir saytım yoxdur, işlətdiyim — havayı bloqdur. Bloq indi açılmayıb, on iki ildir mövcuddur. Və bu bloqdakı yazılar da təkcə mənə məxsusdur. Özünü şişirtmək üçün xarici işə qatır. Şikayətlənir. Birbaşa xüsusi xidmət orqanlarına. Bu, Zaurun şakəridir — çuğulçuluq, xəbərçilik, çağırış edib adam tutdurmaq, insanlara «sorosçu damğası vurmaq»…Prezidentə hətta müraciət edir. Yəqin onunla oturub-durur…

İnstaqramdakı videonun şərh bölməsinə baxıram: beş-altı şərh var, ancaq əlavə ertmək mümkün deyil, çünki akkaunt sahibi «şərh opsiyasını məhdudlaşdırıb»….

QURBAN QURBANOV: «MÜHARİBƏ DÖVRÜNDƏ ALİ KOMANDANIN GÜCLÜ DÖYÜŞÇÜLƏRİ VAR İDİ…»

Фев24

qurban qurbanov

Qurban  Qurbanov Bakıda Braqaya 2:3 hesabı ilə uduzub səkkizdə bir finala çıxandan sonra müstəsna natiqliq və nitq mədəniyyəti nümayiş etdirirdi.

“Müharibə dövründə ali komandanın güclü döyüşçüləri var idi”.

Bu cümləyə YouTube-da qulaq asıb kömpüterdə yığandan sonra uzun-uzadı ekrana baxır və mat qalıram.

“Surəti-halım görən surət xəyal eylər məni”.

Bunu Qurban Qurbanov deməyib, Məhəmməd Füzuli deyib. Onun vaxtında ingilislər hələ futbolu yaratmamışdılar.

Qurban Qurbanov sonra deyir:

“Oyundan əvvəl söhbətimiz olmuşdu ki, biz bu gün meydanda döyüşməliyik”.

Bütün dünyada futbolçular oynayırlar, çünki futbol oyundur, çünki ingilislər onu əyləncə və yarış üçün yaradıblar. Döyüş üçün yox. Təkcə Azərbaycanda futbolçular döyüşürlər. Xüsusən alınma futbolçular. Onlar Azərbaycan üçün dallarını cırmağa hazırdırlar. Pullarını ver, dalına bax.

Qurban Qurban Qurbanov yenə aldı, görək nə dedi:

“Seçkilərdən bir gün sonra qalib gəldik”.

Pardon, hansə seçkilərdən sonra? Məgər Azərbaycanda seçki olub? Olubsa, kimlə kim arasında?

Qurban Qurbanov dayanmır:

“Bizim etdiklərimiz şəhidlərimizin etdikllərinin bir faizi də deyil”.

Aha! Bəs onda sənin maaşın şəhid ailələrinə verilən qədər yox, 100 min manatdır?

Şəhidlik belə şərəflidirsə, niyə oğlun gedib vuruşmur, xaricdə top qovur?

Qurban Qurbanov, sənin şəhidlərlə nə işin var? Sabah Bayer sənin ….dağıdanda xalqa, şəhidlərə nə deyəcəksən?

“Qarabağ” hələ futboıl komandası deyil, bahalı mulyajdır. Avropa stadionlarına baxın: hətta Sekundanın, Çempionşipin oyunlarında 60-70 min tutan stadionlar dolu olur. İnsanlar əylənirlər, dincəlirlər. Onların əylənməyə, dincəlməyə pulu var.

Mənə bu günlərdə İnternetdə bir futbol translyasiyası rast gəldi. Naxçıvan oynayırdı. İkinci komanda yadımda qalmadı. Stadion bomboş idi. Elə bil oyun başlanmamışdan qabaq neytron bombası atmışdılar.

Adamların əylənməyə, dincəlməyə, həvəsi və pulu yoxdur. Adamların yığılmağını isə Əliyev istəmir. Bir gün yığılarlar, iki gün yığılarlar, üçüncü gün Təbrizdə olduğu kimi siyasi şüarlar səslənər…

Qulaqlara qurğuşun…

Bayerlə oyunu səbirsizliklə gözləyirəm.

