Архив тегов | müsavat qurultayı

MÜSAVATIN HİMNİ

Сен29

Müsavat dəyişibdir –

Başqan o başqan deyil!

Cağbacağ işlər gedir –

Bu baş o başdan deyil.

 

Qayğılanıb iqtidar –

Bilir barışqan deyil!

İslanıb neçə şalvar –

Səbəb yağışdan deyil!

 

Bayram edir kənd, şəhər —

Bu aş o aşdan deyil.

Sağ olsun İsa Qəmbər — 

Çox da ki başqan deyil!

 

29.09. 2014 Samara

«NƏ AĞIR YATDI BU OĞLAN…»

Сен28

2018-ci il. Bakı. Arif Hacılı İsa Qəmbəri oyatmağa çalışır.

  • İsa bəy, İsa bəy! Durun!
  • Arif, sənsən? Qoy hələ bir il də yatım, gözümün acısını almamışam.
  • İsa bəy! Nə bir il? Durun!
  • Onda qoy bir altı ay yerdəmi alım.
  • İsa bəy! Yerdəmini sonra alarsınız. İndi prezident seçkiləri başlanır!
  • Harda? Amerikada? Sən öl, Arif, bizimkilər udacaq!
  • İsa bəy, seçkilər bizdə başlanır. Siz də namizədsiniz!
  • Hələ namizədəm? Onda qoy yatım, seçilən kimi çağırarsınız, duraram… Arif, sən öl, yaxşı yuxu görürdüm, məni oyatdın. Get, Arif, indi beş-altı ay yatım, bəlkə yuxumun ardını görə bildim…

 

28.09. 2018 Samara