ANAMIN XATİRƏSİNƏ
Yaşını daşında görən yad insan,
“Mənə də bu qədər” deyər həsədlə.
Başın çəkənləri yazıya alsan,
Bu daşdan mini də çətin bəs edər.
10.09.2015 Samara
Архив тегов | ana haqqında şeir
QAPIYA DİKİLİB GÖZÜN…
anam Raziyyə üçün
Qapıya dikilib gözün,
Çoxdan açıb girən yox.
Danışılmır daha sözün,
Yuxusunda görən yox.
Şəkillərin əzizlənib,
Divarlardan asılmaz.
Yox heç yerdə gözləyənin,
Sənə məktub yazılmaz.
Telefonun ovucunda,
Sıxılmaqdan isinər.
Yox xəttinsə o ucunda,
Həsrət qalan səsinə.
Canının sulu çağları,
Başına yığılanlar.
Boynunu qucaqlayaraq,
Sinənə sığınanlar.
Dağildilar çəkildilər
Qoymadılar bir iz də.
İndi onlar şəkildilər,
Divarın o üzündə…
13.04 2014 Samara
ANA GƏRAYLISI
Yağışlara, küləklərə,
Qara tapşırılan anam.
El bürünə çiçəklərə,
Canını qış alan anam.
Divara söykənib gəzən,
Həyatdan doymayan, bezən.
Əsilli kişinin qızı –
Düşən, düşürülən anam.
Övladından yarımayan,
Sənin yerin Narayama…
Zəif, yazıq harayına,
Gəlir qonşuların, anam.
Zəhmətini itirdilər,
Yaddaşlardan götürdülər.
Qarğı, məni qürbətlərdə,
Tutsun qarğışların, anam.
17.02. 2014
Samara
xeyrulla xayal 