X.X.

24. 02. 2024, Samara

ATLAR ÖLÜB… ÇAQQALLARIN BAYRAMIDIR?

Фев19

Sərdar Cəlaloğlu zaur qəriboğlu

Sovet vaxtı peşə təsifatında belə bir peşə də vardı: “geniş profilli dəzgahçı”.

Ömrü boyu dəzgah dalında dayanmayan, çörəyini, bəzi qadınlar kimi diliylə qazanan Sərdar Cəlaloğlu da geniş, çox geniş profillidir.

Siyasətçi, siyasətşünas, ilahiyyatçı, həkim, qadın hüqüqu, hicab və aybaşı üzrə mütəxəssis, hərbi strateq…

Özü kimi demaqoq, söz yox, dil ustası olan, əsgərlikdən yayınıb ağız dolusu hərbi zəfərlərdən danışan  Zaur Qəriboğlu ilə verilişdə Cəlaloğlu əvvəlcə ədəbiyyatşünas və ədəiyyat tənqidçisi rolunu ifa etdi. Dedi ki, Nizaminin vaxtında Gəncədə Nizamidən də böyük şair olub, ancaq sovet hökuməti onun adını batırıb…

Sonra musiqi tənqidçisi və musiqişünas kimi çıxış edərək dedi ki, Flora Kərimova dünyada yeganə müğənnicir ki, səsi 8-ci oktavanı götürür.

Maraqlıdır, bu oktava söhbətini Sərdar Cəlaloğlu harda, kimdən eşidib?

İndi bilmirəm, sovet vaxtı Azərbaycanda musqişünaslar və musiqi rənqidçiləri vardı. Əsasən boşboğazlıq eləsələr də, hər halda musiqi təhsilləri vardı. Bilirdilər ki, oktava nədir.

Atlar ölüb, itlərin bayramıdır?

“Ən yüksək  nota görə həm qadınlar arasında həm də mütləq rekord:

İtalyan mənşəli Braziliya müğənnisi Corciya Braun 2004-cü ildə 5-ci oktavada fa götürmüşdü. Həmçinin C. Braun 2004-cü ildən qadınlar arasında ən geniş diapazona görə dünya rekpordçusudur: böyük oktavadakı ci-dən5-ci oktavadakı fa”.  (Vikipediya, ruscadan tərcümə)

Görürsünüz, 5 oktava. Cəlaloğlu hansı biliklə, hansı hünərlə Floranı 8-ci oktavaya qaldırır?

Nə bilik var, nə də hünər. Həyasızlıq, abırsızlıq!

Haçan Flora klassik repertuar oxuyub? “Qaynana” filmində? “Yenə başladı it kimi ulamağa…”

Fikirləşdim ki, Sərdarla Flora arasında ümumi nəsə var? Bəlkə bığ? Cavanlıqda Floranın bığı Koroğlunun bığından seyrək deyildi. Sonra qırxdı…

Yox, bu adamlar arasına ümumi abırsızlıq və həyasızlıqdır. Flora saxta seçkilərdə səs verir və deyir “əcəb eləyirəm”.

Sərdar Cəlaloğlu elə eləyir və  elə deyir…

Doğrudanmı itlərin bayramıdır? Yox, Azərbaycanda itlərin başı qapazlı olur.

Bəlkə çaqqalların?

19. 02. 2024, Samara

RAMİZ RÖVŞƏN PREZİDENTƏ: «ƏN ÇOX BU QIŞ SEVDİM SƏNİ…»

Фев18

ramiz rövşən sevdim səni

Əvvəl sevgim yavaş idi,

Sürətlə sonra sevdim.
Güzəranım yaxşılaşdı,
Gəldi pul-para, sevdim

 +

Elçibəyə verdim ürək

Sevdim bir ildən də az.

Atan onu devirən tək,

Keçdim bu sevgidən vaz.

 +

Şükr Allaha, ağıllandım,
Sevdim ulu öndəri.

Havayı ondan ev aldım,
Verdi şəxsən orderti.

 +

Öndər öldü, səni sevdim,

Yazda, yayda, qışda mən.

Gəldi hər ay təqaüdüm,

Bir ev də bağışladın.

 +

Ən çox sevdim səni bu qış,
Seçki keçiriləndə
Məntəqələr açılmamış,

Verdim səsimi mən də.

 +

İki dəfə səs verərək,
Dörd-beş bülleten atdım.

Çünki səni sevir ürək,
Sənsən eşqim, həyatım.

Mirzə TƏBİL

18. 02. 2024, Samara

ÇALIR ZƏNGƏZURNANI — DAYANDIRIN QURBANI!

Фев16

Təsəvvür edin ki, biri uzaqdan vedrə ilə su daşıyıb çəlləyə tökür. Dolmağına az qalmış ya beyninin qurdu qalxır ya ayrı səbəbdən vedrəni nəcislə doldurub tökür çəlləyə…

Seçkilərlə bağlı gördüyü faydalı sayıla bilən işləri son iki gündə Qurban Məmmədli beləcə poxa döndərir.

Qurban Məmmədli deyir ki, “biz Zəngəzuru, İrəvanı ermənilərdən geri almalıyıq, qoy vətənləri hardadır, orda gedib yaşasınlar”.

Bunu deyən adam hüquqşünasdır ya zəncirini qırmış dəli?

“Biz” – kimdir? Biz – Londanda arvadı, uşağıyla oturan Qurban Məmmədlidir, ya hər müharibədə ölümə göndərilən leriklilər, biləsuvarlılar, salyanlılar, şamaxılılardır?

Londonda oturub britaniyalıların pulu ilə kurort həyatı keçirən bu adamın beynəlxalq hüquqdan xəbəri var?

Ədəbiyyat haqqında təsəvvürü və zövqü ara şairlərinin şeiri səviyyəsində olan bu adam niyə böyük maarifçimiz Nəriman Nərimanovun üstünə düşüb?

Nərimanova heykəl qoyulmağında pis nə var? Nərimanov ən azı bədii yaradıcılığına görə bu abidəyə layiq deyilmi?

Nərimanov sənəd imzalaya bilərdi, ancaq onun nə səlahiyyəti var idi ki, Leninə, Stalinə qarşı dursun?

Nərimanov Odessada RSDRP-nn üzvü olanda Rəsulzadə də RSDRP-nin Bakı şöbəsinə, Hümmətə üzv olub.

Rəsulzadə 11-ci ordunun qabağına top-tüfənglə çıxmayıb, heç bir müqavimət göstərməyib, sonra da Stalinin yanında işləyib.

Bu halda Nərimanovun rəsmi olaraq SSRİ-nin dövlət başçısı vəzifəsinni tutması bizi niyə pərt eləməlidir?

Heydər Əliyevə Nərimanova heykəl qoymaq yəqin ki, asan başa gəlməyib. Çünki 70-ci illərə qədər Nərimanova Moskvanın münasibəti soyuq idi, üstündə millətçi damğası vardı. Nərimanova Bakıda heykəl qoyulmağı o vaxt az-çox millətçi, milli şüurlu adamlar üçün bayram idi.

Millətçi sayılan Əbülfəz Əliyev (Elçibəy) əgər Heydər Əliyevin Siyasi Büroya üzvlüyü ilə fəxr edir və evindən onun şəklini asırdısa, biz Nərimanova niyə hörmətsiz olmalıyıq?

Xatırladıram ki, Nərimanov sosialist, bolşevik olsa da, xalqını sevib, sözün əsl mənasında maarifçi olub. Rəsulzadənin bioqrafiyasındakı, yumşaq desək, dolaşıqlıqlar onun həyatında yoxdur. Məsələn, Rəsulzadə “İran demokratik partiyası”ının əsasını qoyub, “İran-nou”, “İrane-Ahat” qəzetlərinn baş redaktoru olub . Bu adlar nə deyir? Daha bir detal: Nərimanov 1925-ci ildə ölüb. Rəsulzadədən fərqli olaraq, Hitlerlə çay içməyib…

Qabağa qaçaraq deyim ki, 1984-cü ildə Astraxan vilayətindəki Nijnevoljski qəsəbəsinə şəhər statusu və Nərimanovun adı verilib. Bunu da o vaxtlar Siyasi büronun üzvü olan Heydər Əliyev edib.

Puşkin yazırdı ki, Rusiyada bir avropalı var, o da hökumətdir.

Məgər sovet Azərbaycanında ən böyük millətçi Heydər Əliyev olmayıb?

Xatırladıram ki, “Neftyanik” komandasını ruslara da “Neftçi” yazdıran və dedirdən Əliyev oldu. Əliyevə qədər Neftçinin heyətində bir ya iki azərbaycanlı olurdu. Müqayisə üçün: Araratda iki nəfərdən başqa hamı erməni idi. Neftçinin heyətini tədricən Heydər Əliyev azərbaycanlılaşdırırdı.

Heydər Əliyevə qədər azərbaycanlı zabitləri barmaqla saymaq olardı. Hərbi məktəbi Əliyev açıb və bu məktəb indiyəcən minlərlə zabit yetişdirib. Əliyevə qədər Suvorov məktəbləri ancaq Rusiyada idi. Qarabağ müharibəsindəki zabitlərimizin əksəriyyəti Naxçvanskinin məzunudur.

Minlərlə azərbaycanıl məzunların SSRİ-nin qabaqcıl  ali məktəblərinə göndərilməsi də Heydər Əliyevin təşəbbüsü idi.

Heydər Əliyevin millətçi olmağına şübhə yoxdur. Ancaq bu, spesifik millətçilikdir. Feodalın, şəxsi mənafeyini, ailə mənafeyini prioritet bilən adamın millətçiliyidir. Məhdudiyyətsiz hakimiyyətdən harınlamış, heş bir qanun tanımayan adam üçün millət get-gedə instrumentə çevrilirdi. Korrupsiyanı idarəçilik instrumentinə, şişirtməni, yalanı, dezinformasiyanı normaya çevirməklə Əliyevin əxlaqa, mənəviyyata vurduğu ziyanların həddi yoxdur. Onun hakimiyyətinə yeganə məhdudluq olan SSRİ və sovet partiya idarəçiliyi dağıldıqdan sonra Əliyev hampazor monarxa çevrildi və bütün fəaliyyətinin əsasında hakimiyyəti saxlamaq və övladlarına ötürmək məqsədi durdu.

Ancaq bunlar Əliyevin millətçi olduğunu inkar edirmi? Yox. Məsələ burasındadır ki, biz necə millətiksə, Heydər Əliyev də elə millətçi olub…

Qurban Məmmədlinin problemi nədir? – onun pataloji manipulyator və yalançı olmağı. Belə adamar haqqında deyirlər ki, gözünün içinəcən yalan danışır. Bilə-bilə, qəsdən. Məsələn, guya Rusiyada 4 milyon azərbaycanlının yaşadığı barədə iddiası.

Qurban Məmmədli seçkiləri saxtalaşdıran müəllimləri fahişə adlandırır və öz atasını nümunə göstərir – guya Cəlal müəllimdə büllur mənəvi təmizlik ilub. Doqquz il məktəb müəllimi olmuş adam kimi deyə bilərəm ki, sovet dövründə müəllimlik, xüsusən aşağı sinifəridə müəllimlik, humanitar fənlər müəllimliyi də seçki saxtarkarlığı kimi ya ondan da pis idi. Cəlal müəllim də Leninə, Stalinə, Xruşşova, Brejnevə, Şaumyana aid şeir və oçerkləri azyaşlı uşaqların sütül beyinlərinə onillərlə yeridib və heç bir vicdan əzabı çəkmədən maaşını alıb arvad-uşağına yedirdib…

Bəlkə elə buna görə oğlu Londinda Zəngəzurna çalır? Qurban Məmmədliyə xatırladıram ki, Cümhuriyyət heç br ölkə tərəfindən tanınmayıb və beynəlxalq hüququn subyekti olmayıb. Sərhədlərin toxunulmazlığına zəmanət verən yalnız bir beynəlxalq sənəd var – 1977-ci ildə qəbul edilmiş Xelsinki aktı…

16. 02. 2024, Samara

ZAHİD ORUCUN İLHAM ƏLİYEVLƏ TELEFON SÖHBƏTİ

Фев8

Zahid Oruc

Prezidentliyə namizəd olmuş Zahid Oruc prezident İlham Əliyevə zəng vurub.

— Allo! Salam, cənab əlahəzrət prezident

— Tı  kto?

— Cənab prezident, bu tik-tok deyil, vatsapdır, Mehman Hüseynov tik-toku xarab eləyib, mən ora girmirəm.

— Yaxşı, nə istəyitrsən?

— Mən sizi istəyirəm, cənab prezident. Yəni demək istəyirəm ki, mən sizi sevirəm.

— Sən azlıqdansan?

— Azlıqdanam, cənab prezident. Siz 93 faizsiniz, biz isə hamımız bir yerdə yeddi faizik.

— Bu elə dünya standartlarına uyğun gəlir. Qabaqcıl ölkələrdə də azlıqlar yeddi faiz təşkil edir. Ermənistanda altı faizdir. Biz tolerant ölkəyik…

— Çox sağ olun, cənab prezident, ancaq Mehman Hüseynov bizə çox sataşır…

— Mən sərəncam verərəm…

— Cənab prezident, ayıb olmasın, mənim azlıq yoldaşlarım da yanımdadırlar. Fazil, Qüdrət, Elşad, razi…

— Qruppovoy eliyirsiz?

— Cənab prezident, qruppovoy dalınızda durmuşuq. Üzr istəyirəm, demək istəyirəm ki, həmişə dalımızı qabağa verməyə hazırıq. Harda, hansı pozda desəniz,orda durmağa hazırıq…

Mirzə ƏLİL

08. 02. 2024, Samara

RUSİYADA 4 MİLYON AZƏRBAYCANLINI QURBAN MƏMMƏDLİ ARVADIYLA DOĞUB-TÖRƏDİB?

Фев5

Qurban Məmmədli abır-həyasını tamam itirib, utanıb-qızarmadan yalan, dezinformasiya yayır. Deyir ki, Rusiyada 4 milyon azərbaycanlı yaşayır. Bu rəqəmi o, hardan görtürüb? Heç yerdə bu rəqəm yoxdur. Başqa rəqəmlər var. 2021-ci ilin siyahıyaalınmasına görə Rusiyada 474 min azərbaycanlı var. Bunlar yəqin ki, vətəndaşlığı olanlardır. Bu qədər də (əslində az olar, köçüb gedənlər də çoxdur) mövsümi yaşayanları nəzərə alsaq, olar 800-900 min. Bu dörd milyonu Qurban Məmmədli niyə uydurur? Ona görə ki, bu qədər adamın səs verə bilmədiyunə görə İlham Əliyevi ittiham eləsin. Rusiyada 40 ildən çox yaşayan bir adam kimi deməliyəm ki, əgər Rusiyada doğudan da 4 milyon adam yaşasaydı, onların 3 milyon 999 mini Əliyevə səs verərdi. Çünki Rusiyada yaşayan azərbaycanlılar ya apolitikdir ya da Əliyev tərəfdarıdır. Qurban yaşda ya ondan bir az cavan olan kişilər bura !-ci Qarabağ  müharibəsindən qaçıb gəliblər. Yəni fərari olublar. Bunlardan nə hünər gözləyəsən? Onların uşaqları isə ya ruslaşıblar ya da ataları kimi əliyev tərəfdarıdırlar. Qurban Məmmədli manipulyalarla sadəlövh adamların başını bişirir, bunu da əsasən ianə yığmaq, özünün Londondakı xeyirlilikdən çox ziyanlı olan fəaliyyətinə haqq qazandırmaq xatirinə edir. Elə bir əxlaq norması, etik qadağa yoxdur ki, bu adam tapdalaya bilməsin. Yalanı danışır və qızarmır. Bu adama cadugər, falçı, manipulyator demək olar, ancaq siyasətçi yox. Çox təəssüf ki, Azərbaycan vətəndaşlarının xeyli hissəsini belə lotular əsl siyasi maarifçilikdən, siyasi-ictimai təşkilatlanma işindən kənar salırlar.  Adamlar bunun hoqqalarına baxıb gözləyirlər ki, ağızlarına alma düşəcək… Təsəlliverici budur ki, bu lotuya  cəmi 2ç-dörd min adam baxır…

Qurban Məmmədli mübarizəsinin əsas səbəblərindən biri kimi xalqının aldadılmağının qabağını almağı göstərir. Çox gözəl, sən istəmrirsən sənin xalqını aldadalar? Mən də istəmirəm ki, sən də mənim xalqımı aldadasan. Yalanla uzağa gedə bilməzsən, ancaq beş-on mini adamı azdırsa, çaşqın sala bilərsən. «Azərbaycan xalqı acından ölür!» — deməklə heç əlli adamı küçəyə çıxara bilməzsən. Çünki Azərbaycan xalqı acından ölmür. Sənin qohum-əqrəban ölmür ki? Başqaları da səninkilərdən aciz deyillər. İşləyənin çörəyi var. Pensiyaçı qardaşın Sərdar Cəlaloğlu acından ölür? Pensiyaçı vecsiz övladları üçün kredit götürməyibsə, dolanar. Azərbaycanda siyasi etirazı demokratiya tələbi yarada bilər. Azərbaycanlılarda isə bu tələb yoxdur. O cümlədən ona görə ki, demokratiyanı Qurban Məmmədli ya Toğrul Sadıqlı kimi ostapbenderlər təmsil edirlər…

 

Mİrzə Əli

05.02. 2024, Samara

ƏLİ KƏRiMLİYƏ: QALIRSAN? YENƏ ZURNA ÇALIRSAN? XALQI ƏLƏ SALIRSAN?

Фев4

İndi bilmirəm, sovet vaxtı Azərbaycan musiqili komediya teatrının repertuarında bir tamaşa vardı. Əsərin qəhrəmanı orkerstrdə ya trambon ya valtorna çalan Novruzqulu idi. Novruzqulu xoruz buraxırdı, yəni xaric çalırdı, orkestr isə onu qova bilmridi. Novruzqulu hərdən getməyə razılaşır, sonra deyirdi ki, yox. Heç hara gedən deyil. Bir shnə yadıdmdadır. Orkestr üzvləri xorla oxuyurduylar.

Qalırsan?

Orkestrdə çalırsan?

Əli Kərimli istefa

Yadımda deyil bu iş necə qurtardı. Bu gün Əli Kərimlinin Qənimət Zahidin diliylə səsləndirdiyi müraciətini eşidəndə bu tamaşa yadıma düşdü. Əli Kərimli cəbhəçilərə, bütün müxalifətçilərə deyir ki, bu gündən azaddırlar, istəsələr nümayişə çıxarlar, istəsələr mitinq keçirərlər, istəsələr İlham Əliyevin iqamətgahına yürüş edərlər. Yəni rusca desək, «я умываю руки».

Fikir verin: Əli Kərimli demir ki, vəzifədən gedir, demir ki, istefa verir. Deyir ki, mən vəzifədə qalıram, möhürüm, kürsüm, katibim, müavimlərim, Qənimət kimi saray şairim yerində. Siz isə gedin başınızı vurun polisin dəyənəyinə.

Ən azı son ildə bu adamın kostyumunu ütüsü pozulmayıb, yeganə gördüyü iş isə pafoslu nitqlər demək olub. Bunun paаoslu nitqlərinə aldanıb yüzlərlə gənc fəal mübarizəyə qalxıb, şərlənərək tutulub, dağılıb. Bu adamın, yəni Qənimət Zahidin “bəy” adlandırdığı bu cənabın faydalı iş əmsalı sıfır da deyil, mənfidir.

Və bu adam reallıq hissinio qədər itirib ki, harınlayıb, sırtıqlaşıb ki, demir istefa verir, demir bacarmadım, ayrı rəhbər seçin, ayrı yol seçin.

İndi burda nə olmalıdır? Qoqol təsvir edən lal səhnə yaNovruzqulu komediyasıbdakı xor?

Qalırsan?

Yenə zurna çalırsan?

Xalqı ələ salırsan?

Mirzə Əlil

04. 02. 2024, Samara